Biblia Todo Logo
Bìoball air-loidhne

- Sanasan -




Apocalípsis 1:2 - Dupade Uruode

2 Enga Juan uyu u uje yatata gojña uréone udore jnese uje yimópiso to ome yedodie. Chamáñaje gojña uréone udore garani tupúsu Jesucrísto ome yu gu, enga gojña uréone udore garani tupúsu Dupade ome Jesucrísto to.

Faic an caibideil Dèan lethbhreac




Apocalípsis 1:2
22 Iomraidhean Croise  

Juan qué jno daruode údi enga chojninga: –Que yiraja uté to iji taningápisi. Mu yirósõri Dupade u uje chiroque yu aja ujetiga yaca ore edodie iji yodi enga chojningame yu: "Jogadi tu jne ujetiga araja yutocaidi gosi: ujetiga amo Yujopié Espíritu Sánto ujetiga doi jnumi iji gaté enga cháji jnacari uté ójo gai enga a araja jne uje yutocaidi jé u ujetiga chĩreta ore áyipiedie ome Yujopié Espíritu Sánto." Enga e yimo Espíritu Sánto uje doi jnumi iji gaté enga cho cucujnadatei enga basája jnacari uté ójo.


Ayorébui udore ore uje ore déji Jesús gari uje tibidi Lázaro iji ode, udore ore u uje ore jno cucha dacadode udore ujnomei údi.


Cucha dacadode udore ojñasṍri u uyu enga jé ũrepise yojñane. Chamáñaje cucha dacadode udore pijogúsõri u yu to. Jecute yingome Jesús adode udore ome uaque gu ujetiga anguretáyopise uté.


Enga ore erángani, Jesús acadi uté, u uyu. Uyu u to uje yurúsãre cucha dacadode udore iji darujna aoi udé. Enga yajo yu aja yurusarane uje jé ũrepíso. Enga que potigayaquérique déji uyoc uñeque ome cucha dacadode udojo úringane ũréo.


Jé ũré yu uje yirajágo cuchade udore quigode, enga yocojñane u yoquimone cucha. Mu uaque, que anguretáyo yocojñane cucha.


Gaidi u gu ujetiga atata uté adode jne ome ayoréode ore iji erámone údode jnese, enga ango bamone cucha, jé aja badudigode cucha to rĩ ome ore.


Mu ãriji enga ayague. Chamáñaje yiqueta yu aja ua gu ujetiga be yiroquéode jne. Mu que gusu deréjnai udé uje yiqueta yu aja ua, mu a yiquetápo yu aja ua rĩ iji dirode uñéngo. Enga bajnei tu ujetiga atatame erámi bamone cucha jnese uje yingome ua.


Que toguipis ome yoque ujetiga yiyágo yacaco ore ome yocududigode, yoquimone cucha ore.–


Ome Dupade isocai uté ga obiréjna ome uaque uje jé ũrepise yocojñane ome Crísto ipesudode cucha. Chamáñaje tocade gu ome uaque ga uacamóñopise to.


Yujode Dupade anguresóño uaque á, ajnusináño yijmapié uaté uje yise uaque ica enga yacate uágome Pujnomé Ueradi uté uje garani tu Dupade. Uacapáñañoji uje que yo irajatáguejnaji yu ome yatatagode udore iji uacajade ujetiga atijayo yuruode gotique.


Yurusarane unojo júdi u Jesucrísto uje chacate ore ome pucuecaringué eyúgojmai quigode nanique. Jesucrísto uté jé jogate nanique uje quene pipesute erã́tique. Enga yijorane ore uyoque yipáñangopísiji uté to nanique. Enga yangácoi ojñane to. Yisagopo uté to rĩ ome yoquijmainie, enga yajico ipesudode cucha to nanique.


Enga jé uyoque u uje yimongopise Dupade Abi to nanique. Enga e yingongome ore jnese uje Yocai Dupade iroque uté aja erámone unojo gu ujetiga chiqueta yoque ome adode.


Demétrio que jnoji ore pijnanone uje ore chicota ome ipesute arégode. Enga cucha uréone chisi gai to. Enga uyoque upo to rĩ uje yajógo yógaja uje jnani areque Demétrio. Enga uacarajáyo uje yocatatagode ũrepíso.


Enga yicatecãraisṍri chojningame yu: –Yajnua tu purusãra bajé uje i u A. Enga yajnua jé upo purusãra eruemito rĩ uje i tu Z. Chamáñaje bajaque yu gu iji erámi taningane nanique. Enga a erámone íjnongapo jne rĩ, mu jé yijogate jne. Jecute arúsãre bamone cucha enga aroque barusarane aja puáguedie udire uje Dupade cho da-iglésia iji ore, iji ore idai garitíode uje déji puniri Ásia uté. Guidáidatéode udore ore íode u: Éfeso, Esmírna, Pérgamo, Tiatíra, Sárdis, Filadélfia, Laodicéa ore.–


Enga yipotigádi tu ujetiga arúsãre bamone cucha jnese. Arúsãrape cucha dacadode uje déji iji dirode unojo, enga arúsãrapo cucha piqueminórone quigode to jne rĩ.


Yijorane uaque á, uacojo Dupade anguresõre yu, enga yoquibaya ñane ome pijmongaquéode iji deréjnane unojo, enga Dupade urása uyoque jnese rĩ. Mu Jesucrísto átapi u yoque jnese to rĩ ujetiga yidotágo yóguiji yocanguretigai iji pequetingaquéode jmainie. Ore chisa yu diríca enga ore jno yúdi aja yote quedéjnai abué uje i tu Pátmos. Enga que ore juéga guetique ome yu. Yibai tu yatatagode Dupade urúo uje Jesucrísto chacate yógome ica.


Enga jé cho yocujode Dupade anguresóño ore uje ore sué Satanás gai gu dáringai puruque iji Yocangarádejnai Jesucrísto iyoi uje uté gajnua u áyasa pẽrapaide chugué nanique. Adi jec upo rĩ uje ore sué Satanás gai to rĩ gu Dupade uru uréone to uje ore changureta enga que ore chagutu quitique ome darasade. Enga que ore chagutúapo dacuecaringuei rĩ ujetiga ore cho daba datatagode Dupade urúo udore.–


Jecute arócojna guichayai chugúja chequé tuaté. Enga jno enga pésu pocaningai ome uaté ape disi ejode ore. Enga ore u uje angoninguite guesaque ore ome Dupade iroquéode. Ore upo rĩ uje ore pésupúsu Jesucrísto uru uréone quigode uje chatata udore quigode ome ore nanique.


Quigade enga yimo piyaripi cuchábode enga Jesús anguresórone ore chácariji gáyode. Uje Jesús e ujo eduguéjna ore ujetiga ore chajire erámi jogosórone ore adode aja quigode to. Enga yimópo Dupade uruode ipesusõripísode to uje ore chatata Jesús ujnoméone nanique, enga ore cho daba datatagode unojo. Jnani guichayai guetesórone u unojo ore, jecute que ore chichaga dagataidie aja jnumi iji uté gajnui iquei. Que ore juéga to ujetiga uté i dóji ore enochade jeoga ore jmanai. Jecute jnani guichayai irógode ore chaquesu udore ore etabídode nanique. Mu yimo uje ore ecápo rĩ. Enga Crísto ujo eduguéjna ore to iji sequeredie mil udire.


Yajéode u ujetiga Yocangarádejnai Jesucrísto chatapísaja uaque jnese ome dacaniratiguédatéi. Qui jé upúsu. ¡Amén!


Uje Uté uje gajnua tu áyasa pẽrapaidé chijnime cucha catágode uñai uje e chejna yijmanai, enga jé u uje yimo Dupade anguresórone ore áyipiedie, uje chuque ore nanique uje ore cho daba datatagode Dupade urúo. Enga páyipiedie udire déji gaserani údi uje cuchiso pẽrapáidode gajneque ome Dupade.


Lean sinn:

Sanasan


Sanasan