Apocalípsis 17:3 - Dupade Uruode

³ Enga Dupade iroi jno yúdi aja erãpe eyutiguei iji yenominone uje Dupade Ujopié Espíritu Sánto chingome yu. Enga yimo chequé tuaté uje cháji cuchiso guichaya charumájnai gai. Enga purusarane déji uté gai uje uruode gajnarécho aja Dupade. Enga uté gatoidie gariti, enga uedie chejna yijmanáyone.

Apocalípsis 17:3 Iomraidhean Croise

1 Reyes 18:12

Enga Abdı́as chopósi tome Elı́as gaté rı̃: –Ujetiga yingongarárasa uája Acab uté, mu a yico jmı́ti, jmı́ti ome ñane iji de, mu que pimo jeta Pangarádejnai uté Ujopié chorei ua iji siñeque enga a ca piyagápo ua to rı̃ ome uñeque. Ga Acab uté ca chisı́rase ua, enga a jé yigachodi turásu ome uté jeta chujérase yu to. Mu a jé ca yitiógararasa yúringárique chuque arı̃a. Adójnanga uje baroi tuyu ga jecucha yajna Pangarádejnai uté quigade iji jnumone, jé iji yúringai disi.

2 Reyes 2:16

Ga profétade udore ore catecã́ri Eliséo uté, ga ore chojningame: –Cajire to, uje jnanione déji barógode yocujade uje uajate ore, enga ore batigai chise 50. Enga yijóchago bajei údi ujetiga ajuéga ga ore chucué bangaráni jne. Que pimo gu ujetiga Pangarádejnai ujopié chijna aja gaté yui, ga chamurásiji cucaranone uñeque ójo. Jeoga tṍra uté aja tuijnárique iji sañeque.– Mu Eliséo chojningame ore: –Jé dóji, jé ca aroque ore jne.–

Daniel 11:36

'Eduguéjnai uté iji casaque garani yui a jé doi dáyipie quitígo ome cucha ponai jnese jne. Ga a uté jé icotaque re ome cuchade jnese jne ga a jos eti sué ore angurenone dupa gáyode jnese to. Ga a uté chietáyime Dupápisi jne ome daru noñángone jne. A uté chise darétigáriguiji ujárigo jne, mu a chise dínique jne jetiga Dupade chiroque dajuyaquei gajnetique cucha aja uté. Uje Dupade chĩ́care cuchárique, ga jé u uje tocade.

Daniel 7:20

Jé aja uje yipota jeta yiraja uté uedie quitique to uje uedie chejna yijmanáyone. Enga garamia úcabia cusosi ga edodie cuse uje cho ayoré enochade ga pijnani déji ga chósi chere-chere ome dáringamía dicotárape. Ga uté ue gadióguedie pijnimei jeta úcabia chácariji udire jogadi ga cuchadaté ome joranie ujo ue ore jnese.

Daniel 7:25

Ga eduguéjna ejoi uté a chietáyime Dupa Pujnuéngaisṍri uté jne. Ga a uté doi pocaningai ome Dupade urása cásodicáite ore jne rĩ, uje gaidi u gu jeta chejna Dupade urasade iji udore, udore. Ga a chetingarápo rĩ jeta chécãre Dupade garéngone cucha quigode, jé aja ore jnusinamánone dire puyácho. Mu a Dupade urasade udore ore déji uté jmainie jne, jé aja siqueré gadióguedie jeta nóna pei.

Daniel 7:8

"Uje yitoji uté uedie gai uje chejna yijmanáyone ga yimo úcabia uje suéji ue chojmara dosadi. Igasique ga yimo uje ue gadióguedie udire payudé ga parané aja guesi jetiga úco ujniámia suaté jogatique déji to. Úco ujniámia suaté edodie cuse ga cho ayoré enochade uje pijnani cuse. Ga suaté chósi chere-chere ome dáringa dicotare.

Matéo 27:28

Quigade enga ore chejñu Jesús iguidedie iji gai. Jeque ore na iguidé caraté aja.

Héchos 8:39

Uje ore doi guesi tiji yodi ga jĩrique Dupade Ujopié Espíritu Sánto jno Felipe údi. Enga eduguejẽ́ iróquegatéi que chimópo rĩ. Mu jno ga irasique re aja dajei.

2 Tesalonicénses 2:4

Enga a uté u jne ujetiga umajo Dupápisi, jé aja ayoréode ore angurenone cucha jnese rĩ iji erámi. Enga diga jno enga chacája Dupade iguíjna cuchábi ajei te jne enga a chopise Dupade iji re jne. Enga a chãra ayoréode ore jnese jne iji erámi.

Apocalípsis 1:10

Yocangarádejnai gajnei tuté dire pujnusinamate u uje Dupade Ujopié Espíritu Sánto chingo yenominone aja yu. Enga yudute pibijna dosógode iji yiquigade. Enga cho pubuchugode jocarane.

Apocalípsis 12:14

Mu yimo iji yenominone uje ore chisi ome arorei cuchábi ujnóngone ome chequé icamasugué tuaté ujetiga chója Dupade imani jogate iji erãpetarei. Ore gaidi tu gu ujetiga idájapise uaté iji dajnasṍri uté. Enga jé ore chṹra uaté ome posode iji sequeré gadióguedie enga peque uñai.

Apocalípsis 12:3

Enga cucha pibojma uña tõrapóji guéode rĩ. Enga arócojna guichaya. Charumájna uté. Enga gatoidie gariti. Uté ayode coróna déji gatoidie jnese. Enga uedie chejna yijmanáyone.

Apocalípsis 12:6

Uje e ore jno uaté abi údi aja gaté, enga uaté chayo enga chicáji erãpetarei. Uaté gaidi tu Dupade imani jogate uje e dimane iji iquei. Enga Dupade chirodipise uaté iji te jé aja dirode ome uaté uje 1.260 u.

Apocalípsis 17:18

Chequé tuaté uje bamo iji benominone qui tu idáidaté cuchátique uje chijocase erámone jogosórone ore eduguéjnane jnese.–

Apocalípsis 17:4

Chequé tuaté iguidé charumájna enga cho eduguejénie ore iguidedie uje ugúcharẽ́ ore. Enga uaté tujúna dajnápeode uje óro nanganatáguei. Tujúnapo cucarané ueradedie rĩ, jé aja pérladie ore rĩ. Uaté chisasi dajopidábia uje óro nanganatagape. Enga cho jetiga isoca gajnarenguipísode jnese irágusupúsu suaté.

Apocalípsis 18:12

Enga ore gueranone u óro nanganatáguedie, pláta, guebeque uñane to rĩ uje ore íode u bronce, hiérro ore, cucarané ueradedie, jé aja pérladie rĩ. Ore chijnapo borapeque cangarátubiode uje ore ipesucho iji líno, séda ore uje uruchachade chichagu iji ñane rĩ. Ore chijnapo pore ueradedie rĩ uje udore ai uneripíso. Ore chijnapo cuchiso uedie, uje ore pésu datuátigade iji rĩ. Ore chijnapo tábla oreranguipísode rĩ.

Apocalípsis 18:16

Enga a ore chojninga jne: –¡Ja jõõõ! Yosõcopísi jóroque idáidaté cuchábi Babilónia. Uje guidáidaté ueradéjna diríca, enga gajnui tu chequé ueradéjna uje ueradéjnai iguidedie to uje líno orerẽ́ enga uruchachade chichagu iji ñane iji. Uje uaté tujúna dajnápeode uje óro nanganatáguei, jé aja pérladie, cucarané ueradedie ore jnese to.

Apocalípsis 21:10

Uje qué yenominone u uje Espíritu Sánto chingome yu, enga Dupade iroi uté jno yúdi aja cototé umaré gaté enga uté chingome Dupade edójnari idáidaté cuchábi Jerusalén ome yu. Mu yimo uje idáidatéi tuté doi jnumi tiji gaté iji Dupade gari.

Apocalípsis 4:2

Enga jé u uté uje Dupade Ujopié Espíritu Sánto chingopo yenominone aja yu rĩ. Enga yimo piyaripi cuchábi iji gaté, enga eduguéjna cuchátique chácariji gai.