Apocalípsis 10:1 - Dupade Uruode

¹ Unojo quigade enga yimópo Dupade iroque ujopíerãi te rĩ uje doi jnumi tiji guéode enga gue abuja dóji ejode. Aquesua dopóji gatoi gai te rĩ. Edodie cho guedé ojodie uje nanganata. Enga otadéjna enga cho ujetiga pioi tṍraji otadode.

Apocalípsis 10:1 Iomraidhean Croise

Sálmos 104:3

Bachajapite baguíjna cutádode udore aja yodode gai, ga érãtique udore cho jmuñúnguiji dajogadi uté iji gatajnoquei. Ga gue abujadie u uje boru aja quedéjnane ga cho guebéquedaté pibírique ome ua. ¡Emi gajnui u chugúpẽre chotique ujetiga agúsiji uté ujnóngone gai aja ajesúode!

Sálmos 97:2

Guei abujadie jé aja ijnangunu cucháberaque u uje chicáji uté ejode jeta chaparu uté gai. Cucha uréone jogadi u uté charite ueradéjnai; uté upo rĩ uje cho daríbidíji udore ga pijógome uté úringai ũré.

Éxodo 16:10

Ga Aarón doi ga catecã́ri Israel ájnape disi ejode ore, mu uje qué catecã́ri ore ga jogadi u uje Israel ájnape disi ejode ore chajire garáijnane qui ga ore chimo gue abuja cuchabé ga Dupade ingoningájnai pijoguipı́siji gue abuja uaté.

Daniel 10:6

Ga uté pajei cho nánga, nánga enga dáringai nanganataque cho cucarané nanganatague uje i tu 'topácio' ome úringai nanganataque. Ga uté edodie chopise ajnorápieraque ome dáringanie nanganatáguei. Ga uté edo ajícasédie cho papótique ome dáringanie ditagué. Ga uté jmanecade, guídade ore cho nánga, nánga ga cho guebeque orerãi uje i tu bronce ome dáringai nanganataque. Ga uté uruode cho pichora cuchátique.

Daniel 7:13

Mu cáma yurigode chise deruei gotique iji dejai uté: Mu yĩ́carapo rĩ ga yimo ayorérique uje tṍraji gatajnoquei, uje cho jnani erámi udé jogosónique ayoré. Ga uté quítequiguíji Jnani Jnupabejna Eyúgojma uté iji charidi. Ga chose uté yui.

Matéo 17:2

Uje Jesús qué déji cucarani ójo gai iji ore ajei enga edodie chécãre dasocade. Enga díreca. Cho guedé ojodie ichode. Jé aja iguidedie rĩ, uje póroropisi iguidedie enga chijninguese dayaridi.

Lúcas 21:27

Mu a ore chejna cuchade udojo guesi jne ga jé u ujeta yiqueta yu aja ore ujetiga ore chimo Dupade utocaidi uyu. Mu ujetiga yṍraji gaté ome ore ga yibiéraque u gue abujáraque aja jnumi ujetiga ore pañaji yúringai ujopíerãque, yúringai pujnuéngaisṍre rĩ.

Héchos 26:13

Eduguéjnai Agrípa, uje e yugúsi dajei iji Damásco yui, enga guedé doi gatócoro, enga dírecaringué cuchábi chiqueta raja yoque, yijorane ore uyoque. Enga sué guedé gai.

Apocalípsis 1:7

¡Adójnachopísa yuruode! Uje Crísto a di jne, enga gue abujáraque oidája jnumi jne. Enga a ore chimo Crísto uté jne aja jnumi, jé aja udore ore to uje ore ichajuque nanique iji curesei gai. Enga a erámi unirisórone ore jnese iji dedáyode a ore popise jnese jne ujetiga ore chimo. Jé ũrepise yu ome cuchade unojo, enga a tocade jne enga a jé upúsu yuruode unojo quigode jne. Amén.

Apocalípsis 18:1

Quigade enga yimópo Dupade iroque uñai rĩ uje ujopíeranguipíse uje tṍraji gaté. Enga uté chijñate erámone gai jnese ome dangoningájnadatéi.

Apocalípsis 18:21

Enga yimo Dupade irógode uñai uje ujopíerãque. Enga uté doi enga chisa cucarané cuchabé uje cho ore ugutádode erã́todie cucaranei. Enga doi enga tṍra cucarané tuaté aja yote quedéjnai. Enga chojninga: –Idáidaté cuchábi Babilónia a gajnua tu cucarané tunaque jne, uje yṍra uaté aja yote quedéjnane. Chamáñaje a ca pimópo guidáidaté cuchábi jogonórone cucha jnese jne rĩ iji deréjnane jnese.–

Apocalípsis 20:1

Unojo quigade enga yimo Dupade irógode gaté jogosóño uñai, uje doi jnumi iji gaté. Enga chijna ejo cuchabé joride erã́sori enga chátaja enuei uje ojnaque cuchape.

Apocalípsis 4:3

Enga yimo piyaripi uté charipísõri ingoningádatéi enga nanganata ejode. Enga cho ujetiga cucarané nanganatáguedie chijninguese re ome úringa nanganatague, uje udire íode u jaspe, cornalína ore. Enga aquesua chaparu piyaripi cuchábi uté gai uje uaté uruchachai cho cucarané uruchachai uje i tu esmerálda.

Apocalípsis 5:2

Enga yimo Dupade iroque cuchábi gaté unirísõre enga uté chejnapúsu daruode enga chojninga: –¿Ja uñeque déji yocujade ujetiga jé tiógarapísa ujetiga chijnime cucha catágode iji darujna aoi tuné údode enga chuchẽre gai a?–

Apocalípsis 8:13

Jĩraque yajire gaté mu yimo Dupade irógode uñai uje choque iji gaté. Enga yudute uté pijnacaraidie uje chojninga: –¡Ja jõõõõ! Yosõripísi jóroque jnumi unirisórone ore yui ome Dupade iroque amirone isocade uje gadioc ore. Chamáñaje a udore ore chubúchu dabuchugode jne enga dopísi datéringane jne ome ore.–