Apocalípsis 12:2 - Dupade Uruode

² Enga chequé uaté ica déji ajei. Enga uaté chisa dabade ome dabi achaminone. Uje e idógosi ujetiga base.

Apocalípsis 12:2 Iomraidhean Croise

Isaías 53:11

Uje uté déji dáringai surujnaque gai, ga cho jeta ijnangunua chaco uté gai, ga edodie cho jnaque. Mu dépoji dírecaringuéi te rĩ ga chajire dejode mu uerate imaningone cucha aja quigode, ga irasiguipise re. Pangarádejnai Dupade júdebei uté uégome pisijnaringuéone, jecute a u jne ujetiga chejñu darajasórone ore isijnaringuéone iji ore údode ga chibéro udore iji ore gáyode. Enga jiei uté ujode ayoré uje ore chagutíyame uté isocade udore jne.

Matéo 24:8

Mu taningami qué su ome cuchadatéode uje a pésu erámi unirisórone ore ujuredie jne.

Juan 16:21

Uacarajáyo uje chequedíe ore abode achaminone chise ore enga páyuguhebátigade jogadi tu ome ore. Jé basa ga uje ore abode base ga que ore jnusinápo urõsoringuéone rĩ. Chamáñaje ore irasé raque gu uje e ore abode base.

Gálatas 4:19

Yababode uaque á, a yajnua tu chequéraque uje chejnáreque dape basui urõsoringuéone. Uje a ca íjnoque yáyuguhebátigade ome uaque jne, jé aja ujetiga yimo uje oyópise uacangureni Crísto.

Gálatas 4:27

Uje ore urusarane Dupade urúo déji uje chojninga: Anínapúsu ua, chequé á. Abere ua enga íjnoque babode, mu a batígo cuse jne. Yiraja uje cáma ejnáreque batique achaminone, mu anínapúsu ua rĩ. Chequé ducarané ua, mu a jé batígo suépise chequé dacajné abode gai jne.

Apocalípsis 12:4

Enga cho ujetiga arócojna guichayai tuté chajuguína guédodie iji jnumi enga péode gadioque, enga cari churuguse guédodie peque chojmarai enga tṍra ore aja jnumi gai. Unojo quigade enga arócojna guichayai cháji chequé icarẽ́ iquei. Gaidi tu gu ujetiga jĩraque tagu chequé abi ujetiga e base.