Apocalípsis 1:4 - Dupade Uruode4 Juan uyu uje yurúsãre yurusarane cárta ome yujode Dupade anguresõre uaque iji uaquedai garitíode iji uacaniri Ásia. Eyúgojma Dupade. Chamáñaje Dupade jé jogate nanique iji erámi taningane, jé aja deréjnane unojo, enga a jé upo jne rĩ ujetiga diapo iji yoque rĩ iji jnumi iji dire piqueminórone. Yajéode u ujetiga uacajneque pajesereringai, pininaquei ore uje udore garani upúsu Dupade uté. Uje garani upo Dupade Ujopié Espíritu Sánto gajnu garitíode udore to ome uaque, uje ore charidi tu Yoqueduguéjna cuchábi iquei tiji gaté. Faic an caibideil |
Apocalípsis 1:4
41 Iomraidhean Croise
Ga Isaí ájnape disi ejoi uté garíjogonóri a u Pangarádejnai Dupade Ujopié Espíritu Sánto jne ga jé Ujopié iyiejna uaté jogadípise gatuaque. Jecute a uté irajatigade jiépisi jne, jé aja ayuquetotiguéode to rĩ. Ga etotiguei a ca eruénique cusapo rĩ iji deréjnane jnese. Ga uté a chirajapise Dupade uruode quigode jnese jne, enga a angoninguite guesaguipise uté gatuaque jne ome Pangarádejnai Dupade.
"Beléngosode á, a qué yatata uaquedai ujnomei ome uaque jne. Yojningai tu uaquedai Belén uje i uñai u Efráta to. Ajãpe uaquedai Belén uté ome dojode pidáyo ore jnese iji judágosode uacaniri údode jnese. Mu a bajnomei suépise ore idáidatéode udore ujnoméone gáyode jne. Chamáñaje israélgosode ore eduguéjna cuchábejnai garani jé u uté to gu. Ga yojningai tuté uaqueduguéjna cuchape u uje jé jogate aro nanique uje cáma erã́tique cuse nanique." Mu Dupade a noñome darasade israélgose ore iji te jmete jne, jé aja ujetiga chequé icarẽ́ abi base. Mu uaté ape basui a u jne ujetiga chimátapo israélgosode ore aja ñane rĩ enga a ore tṍraji dajñarenie ome uté jne jeta chimátapo ore aja ñane iji ore unirípisi rĩ. Ga uté u jne jeta chijna Dangarádejnai Dupade etotiguejnai ujetiga chirota darasade israélgose ore. Uté gajneque Dupa Eyúgojmai imenuringuei gu. Mu a chopise áyasadie irodisórone adode jne uje a chañurúpusu darasade ore guio jne. Enga pajesereringai jogadi tu ome urasade ore jnese jne. Chamáñaje uté gajnepídi erãpe u erámi údode jnese gu, ga pangarate uté jne ome erámi unirisórone ore jnese to.
Jecute yurusarane udojo quisórone u uaque, Dupade ijnorane uaque jnese iji uaquedai Róma uté, uje uté e cãraque uágome uacáringane Dupade urása to. ¡Ga yijócha Dupade ajei údi ome uaque ujetiga Yocai Dupade, Yocangarádejnai Jesucrı́sto ore icaniratiguéode pijógome uaque, ga uacajneque ore ajesereringai gatuaque to!
Chamáñaje cucha arégode, cucha ujñapetade ore jnese ore garani u gaté ome yoque. Enga cuchade udore jnese guẽrasṍri u Dupade uje ipesute dírecaringuéone jnese iji gaté yui. Enga Dupade idírecaringuéi jogate ome yoque. Uje que checãripise dasocárique iji deréjnane jnese ome yoque. Upo rĩ uje que juégapo ijnangununie ome yoque to rĩ.
Dupade chingo cucha piqueminórone unojo aja Jesucrísto enga déji darujna aode unojo jnese. Gaidi tu gu ujetiga Jesucrísto chingo cucha dacadode unojo quigode aja danguresórone darócho ujetiga ore chidójninga to uje cuchade unojo a jĩraque tocade jne. Jecute Jesucrísto doi enga chiroque datocaidode uñai aja daroi Juan ujetiga cho quique cuchade udore gaté.
Enga yicatecãraisṍri chojningame yu: –Yajnua tu purusãra bajé uje i u A. Enga yajnua jé upo purusãra eruemito rĩ uje i tu Z. Chamáñaje bajaque yu gu iji erámi taningane nanique. Enga a erámone íjnongapo jne rĩ, mu jé yijogate jne. Jecute arúsãre bamone cucha enga aroque barusarane aja puáguedie udire uje Dupade cho da-iglésia iji ore, iji ore idai garitíode uje déji puniri Ásia uté. Guidáidatéode udore ore íode u: Éfeso, Esmírna, Pérgamo, Tiatíra, Sárdis, Filadélfia, Laodicéa ore.–
Mu uje yimo uté enga jĩraque yicṍraja jnumi iji iquei. Enga yo togode iji jnumi. Mu uté doi yu, enga chicha dajmanai ãrachua aja yibai. Enga catecã́ri yu enga chojningame yu: –Jé ca atodo yu go. Bamo uje bajaque yu iji taningane nanique uje cuchade qué íjnoque. E mu a erámone íjnongapo jne rĩ, mu a jé yijogate jne.
A yingo papósode pi garitíode quigode ome ua jne uje óro nanganatáguei. Uje papósode udore gajnúone u Dupade anguresórone iji guidai garitíode uje barusarane gajnengórone u ore. A yingopo guédo garitidie quigode jne ome ua to rĩ uje bamo ore que iji yijmanai ãrachua. Ore gajnúone u Dupade anguresórone angaránone ore iji guidai garitíode udore.–
Pujnuéngaisṍri u Yocangarádejnai ome cuchade jnese. Jé jogate gu nanique iji erámi taningane, jé aja deréjnane unojo, enga a jé upo jne rĩ ujetiga diapo iji yoque rĩ iji jnumi iji dire piqueminórone. Enga uté chingo dadode ome yoque enga chojninga: "Yajnua tu purusãra bajé uje i tu A. Enga yajnua tupo rĩ purusãra eruemito uje i tu Z. Uje bajaque yu ome cuchade jnese gu. Enga a jé yijogadápo jne rĩ iji erámi eruei iquéode."
Yijorane uaque á, uacojo Dupade anguresõre yu, enga yoquibaya ñane ome pijmongaquéode iji deréjnane unojo, enga Dupade urása uyoque jnese rĩ. Mu Jesucrísto átapi u yoque jnese to rĩ ujetiga yidotágo yóguiji yocanguretigai iji pequetingaquéode jmainie. Ore chisa yu diríca enga ore jno yúdi aja yote quedéjnai abué uje i tu Pátmos. Enga que ore juéga guetique ome yu. Yibai tu yatatagode Dupade urúo uje Jesucrísto chacate yógome ica.
Enga yudute Dupade iroque uñai uje gajneque pujuyaquéode ome yodi enga chojninga: –Dupade á, jé bajogate iji deréjnane unojo, enga jé bajogate to iji erámone taningane iquéode. Yocangarádejnai tu ua, enga jé tiógarapísa uje bo bajuñame cucha gajnaréngone ipesungórone udore ore. Uje ueque ua gu ome cucha gajnaréngone.
Enga yudúdapo Jesús uruode rĩ enga chojninga: –Jesús uyu enga yiroque yutocaidi gaté unirísõre aja uaque ujetiga ajnerañome uté ojningane cucha ome yanguresórone ore jnese iji dedáyode. Bajaque yu ome eduguéjna cuchábi David nanique, mu uté ape disi ejo yu to. Enga yajnua tu guédo niríngoro ome yingoningájnadatéi.–
Enga Jesús chojningápome yu rĩ: –Arúsãrape yuruode ome Dupade anguresórone angaráni uje déji Sárdis enga ósi te: "Uacacatecãraisṍri uyu u uje yaríjogoto u Dupade Ujopié Espíritu Sánto gajnu garitidie. Enga guédo garitidie dépoji yari to rĩ. Enga yirajapise uacadode jnese. Yiraja uje uacajnomei chise erámi jnese uje chiese ayoré ijõripise uaque. Mu ome Dupade enga e toque uaque.
Enga Jesús chojningápome yu rĩ: –Arúsãrape yuruode ome Dupade anguresórone angaráni uje déji Filadélfia enga ósi te: "Ueguipise uacacatecãraisṍri uyu ome pisijnaringuéone enga ũrepise yu rĩ. Enga jnani bajai eduguéjna David gajné llave déji yu. Jecute a yuchẽre cuchárique gai enga que toc ujetiga uñeque suruápo gai rĩ. Jé basa a yujuru cuchárique gai enga que toc ujetiga uñeque chuchẽre gai.
Enga ujnoque chojmaráji tíode déji ore jnese. Enga udore ore edodie dépoji ore ujnóngone uéchade jnese rĩ. Enga que ore chimoque dínique, dejátique uje ore chicota Dupade. Enga ore chojninga: Ueque ua ome pisijnaringuéone. Ueguipise ua ome pisijnaringuéone. Yijárogo yocuruode iji jnumi uje ueguipise ua ome pisijnaringuéone. Yocangarádejná, Dupa ujopíerãi tu ua enga bajopié sué cuchade gáyode jnese. Bajogate nanique. Jé bajogadápo rĩ iji deréjnane unojo. Enga a jé bajogadápo to jne rĩ ujetiga ãriápo iji erámi rĩ.
Enga yimo Áyasa iji piyaripi cuchábi gai iji pangaránone, gaté unirísõre gagájnione ore ajei. Chaguesi mu obiréjna ore ajnangópidode iji uté gai. Enga yiraja uje cuchiso pẽrapaite uté ome Dupade. Enga uté uedie gariti, enga edodie garapo iji ti rĩ. Enga uté edodie upúsu Dupade Ujopié Espíritu Sánto gajnu garitíode uje Dupade iroque ore nanique aja erámi údode jnese.
Sanasan