Apocalípsis 2:1 - Dupade Uruode

¹ Enga Jesús chojningame yu: –Arúsãrape yuruode ome Dupade anguresórone angaráni uje déji ore idáidatéi Éfeso. Enga ósi te ome barusarane: "Uyu u uje yiriguiji papose pi nanganatágode ore ujade, uje gare ore iji ti. Enga guédo garijitidie déji yijmanai ãrachua.

Apocalípsis 2:1 Iomraidhean Croise

Matéo 18:20

Adi jé upo rĩ uje a yanguresõre garósirigo ore cháta rágaja ñane ome yuruode. Garósi ore marínga, jé yugúsiji ore gari to.

Matéo 28:20

Acacho ore ome cuchade jnese jne uje e yacadique uágome enga ore doi to jne ome dáringane yirócho. Enga a arajáyo jne uje a yugúsiji uacari jne iji dirode jnese, jé aja erámone eruei.– Amén, qui jé upúsu.

Juan 5:35

Uje Juan gajnui u papósi ica uje e tagu enga chijñate dejode gáyode. Mu catadé deréjnai uje díreca uaquejode ome uté acajnaquéode. Mu uje déji uacajade ica enga uacanínaño uaque ome acajnaquéode.

Héchos 18:19

Uje ore díji Éfeso ga Páblo jnoji Aquíla, Priscíla ore gari enga chicáji judíode ore aquiningamei guiguíjna uje i tu sinagóga. Enga catecã́ri judíode uje ore taquiríji uté.

Héchos 18:21

Enga chojningame ore: –Que yácarabíji uacari gu uje yipota jeta yugúsi Jerusalén uje e idógosi jeta judíode chamáta ñane iji uté ome yocujnusinamáni dire. Mu yajniápo uacabai jne rĩ ujetiga Dupade pota.– Enga jé u uje chacája cucoi ga jnoji Éfeso.

Héchos 19:1

Uje Apólos qué déji Corínto enga Páblo chicáji guidáyode aja Éfeso yui uje ore déji cucaranone edodie. Uje díji Éfeso ga chise pacadigode uñane iji.

2 Coríntios 6:16

Yirajágo uje cucha puyaguipísi u ujetiga pichajapite ayoré gajnúrique aja Dupade iguíjna cuchábi. Uacamóño uje Dupa uecai tuté cho daguíjnai iji uaque to. Jecute Dupade u uté to uje chojninga: A yugúsiji ore ujade jne enga a yijína ore aja quedéjnane jne. A ore cho dadupa iji yu jne. Enga a yo yurása iji udore ore jne.

Apocalípsis 1:16

Guédo garitidie déji uté jmanai ãrachua. Enga quesé asicoi tõrapóji uté pijnani rĩ uje uo jnese. Enga uté edodie cho guedé ojo dotárenie uje tagu jnumi.

Apocalípsis 1:20

A yingo papósode pi garitíode quigode ome ua jne uje óro nanganatáguei. Uje papósode udore gajnúone u Dupade anguresórone iji guidai garitíode uje barusarane gajnengórone u ore. A yingopo guédo garitidie quigode jne ome ua to rĩ uje bamo ore que iji yijmanai ãrachua. Ore gajnúone u Dupade anguresórone angaránone ore iji guidai garitíode udore.–

Apocalípsis 12:1

Enga cucha pibojmai tṍraji guéode enga chequé. Enga uaté cho daguidéji guedé ojodie. Uaté chuchiéjna guedoside. Enga guédodie déji uaté ayoi coróna enga gariji yirídai.

Apocalípsis 2:12

Enga Jesús chojningápome yu rĩ: –Arúsãrape yuruode to ome Dupade anguresórone angaráni uje déji Pérgamo enga ósi te: "Uacacatecãraisṍri uyu u uje yiquesei asicopise enga uo jnese.

Apocalípsis 2:18

Enga Jesús chojningápome yu to rĩ: –Arúsãrape yuruode to ome Dupade anguresórone ore angaráni uje déji Tiatíra enga ósi te: "Uacacatecãraisṍri u yu enga Dupade Abi upúsu yu. Yedodie gajnunie u pioque ocaraidie, jé basa yirídade gajnúone u guebeque nanganatágode uje guebéode udore i u bronce.

Apocalípsis 2:8

Enga Jesús chojningápome yu rĩ: –Arúsãrape yuruode ome Dupade anguresórone angaráni to uje déji ore idai Esmírna enga ósi te: "Uacacatecãraisṍri tupúsu uyu uje bajaque yu ome cuchade jnese, enga ejo yu rĩ ome cuchade jnese. Uje yitoi nanique, mu yiquecápo rĩ.

Apocalípsis 3:1

Enga Jesús chojningápome yu rĩ: –Arúsãrape yuruode ome Dupade anguresórone angaráni uje déji Sárdis enga ósi te: "Uacacatecãraisṍri uyu u uje yaríjogoto u Dupade Ujopié Espíritu Sánto gajnu garitidie. Enga guédo garitidie dépoji yari to rĩ. Enga yirajapise uacadode jnese. Yiraja uje uacajnomei chise erámi jnese uje chiese ayoré ijõripise uaque. Mu ome Dupade enga e toque uaque.

Apocalípsis 3:14

Enga Jesús chojningápome yu rĩ: –Arúsãrape yuruode ome Dupade anguresórone ore angaráni uje déji Laodicéa enga ósi te: "Ũrepise uacacatecãraisṍri uyu. Enga uyu u uje yatatapísa Dupade uru uréone nanique ome ore. Enga Dupade angúromei upo yu rĩ nanique ome dapesudode cucha jnese iji erámi taningane.

Apocalípsis 3:7

Enga Jesús chojningápome yu rĩ: –Arúsãrape yuruode ome Dupade anguresórone angaráni uje déji Filadélfia enga ósi te: "Ueguipise uacacatecãraisṍri uyu ome pisijnaringuéone enga ũrepise yu rĩ. Enga jnani bajai eduguéjna David gajné llave déji yu. Jecute a yuchẽre cuchárique gai enga que toc ujetiga uñeque suruápo gai rĩ. Jé basa a yujuru cuchárique gai enga que toc ujetiga uñeque chuchẽre gai.