Apocalípsis 10:7 - Dupade Uruode

⁷ Jecute ujetiga Dupade iroque garitia chubúchu dabuchui te jne, enga a jĩraque Dupade ipoguiédedie dáyipiei tocade ome erámone jogosórone ore jne. Uje e áyipie aroi udire uje chingome darógode profétas ore nanique.–

Apocalípsis 10:7 Iomraidhean Croise

Héchos 3:21

Mu Jesucrísto qué déji gaté uje Dupade qué pésu cuchade aja quigode gu. Uje jé urúo nanique ome daruode atatasórone iji jnani bajade uje ore chedu Dupade iji re. Uje a chatire cuchade jnese úringáringo ujñapetágaja ore jne.

Romános 11:25

Yujode Jesús anguresõre uje uacagúsoi purása quedéjnane ujade á, Dupade áyipie iyajmenie cuse ome israélgosode uje gajnui u cucha pipoguiétique, mu cho jetiga quene chuchẽre dabai ome uaque. Ja seca abóyoja israélgosode ome uacáringane ijoyatácho, jecute yipota ujetiga arajáyopise Dupade áyipiedie udire quigode. Ujetiga Dupade ajegaidode jnese iji purása quedéjnane uacajade eso uacáringane piquetacho ome uté, enga jogadi jé u uté uje quene israélgosode ore áyipie uajádedie eruei tu.

Romános 16:25

¡Beyoi ga yisigopise Dupade gai ome uté úringai ingoningarãque! Jé uté tiógarapísa dajnéone yoquicotaquéo udojo ome re gu. Adójnacho uje Dupade uté etotiguei cuse jeta pésu ga uajate uáguiji uacanguretigai gatuaque. Enga uacasocai uté jé chajnapise pujnomé ueradi quigode ome Crísto uje yatatame uaque. Jé Dupade áyipie iyajmenie u dáyipiedie udire ome Crísto uté, mu cho cucha pipoguiédedie, uje que chingongarája erámi míraque.

Apocalípsis 14:6

Cucha dacadode unojo quigade enga yimópo Dupade iroque uñai te rĩ uje chóna tijode iji erámone. Enga chacate ore ome Dupade uru eyúgojmane ujetiga ore changureta enga pucuecaringuei déji ore iji deréjnane jnese. Enga chapuse ore aja iji erámone jnese ome dacajnaquéode.

Apocalípsis 17:17

Enga Dupade ipesudé ore áyipiedie udire ujetiga ore cháta rágaja cuchiso guichayai. Dupade ijocayaque udore ore gu ujetiga uru diyajmane tocade jne ome ore ipesudode.