Apocalípsis 10:5 - Dupade Uruode

⁵ Diga yajire Dupade iroque ujopíerãi tuté uje chuchiéjna yote quedéjnai, jnumi ore. Enga chãrai dajmanai ãrachua tiji gaté.

Apocalípsis 10:5 Iomraidhean Croise

Génesis 14:22

Mu Abram chajnai eduguéjnai uruode enga chojninga: –Úngare, que yipota yisa uacagúchade. A yatire jnese uacabáyode jne. Chamáñaje e yingome Yangarádejnai, Dupa Pujnuéngaisṍri, uje a ca yisa uacagúchade jne. Enga a ca cucha bisideque yuruode udojo jne. A ca yisa ducarigátique, jeoga yuchiédi carutíguiji uacagúchade udojo. Que yipota gu ujetiga ojnichome yu jne: 'Abram ugúcharã́que gu yocugúchade udore uje chijna.'–

Nehemías 9:6

Enga jé u uje Ésdras catecã́ri Dupade iji ore iquei ga chósi te ome dacatecãraitigade: "Pangarádejnai tu ua, Dupade á, enga pangarádejnai uñeque que déji erã́tique. Ga jé ua u uje bapesute gaté, jé aja gatajnoqué gaté rĩ. Ua upo uje bapesudei guédodie to rĩ. Ua upo uje bapesute jnumi tudé to rĩ, enga jé bapesudápo yote quedéjnane jnese to rĩ, enga jé bapesudápo yote quedéjnai ujṍsore dipeséjnane ore to rĩ. Ga jé ua upo rĩ uje bapesute yote quedéjna ujõsórone ore ujñarone to rĩ, jé aja jnumi tudé unirisórone ujñarone to rĩ. Que cuchisórique, ayorérique udore uñeque eca bisidéguiji erámi tudé bisidec. Mu ayoréode, cuchisode yiquecágo gu ua uje basíome bajñari ome yoque. Que gusu yoque mu guédodie ore chicota ua to iji gatajnoquei.

Sálmos 146:5

Pininaquei gajnesṍri u gosi uje átajasṍri tu jnani bajai Jacob uté angureni Dupa, ga uté anguretigai jogadi u Dadupa Pangarádejnai.

Éxodo 20:11

Uje bangarádejnai Dupa uyu yimate yipesudode cucha jnese nanique gu iji dire chojmaráitía; jé u gaté, jogonórone cucha jnese, jé aja bayaripi jnupe udé, jogonórone cucha iji erámi údode, jé aja tiedie, jogonórone cucha ponáyo. Ga yo yujñare to nanique iji dire garitia. Jecute Dupade uyu yo yajnenguíji dire garitia uté ga yo dire puyáguiji nanique.

Éxodo 6:8

A yorei uáguiji punire ueradi jne. Ga a oyo uacaniri iji jnumi tuté enga a uacajnenguipise jne. Yojningai tuté erãpe omitíga u uje yingome uacáqui jnupabejnáringui ore nanique, Abraham, Isaac, Jacob ore nanique uje qué ore chapite to nanique. Ga ore gajnecho yuru iyiejnane udojo to nanique. Dupa Eyúgojmai tu yu uje yicatecã́ri ua iji de.–

Daniel 12:7

Jnani uté uje cháguena yodi ajei uje iguidedie póroro ga chãrai dajmanecade iji gaté ga chĩ́care Dupa Eyúgojmai i uje que uté cho darupatáringa gotique. Enga uté catecã́ri ga chósi tome: 'Ujetiga siqueredie gadioque enga nóna pei ga a Dupade urasade israélgoso jatíbase ore jne iji dajnenie pujuré jmainie, ga jogadi a u jne jeta quene cuchade udore chise deruei.'

Héchos 14:15

–¿Jé gotique ĩ́rique uje uacoyo dupa iji yoque? Uacojo ayoré yoque arĩ́e. Mu yibájoi uaque gu ujetiga yingongo uaque ujetiga ayáyo uacangurenone cucha bisidécho. Enga angáchoi Dupa uecai to uje ipesute gaté, jnumi, yote quedéjnane ore; jec aja jnumi, gaté ore jogonórone cucha jnese.

Héchos 17:23

Uje yisõre iji uaquedai ujade enga yimo gaseranone uje uacapéso ome uacangaránone ayoré gajnúo, uje uacacatecãchoi ore iji. Yise gaseranone udore uñai uje uacarúsãcho uacarusarane iji uje chojninga: "Dupa pimojmai u udé." Dupa pimojmai u uté ome uaque mu jé uacacatecãchoi. Mu yangaráni Dupa jé u uté to enga yiraja adode. Enga a yatata adode ome uaque jne.

Romános 1:20

Que yuruode qui tu ujetiga ore chimo Dupade uté ome dedodie, uje pimojma gu. Mu obiréjnapise uté isocade jé iji taningapı́sode gu imaningone cucha uásejna. Que potigayaquérique déji ome Dupade uté úringai Dupa. Enga pijoque to ome erámi unirisórone jnese uje eyúgojma uté úringai ujopı́erãque ome imaningone udore cucha. A gosi chojningárasa: –Cáma yudute Dupade gotique ujnomérique, arı̃a.– ¡Mu cachi gosi uru bisidécho udore!

Deuteronómio 32:40

Ũrepise yu uje a yo yujnutabádu yu ome yetesórone jne. Enga que toc ujetiga yuruode udore ca tocade. Uje Dupa eyúgojmai uyu gu, ga eyúgojma yidáidatéi iji gaté to, ga jé cho yarecujaidie to, eyúgojma ga yuruode tocade jnese. A chise diri jeta yata yiguebei jne ga yipésu nanganataringuei iji to jne. Enga a yiji yumajósõre chojmara, chojmarane enga a yichagu ore ome to jnese ome yúringai jnutaque to. Ga a yetesórone ore gajneque dapesutígo orérigui to jnese jne.

Hebréos 6:13

Ajnusináño uje Dupade catecã́ri jnani bajai Abraham nanique. Enga chingo abi ujnomei tome uje a chisi ome jne. Enga Dupade chojningame: "Jé yarecujate yingomenie ome ua." Enga yirajágo uje que parecujate uñáraque cuse ujetiga sué Dupade arecujaidie gai.

Apocalípsis 1:18

Bamo uje toque yu nanique. Mu quigade enga yiquecápo rĩ, enga a e ca yitopoi jne rĩ iji deréjnane jnese. Enga yujopié etotiguei déji ome pitoringai, jnaropié ore jnese. Chamáñaje lláveode déji yu gu ome cuchade udore.

Apocalípsis 10:2

Yimo iji yenominone uje darujna ahábi désiji uté jmanai uje pungaraque. Enga uté chuchiéjna yote quedéjnai ome darída ãrachua. Jeque chuchiéjna jnumone ome darída arasei.

Apocalípsis 14:7

Enga uté chojningame ore iji daru uajádode: –Jé angachopísi Dupade é. Beyoi enga acotáyo uté to é. Deréjnai e u gu ujetiga uté chajire uacadode aja quigode. Beyoi enga acotáyopise uté uje ipesute erámi taningane, jé aja yote quedéjnane, sibíjnane ore jnese é.–

Apocalípsis 16:17

Enga Dupade iroque gariti doi enga chójnesi doidábi pagapiábi aja gaté yui. Jec u uje dara ibisógode tṍraji charipi cuchábi iji Dupade iguíjnai ajé gaté puyaguipísi. Enga chojninga: –E yimate cuchade jnese.–

Apocalípsis 4:11

Yocangarádejna Dupá, jé tiógarapísa ujetiga picotaque ua. Chamáñaje bangoningájnai cuchadaté gu. Jé cho báringai pangarate, jé aja bajopié, uje cuchadaté ore to. Chamáñaje bamanique cuchade jnese gu iji erámi, gaté ore. Báyipie omenie u nanique gu uje cuchade udore tocade.

Apocalípsis 4:9

Uje jnanione udore uje 24 ore, ore chudute gaté unirisórone udore ore icotaquéode uje ore chacãre Dupade gai ome úringai eyúgojma, enga ore chichaga dagataidie aja Dupade uté iquei to uje chácariji dayaripi cuchábi. Enga ore chisi gai to uje que eruénique cuse. Enga ore doi enga ore chicha dayode coróna aja Dupade iquei enga ore chojninga: