Apocalípsis 15:2 - Dupade Uruode

² Enga yimo cuchárique uje gajnui u yote quedéjnarique uje pioi nóna ajicaranone iji. Enga yimo ayoréode uje ore chague iji yote quedéjnai uté pijnanai, enga ore ijocayade árpai déji ore jnese uje Dupade gueranome ore. Yojningane u udore ore uje ore sué jnani guichayai, gajnui ore gai. Chamáñaje que udore ore juéga rome jnani guichayai tuté gajnei número to gu ujetiga purusãraque ore ome.

Apocalípsis 15:2 Iomraidhean Croise

Matéo 3:11

Juan qué jno dacajnaquéode údi enga chojninga: –Yaca uaquedodie iji tié ome bautísmo uje imoi tu uje e uacayáyo uacate bajade. Mu Dupade utocaidi uñeque a chise uaque jne uje suépise yibai ome cutejma ujopié enga a chĩropise uacasijnaringuéone jne. Enga a chĩreta uacajéode ome Dajopié Espíritu Sánto ome bautísmo uñai jne.–

1 Pédro 1:7

Uacanguretigai gajnui u óro. Yirajágo uje ore chãrei óro enga ore chijnime pasigode iji ujade. Quigade ga ore chijnime óro iji uje ore chiraja uje óro ueque gu ga que cuchárique chimesa go. Yocanguretigai isocai u óro. Uje pequetingaquéode chise yoque to, enga pijoque yocanguretigai úringai ũréo iji udore jmainie to. Mu yocanguretigai oredie jiei, ga oredie sué óro oredie gai. Chamáñaje que eyúgojma óro go. Ujetiga uaque gosi anguretigai pijoque enga Jesucrísto a irasique uaque jne ujetiga diapo rĩ. Enga a chicota uaque jne enga a uacajneque uté ingoningájnai to jne.

1 Pédro 4:12

Yijorane uaque á, ujetiga pequetingaqué uajátique chise uaque, jeoga pequetingaqué quedéjnarique u, mu ca óraño uágome.

Apocalípsis 12:11

Enga jé cho yocujode Dupade anguresóño ore uje ore sué Satanás gai gu dáringai puruque iji Yocangarádejnai Jesucrísto iyoi uje uté gajnua u áyasa pẽrapaide chugué nanique. Adi jec upo rĩ uje ore sué Satanás gai to rĩ gu Dupade uru uréone to uje ore changureta enga que ore chagutu quitique ome darasade. Enga que ore chagutúapo dacuecaringuei rĩ ujetiga ore cho daba datatagode Dupade urúo udore.–

Apocalípsis 13:1

Yimone cucha unojo quigade enga yiyáji yote quedéjnai pijnanai iji yenominone. Enga yimo uje jnani guichayai tṍraji yote quedéjnai. Enga uté gatoidie gariti. Uedie dépoji rĩ enga chejna yijmanáyone. Uté ayode coróna déji uedie jnese. Enga purusarane déji gatoidie uje uruode gajnarécho aja Dupade.

Apocalípsis 13:17

Enga jnani guichaya bajai ípisi u uje ore churúsãre iji ore enochade, jeoga uté gajnei número u ore urusarane. Ujetiga uñeque chetaque dáringárique purusãraque, enga que toc ujetiga dequẽrate cuchárique ome uté gosi. Que togápo rĩ ujetiga tẽra dagúcharique ome ore.

Apocalípsis 21:18

Idáidatéi tuté adode nanganatácho jnese, uje óro uéguei enga díreca uéchade. Enga cho ajicaranone uje ichájna. Enga ore pésu ujuyaquéode iji cucaranenie uje i tu jaspe. Enga nanganata ujuyaquéode udore to.

Apocalípsis 4:6

Enga yote quedéjnai gajnui déji charipi cuchábi uté iquei enga cho ajicarani uje díreca uéchai. Enga gaté unirísõre gagájnione déji to uje ore chague iji charipi cuchábi uté ejode enga ore edodie déji ore gai jnese.

Apocalípsis 5:8

Uje e chisa darujna aoi, enga jĩraque gaté unirísõre gagájnione, pangaránone uje 24 ore, ore doi enga ore chichaga dagataidie aja jnumi tiji Áyasa iquei. Enga ore ijocayade árpai déji pangaránone udore ore jmainie jnese. Enga ore chisasíapo agapiábode rĩ uje óro nanganatágabí iji dajmanai uñane. Enga cucha ai unéri déji agapiábode udore ajéode. Enga cucha ai unéri gajnúone u Dupade anguresórone ore icatecãraitigade ome Dupade.