Apocalípsis 1:3 - Dupade Uruode

³ Pininaquei a jogadi tu jne ome gosi ujetiga naráraja darujna aode unojo gai. Chamáñaje gojñane unojo garani tupúsu Dupade gu. Mu que gusu ajirisórone ujetiga pininaquei chise ore, mu pininaquei a chise udore ore to jne ujetiga ore tangári quigode iji ajirisórone ore pijnanone enga ore doi udore quigode. Chamáñaje e idógosi diri ujetiga cucha dacadode udore jnese tocade gu.

Apocalípsis 1:3 Iomraidhean Croise

Provérbios 8:34

Pininaquei gajnesórone u udore ore uje ore chirote yi tiji yiguíjna piagoi iji dirode jnese ga ore tangári yuruode quigode.

Matéo 24:15

Ajnusináño Dupade uruode atatasṍri Daniel urusarane quigode uje chĩ́care cucha puyáquedatéi uje que toque ujetiga picha gotígo aja Dupade iguíjna cuchábi ajei. Mu uté chojninga: "A chise dínique jne ujetiga ore chijna cucha puyaque noñai uté aja Dupade iguíjna cuchábi. Enga Dupade iguíjna cuchábi úringai eyuque jogadi tu jne." Daniel urusarane udore ajirisórone uaque a arajáyo jne ujetiga urusarane chise dáringai tocachuque.

Lúcas 11:28

Mu Jesús chajnai uaté uruode ga chósi tome: –Úngare. Que quigode u udore gotique. ¡Picotaquéode gajnetodie udire ore u uje ore chudute Dupade uruode ga ore doi quigode!–

Romános 13:11

Jé tiógara ujetiga beyoi pisoca ueradode udojo quigode, ga cuchiyíode u deréjnane udojo. Jecute jé ca oyo mongone, mu ãrijínaño uaquejode gatuaque. E yichago yocanguretigai aja Jesucrísto uté nanique, mu uacamóño uje dirode jé jno arĩa. ¡Ga e chirõre diri uté ujetiga uté chimanipise yógaja re ome yocúringane uté gajneque!

Romános 13:12

Enga gajnui u jetiga dejai idájai guesi, ga cási dire. Jecute beyoi ga yichagója ti yui ijnangununie gajnéone pisoca noñácho udore, ga yijmaco yocajnéone cõráchaque aja yoque uje dírecaringuéi gajnecho, ome cucha gajnaréngone úringárique pujnuéngai. Uje yocajnúone u soldádode uje dimane ore ome diri yui.

1 Pédro 4:7

Uacarajáyo uje e idógosi deréjnane eruei. Jecute beyoi enga añuchopúsu uacáyipiedie guio enga ejnáño uágaja uacacatecãraitigade ome Dupade iji dirode udojo.

2 Pédro 3:8

Yijorane uaque á, ca acadíchoi to uje Yocangarádejnai que jnátu cuchárique. Dire chojmarai gajnui u sequeredie uje mil años ome uté. Jé basa ga sequeredie ujetiga mil años, mu gajnui u dire chojmarai ome uté.

Apocalípsis 22:10

Chojningápome yu rĩ: –Jé ca apógu Dupade uru quigode uje purusãracho iji darujna aode unojo. Chamáñaje e idógosi gu ujetiga cuchade udore tocade.

Apocalípsis 22:12

Yudute Jesús uruode uje chojninga: –A jĩraque yibágui uaque jne. Enga dimane yeranone cucha iji yijmainie. Enga a yẽrája ayoré chojmara, chojmarane ore jnese jne. Enga a yẽratígo jé chirate ore ipesudode cucha jne.

Apocalípsis 22:20

Uté uje chingo cuchade unojo ome yu chojninga: –A jĩraque yĩrípise jne.– Enga yichajnai uté uruode enga yojninga: –¡Amén! Yocangarádejna Jesús á, jé yajéode u to. Jĩraque ãriápo jne rĩ iji yoque.–

Apocalípsis 3:11

A serã yĩri jne. Jecute jé adotáyo uáguiji uacayaridi tuté iji yadode. Socaseti ca adotáyo uáguiji yadode enga amíningachó Dupade gueranone cucha ome uaque jne.