Apocalípsis 15:3 - Dupade Uruode

³ Enga ore chirate Dupade iroi Moisés iradé. Enga ore chiradápo Jesús iradé rĩ uje gajnui u áyasa pẽrapáideraque. Enga ore chojninga: Yocangarádejná, Dupa Pujnuéngaisṍripísi tu ua. Enga cucha pitijabácho bapesútedatéode. Pangarádejna cuchape ua ome erámi unirisórone ore, enga basocade ome ore que iyoguérique cus. Mu uome ua enga ũrepise ua ome baruode jnese.

Apocalípsis 15:3 Iomraidhean Croise

Génesis 17:1

Enga Abram guejnanie sequerei e chise 99 nanique uje Pangarádejnai Dupade chiqueta raja enga catecãrápoi rĩ. Enga chojninga: –Bacatecãraini Dupade uyu uje yujopié que eruénique cuse. Angaripísi yu enga apésupúsu yojningane cucha jnese. Enga apésu cucha omone gatuaque.

Sálmos 100:5

Uje paraguipise Pangarádejnai uté; uté osongaquei érãtique chise deruénique, jé aja uje úringai ũré que piyaque eruénique to, ga jé chuságaja disi ejórigo ore ape ejórigo ore jnese jne.

Sálmos 105:5

Ajnusináño uté ipesútedatéode uje ueracho ga pitijabácho, jé aja arecujaidie uje e patatádei ome uaque.

Sálmos 111:2

Cuchadaté Pangarádejnai ipesudode cucha, ga pésu danéningai ome uté ijnorasórone ore jeta ore chajire uté jmapié ome imaningone cucha udore.

Sálmos 111:7

Uté imaningone cucha ome dajmainie ga ũrepíso ga que iyoguérique cusapo rĩ, jé aja uje que potigayaque uté áyipie pirosobádedie quitique.

Sálmos 139:14

Yicota ua ome bapesudode yacho uje cuchadatéo bapesudode udore ome yu. Bamaningone cucha udore ueradípiso ga obiréjnapisome yu.

Sálmos 145:17

Pangarádejnai uté ũrepise ome dasocade jnese, ga paraguipise uté ome dapesudode cucha jnese.

Sálmos 145:6

A jnanione ore tujua bamaningone udore cucha etotiguejnai ujnomei jne, uje érãtique pirajaque udore isocárique. Ga a yatata báringai cuchadaté jne.

Sálmos 18:30

Ga Dupade u uje isocade ujñapetácho. Pangarádejnai uruode udore e petingarãque, ga eteque iyonguerãi. Ga Dupade uté u uje chicha raja udore ore yúode jnese uje ore chicha danguretigai aja uté ome ore úringane pãrécho.

Sálmos 78:12

Uje uté pésu cucha pitijabádode iji ore dayode enominone uje udore ore déji egíptogosode ore uniri, iji pachamini uté nanique uje i tu Zoán.

Sálmos 92:5

¡Urénga, cuchadaté bamaningone udore cucha, Pangarádejná, ga báyipiedie idájapísiji guesi ome dáringanie cuchadaté!

Sálmos 99:4

Ua u Peduguéjna Cuchape Pirosobádejnai uje bajnorapise pate uréone. Ua upúsu uje bapésu cuchade jeta tiróguiji jnumi. Ua upo rĩ uje betingare Jacob ape disi ejode ore adode úringáringo ũréo, ga ũrepise bajiritigade ome udore.

Daniel 6:20

Uje eduguéjna cuchábi e chirõre Daniel gajnei eruque cuchape, ga jĩraque tibidája yui, uje eduguéjna cuchábi ajei jĩraque caco ome dajnusiétigai. Ga chojningame dabijnane: –¡Daniel á! ¡Dupa Uecai iroguipísi ua yá! ¿Ama bangarádejnai Dupápisi chãraque ua ome caraté chagudie a?–

Daniel 9:11

Iji Israel údode nanique ga que uñeque chise bacajnaquéode unétique gotique. Uje ore chirajapise baroquéode udore mu que ore doi quitique gotique. Jecute baro casicaite Moisés urusarane udore quigode chise dáringane tocachucho iji diri tudé. Uje máraque yógome ua gu uje yipéjo cucha gajnaréngone ome ua.

Juan 1:17

Yirajágo uje Moisés di Dupade iroquéode údi iji darasade ore nanique. Yirajágopo rĩ uje Jesucrísto iringuío dai Dupade ijnoraquei údi ome yoque. Enga e yirajágo cucha uréone gu Jesucrísto.

Deuteronómio 31:30

Uje israélgosode e ore chise Moisés ejode jnese ga jé u uje chatata dapesudé Dupade iradé achachagúgode ome ore to. Achachagúgode umáño mu Moisés jé chise eruéode jnese to.

Deuteronómio 32:3

Enga a yĩ́care Pangarádejnai i ueradéjnai to. Ga beyoi ga ẽ́cacho Dupa Pujnuéngaisṍri uté úringai cuchadaté to.

Deuteronómio 34:5

Ga jé u uje Dupade iroguipísi Moisés topísi to nanique. Ga chicha dagachodi taja moábgosode ore uniri ajei to. Uje jé Dupa eyúgojmai urúo ome to gu.

1 Timotéo 1:17

Jecute yajéode u ujetiga yicoi ga yicotágo Dupa ugurui iji deréjnane jnese ome úringai eduguéjna eyúgojma, ome úringai togójma, ome úringai pimojma, ome úringai áyipierã́quedaté rĩ. ¡Qui jé upúsu! ¡Amén!

Hebréos 3:5

Moisés dopísi Dupade iroquéode iji Dupade urasade ujade. Enga gajnui u guiguíjnarique gajnesónique irótique uje dimane ome darósõri iroquéode ujetiga chajnerame uté uru piqueminórone ome darasade.

Josué 22:5

Ga gusu yuruode udojo ome uaque uje cáma boyo to: Enga ca aramuráso Dupade iro casé Moisés uruode iji uacajéningo jne ga beyopísi ojningane cucha jnese to iji uacaniri uté to jne. Uje chojningame yoque nanique: 'Ajnórañopise Uacangarádejnai Dupade uté to ga cho jetiga ajnáño ũrajetique iji jnumone to jne. Ga beyoi ojningane cucha jnese to jne. Enga cho jetiga uté diguiji uacaquéode enga ajnáño guichai iji jnumi to. Enga beyoi iroquéode ga ejnáño uacáyipiedie aja, jé aja adode jnese to jne rĩ jetiga beyopísi quigode jnese.'"

Apocalípsis 1:8

Pujnuéngaisṍri u Yocangarádejnai ome cuchade jnese. Jé jogate gu nanique iji erámi taningane, jé aja deréjnane unojo, enga a jé upo jne rĩ ujetiga diapo iji yoque rĩ iji jnumi iji dire piqueminórone. Enga uté chingo dadode ome yoque enga chojninga: "Yajnua tu purusãra bajé uje i tu A. Enga yajnua tupo rĩ purusãra eruemito uje i tu Z. Uje bajaque yu ome cuchade jnese gu. Enga a jé yijogadápo jne rĩ iji erámi eruei iquéode."

Apocalípsis 11:17

Enga ore chojninga: Yocangarádejná, yocacaranguipis ome ua uje Dupa Pujnuéngaisṍri tu ua. Yirajágo uje jé bajogate iji deréjnai tuné, jé bajogadápo to nanique rĩ iji taningápisi, enga a jé bajogadápo to jne rĩ ujetiga ãriápo iji jnumi rĩ. Yacãco babai uje bajna bajopiédaté etogue ome erámi unirisórone, enga e ore déji bádi jnese enga e bajnuéngai ore gai.

Apocalípsis 14:3

Enga Uté iquetade erámi unirísoño udore ore chirate daradé icha iji Dupade charipi cuchábi iquei. Enga gaté unirísõre gagájnione, jé aja pangaránone uje 24 ore, ore chudúdapo ore iradé tuaté to jnese. Mu gusu 144 mil udore ore uje piquetaque ore iji erámi unirisórone ujade, uje ore gajné ore iradé tuaté ujetiga ore chirate.

Apocalípsis 14:8

Diga Dupade iroque uñai tṍraji bajai quigade enga chojninga: –Idáidaté cuchábi Babilónia e pujnuéngai é. Idáidaté cuchábi Babilónia e pujnuéngai é. Enga a ca chacadápo erámone jogosórone ore jne rĩ é, ome dasoca gajnaréngone é. Uje que ore áyipiedie jnoji cucha gajnarenguipísode gatuaque é.–

Apocalípsis 17:14

Enga a ore pésu pocaningai ome Jesús, uje gajnua tu áyasa pẽrapaide chuguéraque. Mu Jesús a sué udore ore gai jne. Chamáñaje pangarádejnai u gu enga sué pangaránone gáyode jnese. Eduguéjna cuchape to enga sué eduguéjnane uñane gáyode jnese to rĩ. Enga uté jorane ore dopísi deduguéjnai tuté uru quigode. Chamáñaje Dupade ajegaite udore ore gu nanique.–

Apocalípsis 19:16

Enga purusarane déji uté iguidé. Enga dépoji etarútepiédie iji etarúdi gai te rĩ. Enga purusarane udore chojninga: "Eduguéjna querui u uté ome eduguéjnane jnese. Pangarádejna uté to, enga que pangarátique cho uté."

Apocalípsis 19:2

Chamáñaje ũrepise Dupade ome ajiritigade gu, enga que cho paraque ome dapesutique cucha. Enga jé tiógara uje cho dajuñame chequé dibéchoquía uaté. Chamáñaje uaté bai u dapesute gajnarenguipísode uje chacate erámi unirisórone ome punganinga quedéjnane. Enga Dupade jnutaque to ome darógode udore uje uaté chujé ore nanique.

Apocalípsis 4:8

Enga ujnoque chojmaráji tíode déji ore jnese. Enga udore ore edodie dépoji ore ujnóngone uéchade jnese rĩ. Enga que ore chimoque dínique, dejátique uje ore chicota Dupade. Enga ore chojninga: Ueque ua ome pisijnaringuéone. Ueguipise ua ome pisijnaringuéone. Yijárogo yocuruode iji jnumi uje ueguipise ua ome pisijnaringuéone. Yocangarádejná, Dupa ujopíerãi tu ua enga bajopié sué cuchade gáyode jnese. Bajogate nanique. Jé bajogadápo rĩ iji deréjnane unojo. Enga a jé bajogadápo to jne rĩ ujetiga ãriápo iji erámi rĩ.