Apocalípsis 10:3 - Dupade Uruode

³ Enga uté chejnapúsu daruode enga cho caraté quedéjnanie ajéode uje cho dajé. Enga jĩraque guéode uruode ore chajnai enga cho jetiga guei uru garitíode jé chojmára ore iji jnumi.

Apocalípsis 10:3 Iomraidhean Croise

Sálmos 29:3

Pangarádejnai uté úringai dara déji yote quedéjna cuchábode udore gai. Ibisócho Dupa Ingoningarãi uté uruode ga cho guérique urúrique uje narare. Ibisócho Pangarádejnai uté uruode ga cho guéode uruode iji yote quedéjna cuchape dipeséode ore gai.

Provérbios 19:12

Uje eduguéjnarique cho dájningame darásarique ga ájningai gajnúone upúsu caratéraque ajéode uje chajuque ayorérique agutéraque. Mu ujetiga ajéquesé eduguéjnarique ome gosi ga eduguéjnai tuté chopise gue jururúraque uje chuta jnumi enga pésu cuchade iquéraningai.

Apocalípsis 14:2

Enga yudute cucha jocarãpídi uje tṍraji guéode enga cho guéode uruode uje que cha daruode. Chopo tiedie jocarane rĩ uje ore cho uooo. Chopo ore ijocayade árpai jocarane rĩ, uje uásejnapise ijocayasórone.

Apocalípsis 15:1

Unojo quigade enga yimo cucha pibojma uñai iji gaté uje chajuque yaguté. Enga yimo Dupade iroque garitíode iji gaté uje dimane ore ome Dupade ujuyaqué ejode uje gariti ore. Enga yiraja uje a Dupade ájningai chimate raja guesi ome dajuyaqué ejode udore jne.

Apocalípsis 15:7

Enga gaté unirísõre gagájnione uñai doi, enga chisi ome agapiábode ome Dupade iroque garitíode udore, enga óro nanganatágabí, uje Dupa Eyúgojmai ujuyaqueque gajnarénguipísode irágu ajéode.

Apocalípsis 4:5

Enga ajnorane tṍraji charipi cuchábi uté, enga jocarane tõrapóji rĩ enga cho guéode uruode. Enga papose garitíode tagúji charipi cuchábi uté iquei, enga udore imoi tu uje Dupade Ujopié Espíritu Sánto gajnunie gariti to.

Apocalípsis 8:5

Enga Dupade iroi tuté chijnime pioi gueguerade iji gaserani tuté, enga chaníraja papose pi tuté. Enga doi enga tṍraji erámi gai enga ajnorane tṍraji, enga cucha jocarãque cuchábi tṍraji rĩ, jé aja guéode uruode, jé aja jnupe tãrarachui rĩ.