Apocalípsis 19:3 - Dupade Uruode

³ Enga udore ore chojningápo rĩ: –¡Alelúya! Chamáñaje pioi uté úyujnanie a ca íjnoque jne uje chãru uaté gai.–

Apocalípsis 19:3 Iomraidhean Croise

Génesis 19:28

Enga Abraham chajire guidáidatéode Sodóma, Gomórra ore gai mu chimo úyujnadaté uje chicáji gaté. Enga úyujnadaté jé chuságaja cucarani údi.

Sálmos 104:35

¡Ueradi u jeta pejnaque cucha gajnaréngone ipesusórone ore iji erámi údode jnese, jé aja sijnángone ore jeta íjnoque ore iji erámi to! ¡Mu ome yu ga a jé yicota Pangarádejnai ome yáyipie jnese jne! ¡Picotaque Opejã Pangarádejnai uté!

Júdas 1:7

Yirajágo to uje sodómagosode, gomórragosode, jé aja guidai ajámone gosode iji ore dosadode ore gajnúone u Dupade irógode udore ore to nanique. Uje ore cha pisoca omone nanique uje jnanione moji dacotépisedie gari, enga ore doi pisoca gajnaréngone ome dojode jnanío uje ore cho dacoté iji ore. Mu a ore chejnárengui jóroque dajnéone pujuyaquéo iji gajño pioi jne, uje pioi uté que chise deruénique. Jé arec ujetiga yicoi jnese enga yaquírango yoc ome pisoca gajnaréngone udore ujetiga ca pujuya yoque to jne iji gajño pioi.

Apocalípsis 14:11

Enga qué jno dabijnane údi enga chojninga: –Enga udore ore iñosoringuéone a ca eruénique cuse jne é. A ca ore iñosoringuéone cho jnaque iji dirode, dejade ore jnese jne é. Chamáñaje ore chisi jnani guichayai, gajnui ore gai te gu é. Enga ore juéga jeta uté i dóji ore enochade gu é.–

Apocalípsis 18:18

Uje ore chimo pioi úyujnanie iji idáidaté cuchábi gai, enga ore chojningame raque: –¿Ja jé qué diquiyaguirase idáidatérique uñeque a, ujetiga cho uaté ome úringa até ome dagúchade?–

Apocalípsis 18:9

Enga eduguéjnane iji erámone uje ore chirate uaté aja ate gajnarenguipísode a ore chimo pioi ocaraidie, úyujnanie ore uje tṍraji idáidatéi tuté. Enga a ore popísiji uaté ejode jne.

Apocalípsis 19:1

Quigade enga yudute gaté jogosõre dipeséode ore pijnacaraidie uje ore chojninga: ¡Alelúya! Yicotágo yocasuté Dupade uje chiqueta yoque ome dáringai ujopíerãque. Yicotágopo ome ingoningájnadatéi te rĩ.

Apocalípsis 19:4

Enga pangaránone uje 24 ore, jé aja gaté unirísõre gagájnione udore, ore doi enga ore chichaga dagataidie aja jnumi iji Dupade iquei iji gaté. Enga udore ore chisi Dupade gai uje chácariji dayaripi cuchábi gai enga udore ore chojninga: –¡Amén! ¡Alelúya!–