Apocalípsis 13:2 - Dupade Uruode

² Yimoi jnani guichaya uté gajnui u carataque quedéjnai. Enga uté guídade cho yajogue quedéjnanie guídade. Jé basa enga pijnani cho caraté quedéjnanie pijnanone. Enga arócojna quedéjnai ipesute jnani guichayai tuté úringai pangarate ujetiga gajneque cuchade iji erámi jnese. Enga chisi ome dajopié tome jnani guichayai tuté ujetiga chijna.

Apocalípsis 13:2 Iomraidhean Croise

2 Reyes 2:24

Enga Eliséo chajire daquigade ga toji ore gáyode. Enga jé u uje uté chutṍri Pangarádejnai ome ore úringáringo pujuyagaite nanique ome darúñiejnane. Enga jı̃raque cuchiso chequé gáredie uje i tu óso tṍraji monte ome ore, ga chajnangarase udore uñane aja dejode. Ga ore yugode iji disi urejane udore ujade chise 42 nanique.

Sálmos 22:21

Arame yu ome caraté chagudie udire ore pijnanone udore. Arota yu ome aquirájna choqui aségode udore ore ue asícojnanie. ¡E bangári yuruode udojo!

Provérbios 17:12

Ujetiga ayorérique ajéode u ujetiga chijnimírase cuchiso chagúrique iji pujuyáraque, mu cuchisoi tuté que chiraja jeta pejñunguírasiji mu iquiñiringuetac uje tagu dejode ga que toc jetiga ayorérique chejñu iji. Mu iquiñiringuetáguipísi tu jeta pátapi ayoré turuturérique ome áyipie quitígo uje que toguípise go jeta áyipiedie quigode tocade. Enga gosi jé ipesudépise dajuredie ome re jetiga cháta raja ayoré turuturérique ome áyipie quitígo.

Provérbios 28:15

Ayoré gajnaréngone que ore chiraja dasocáringome deduguéjna josipíerane ore ome ore josipiédatédie. Chamáñaje que ore áyipieraque jnoji dajosipiedie gu ome darasade ore. Enga ore gajnúone u caraté chagúraque uje socárome dojórigo cuchiso gatuaque. Jé ore eduguéjna sijnángone gajnúone upo cuchiso uje i tu óso rĩ ujetiga chachẽre ore.

2 Timotéo 4:17

Mu Yocangarádejnai que cha yu to nanique. Enga chisi ome detotiguei tome yu ujetiga yacate purása quedéjnane ore ome adode jnese. Enga chãraque yu ome yúringárique chuque to.

1 Pédro 5:8

Ajusópise uacáyipiedie guio, enga beyoi enga ãrijínaño uaquejode. Uacamóño uje uacamajósõri Satanás diguiji erámi gu. Enga ucuegode u Dupade anguresórone uyoque iji erámi ujetiga sué yoquibai. Enga gajnui tu caraté quedéjnarique uje chijna dajéode aja guesi aja dajesúode. Enga ucuei tu gosi ujetiga chajnangarase aja dejode enga chejna.

Apocalípsis 12:13

Unojo quigade enga yimo uje ore tṍra arócojna guichayai uté aja erámi. Enga jĩraque uté chajna chequé icamasugué.

Apocalípsis 12:15

Enga yimo iji yenominone uje ugai tuté chojne dabogoro aja chequé quigade enga ibogoro pésu cutejmai yote dequejnangóri. Ajegaidi tu jórogu ujetiga chequé icamasugué tuaté toi iji uté to.

Apocalípsis 12:9

Enga arócojna guichayai tuté jiei íode. I bajai tu Ugai. I uñai tupo Dicoré te rĩ. I uñai tupo Satanás te rĩ. Enga uté u uje chãra erámone jogosórone ore jnese. Diga uté patĩ́ora darógode ore uje ore tṍra ore aja erámone.

Apocalípsis 13:12

Jnani guichaya bajai guẽrate jnani guichaya ejoi ujopié tome ujetiga eduguéjna cuchape to. Jecute uté pota jetiga erámone jogosórone ore chisi jnani guichaya bajai gai jnese, uje e piquetaque docódi tiji gatoi nanique gu.

Apocalípsis 13:4

Enga ore chisi arócojna guichayai gai uje uté guẽrate jnani guichayai ujopié tome. Jecute udore ore chisiapo jnani guichayai gai to rĩ. Enga ore chojninga: –Que uñeque déji uje cho jnani guichayai tuté. Enga que qué ducujnuéngaipo uté gai to rĩ ome cutejma ujopiédaté.–

Apocalípsis 16:10

Enga Dupade iroque garamia jno, enga chójnesiapo doidábi agapiábi aja jnani guichaya bajai charidi te rĩ. Enga jĩraque topié uté uniri jnese iji jnumi. Enga ijnangunújna cuchabé chise urasade ore jnese. Enga udore ore ajúgorodie cho ta-ta, ta-ta ome uraque da-urõsoringuéone.

Apocalípsis 17:12

Bajiredie uei udire iji cuchiso guichayai tuté uje chejna yijmanáyone, ore gajnúone u eduguéjnaringo jne uje cáma udore basája dáringáringo eduguéjna. Mu Dupade a guẽratique guedé batiga chojmára jne ome udore ore ujetiga ore basája dáringárique eduguéjna. Enga a jé ore nóna cuchiso guichayai tuté jne aja gaté.

Apocalípsis 19:20

Mu buricai charipísõri tuté sué ore gai, enga doi enga chisa jnani guichaya bajai. Dopoi ejoi to rĩ enga chisapo rĩ. Enga tṍra ore jnese aja gajño pioi uje azufre ai nóna pioi aja gaté. Uje ejoi tuté ãraque erámi unirisórone ore jnese ome daringaquédatéode nanique. Uje pésu dapesútedatéode diríca ome dangaráni jnani guichaya bajai ujopié. Enga chiroque darane udore ore aja ujetiga purusãraque ore enochade ome jnani guichaya bajai i. Enga chirógapo ore aja rĩ ujetiga ore chichaga dagataidie aja jnumi iji uté gajnui iquei.

Apocalípsis 2:13

Yiraja uacapesudode jnese. Yirajápo rĩ uje uacagúsoji idáidatéi tuté uje idáidatéi tuté idaisórone ore cho dangarádejnai iji Satanás. Mu jé uacabeyoi yadode iji udore ore ujade. Uje que oyo caru ome uacanguretigai tiji yu uje uacapáñañoji nanique uje Satanás urasade udore ore chujé Antípas iji dedáidatéi tuté. Uje Antípas uté changuretapise yu to nanique, enga chatatapísa yadode quigode ome ore.

Apocalípsis 20:2

Enga Dupade iroi gaté unirísõre chisa arócojna guichayai enga chigaru, enga suru gai tiji ejo cuchabé ajei. Enga guejnanie sequerei mil u iji ejo ajei. Arócojna guichayai tuté u ugai nanique. Enga íode jé u Dicoré, Satanás to.