Apocalípsis 12:1 - Dupade Uruode

¹ Enga cucha pibojmai tṍraji guéode enga chequé. Enga uaté cho daguidéji guedé ojodie. Uaté chuchiéjna guedoside. Enga guédodie déji uaté ayoi coróna enga gariji yirídai.

Apocalípsis 12:1 Iomraidhean Croise

Lúcas 21:25

Mu cuchade udojo quigade enga jé basa ga erámi unirisórone a ore chimópo ore ingongóningáringo ome guedé, guedoside, guédodie ore rĩ. Ga a jogadi tu jne ujetiga chajuque erámi unirisórone ore agutedie jnese. Uje a yote quedéjnane chijocase re iji jnumone jne ujetiga pésu dajocarãque cuchátigo.

Efésios 5:32

Yijorane uaque á, cucha ibiraque Dupade uruode udojo quigode arĩa, uje cho cucha pipoguiédode, mu ũréo. Enga ueradipíso udore quigode ome yoque to. Mu ome yajéode ga puruode udojo chichaga raja Crísto isocai ome da-iglésia.

Márcos 13:25

Mu jé basa ga a jogadi tu jne ujetiga guédodie base uacabáyode iji gaté. Mu jé basa ujórigo cucha iji gaté a ca chajire detotiguérigo ujetiga tãrara iji uacabai.

Lúcas 21:11

Ga a jnupe tãrarachutígo chise uaque to. Jé aja chaguhéode ujetiga socárome uaque. Jé aja dequejnaréquedatérigo rĩ ujetiga tṍraji dajñarenie ome uaque. Jé basa ga cuchárigo a tṍraji gaté to jne ujetiga cucha pimojma ujetiga chajuque ayoréode uacagutedie iji jnumi tudé jnese jne.

Sálmos 104:2

Ga baco babai ome báringai nanganataque ga cho pepeque piguitíguiji babai. Ga cho ujetiga ayo gatajnoquei údi ga cho carpa pungaratique iji bajmainie.

Sálmos 84:11

Chamáñaje Pangarádejnai Dupade u cucha guedé jé aja cucha guebeguéjna pãrésõri uje chicha raja piquéode ome cuchade yúode. A Pangarádejnai uté gueranone u posongaquei jé aja pingoningájnai udore ore jne. A jé ca chãraque cucha ueradode udore uñeque ome gosi jne ujetiga areque gosi adode aja dajesúode.

Apocalípsis 21:23

E que cucha guedé, guedoside ore ome idáidatéi idaisórone udore ore. Dupade chijñate ore gai gu ome dangoningájnadatéi. Enga guidáidatéi tuté idírecaringuéi tu Jesús uje gajnua tu áyasa pẽrapáideraque.

Apocalípsis 15:1

Unojo quigade enga yimo cucha pibojma uñai iji gaté uje chajuque yaguté. Enga yimo Dupade iroque garitíode iji gaté uje dimane ore ome Dupade ujuyaqué ejode uje gariti ore. Enga yiraja uje a Dupade ájningai chimate raja guesi ome dajuyaqué ejode udore jne.

Apocalípsis 12:3

Enga cucha pibojma uña tõrapóji guéode rĩ. Enga arócojna guichaya. Charumájna uté. Enga gatoidie gariti. Uté ayode coróna déji gatoidie jnese. Enga uedie chejna yijmanáyone.

Apocalípsis 11:19

Enga jé u uje Dupade iguíjna cuchábi chuchẽre dabai iji gaté. Enga yipáñangoji cuchade pi iji ajei uje Dupade uru pirosobádode pi cajo tu. Enga yimóngo ajnorane iji, enga yudúco cucha jocarã́quedatéi iji, jé aja guéode uruode. Enga jnumi tãrara to enga ebe dipesedie tṍraji gaté to.

Héchos 2:19

A yingo cucha pimojmane aja ore jne enga ore tocade iji gaté jne. Enga a yingo cucha pingongóningane aja ore jne rĩ enga ore tocade iji jnumi jne. Enga diquiyode, pioque chagúode, pioque úyujna cuchábedie u jne cucha pingongóningane udore.

Matéo 24:30

Ujetiga ore chimo Dupade utocaidi uyu yãrapiedie udire iji gaté enga pagoyedie jogadi tu ome erámi unirisórone ore iji erámi jnese jne. Enga a ore chimo Dupade utocaidi uyu iji gue abujáraque. A ore pañaji yúringai ujopíerãque, yúringai pujnuéngaisṍre ore jne.

Malaquías 4:2

Mu yiríringai a ueradéjna ome yijnorasórone uaque to jne. Ga gajnua tu guedé uje tocade ga dírecaringuéi cho jnip aja gaté ga guedé ojodie chise uaque ga chiqueta gosi ome ejnaréngone to ga pésu uacáringane ijoréjna to. Ga unere yiríringai yui ome uaque ga uacajnua tu aquirájna ucatógabia uje quene gachisṍri chijnime iji pi ajei ga cana ga choja quedéjnane ¡chem! ¡chem!

Gálatas 6:14

Mu uyu ga que yajéode u go ujetiga pisi yibánique. Jé basa yajéode upúsu ujetiga yisígo Yocangarádejnai Jesucrísto gai ome itoringai iji curesei gai. Yiraja gu uje uté itoringai u gu uje chinoningase yu nanique uje yangureta. Jecute e cho ujetiga yitoi ome erámi jogosórone cucha, enga chopo ujetiga erámi jogosórone cucha toi ome yu to rĩ.

Matéo 12:38

Jé u uje fariséode, Moisés urusarane atatasórone uñéngo ore catecã́ri Jesús enga ore chojningame: –Yocacadisṍri á, a qué yajicobírase bapesútedatérique to ujetiga ajna Dupade Ujopié ome.–

Apocalípsis 21:14

Cucarané cuchábedie déji ujuyaquéode udore údi enga gare ore iji yirídai. Enga purusãraque Jesús iroguipísode apóstoles ore íode iji udire. Uje ore irósõri Jesús gajnua tu áyasa pẽrapaide chuguéraque.

Apocalípsis 1:20

A yingo papósode pi garitíode quigode ome ua jne uje óro nanganatáguei. Uje papósode udore gajnúone u Dupade anguresórone iji guidai garitíode uje barusarane gajnengórone u ore. A yingopo guédo garitidie quigode jne ome ua to rĩ uje bamo ore que iji yijmanai ãrachua. Ore gajnúone u Dupade anguresórone angaránone ore iji guidai garitíode udore.–

Gálatas 3:27

Uje e uacanguretáyo Jesucrísto ga ore tṍra uágaja yodi ome bautísmo, enga e uacapijócho uje uacátayo uágaja Jesús ga e uacatojmáraño, ga gajnui u ujetiga ajmacho Jesús uté ate ueradode aja uaque.

2 Coríntios 11:2

Chamáñaje yijnorapise uaque gu, enga yetaque ujetiga angáchoi pacadisõre unejátigo. Enga jecute yocãra uaque. Mu garani u Dupade uje yocãra uaque. Chamáñaje e yingome uágaja Crísto nanique gu ujetiga gajneque uaque to. Enga ujetiga eso jne enga uacajnua tu gapua uje chachai dajmasṍri. Jecute a gajnarenguipísirase ujetiga eso mu e uacagúsoji uñai gari.

Romános 3:22

Enga ore atatagode quigode u panguretigai ome Dupade utocaidi Jesucrı́sto ujeta gosi chise dáringárique ujñapetágome Dupade. Uje Dupade jé urúo udore gu enga pisocai chojmara ome erámi unirisórone jnese. Ujetiga judı́ode u, jeoga purása quedéjnane u, mu jé yoco ñane jnese iji uté edominone.

Juan 3:29

Jecucha pijoque jnacari úringai gapua gajmasõre. U gu uje ore déji ñane ejode. Uje gajmasṍri ujoi jnacare chudute dajõrai arecujaidie enga pininaquei irágu. Adi jé u iji deréjnai udé to uje yirasitigai irágu yu uje yudute yujoi Dupade utocaite ujnomei to.

Romános 13:14

E mu aracho Yocangarádejnai Jesucrísto uté aja jmapiedie, ga gajnui u ujetiga ajmacho uté ate ueradode aja uaque. Enga jé ca dimánerase uacáyipierigui ome pipotigué ayoréode yui, uje uacajnepídi u gu ujetiga jé ca ajuécho jetiga uacáringai ayoré ipotiguéode cucha chijocásapo uaque rĩ.

Gálatas 4:26

Mu yirajágo uje Jerusalén gateminóri cuse to. Enga Jerusalén uté idaisórone que ore cho ayoré pisagode gotique uje guesája cuchade yúode ome ore gu. Enga Jesús anguresórone uyoque yocajnúone u ujetiga idáidatéi uté ape yoque.