3 Juan 1:3 - Dupade Uruode

³ Yinínapúsu yu ica uje bojode Dupade anguresõre uñane ore tṍraji uáguiji te ica, enga ore chatata ica uje a ca acuta ome Dupade uruode ica uje bapésu, uje babepísi Dupade uru uréone quigode.

3 Juan 1:3 Iomraidhean Croise

Sálmos 119:11

Yujuse baruode guio iji yáyipie, uje yigaidi u gu jeta jé ca yipésu cucha gajnarétique ome ua.

Héchos 1:15

Enga ore pésapo dague te rĩ iji dirode udore uñeque enga Pédro chague iji dojode Jesús anguretasóño ajei ujetiga chacate ore. Enga 120 ore uje ore déji ñane gari iji jogadi uté.

1 Coríntios 13:6

Uté gosi a ca irasique re jne ome dajõrárique ipesutígo cucha gajnarécho. Mu irasitigai jogadi upúsu ujetiga chimo dajõrárique ga ũrepise ome atígo.

Gálatas 6:10

Jecute yicoi ga yejnángo yógaja yocátegoningáne ome yocujode ayoréo jnese gatuaque. Cuchiyíode upúsu yocujode Dupade anguresóño ore ujetiga yátagopísaja ore ome cuchade.

Filipénses 1:4

Uje yicatecã́ri Dupade ome uaque enga yirasique yu ome yicatecãraitigade ome uaque jnese.

2 Juan 1:2

Yijnorapise uaque gu uje yujo Dupade uru uréone anguresórone u uaque. Enga yocanguretigai uné ome Dupade uru uréone a jé jogate yocáyipiedie jne iji deréjnane jnese.

2 Juan 1:4

Yinínapúsu yu diríca uje yise babode uñane uje ore doi Dupade uru uréone quigode. Chamáñaje Dupade jé iroquéo ome yoque gu ujetiga yicoi uruode quigode.

3 Juan 1:10

Jecute a yibágui uaque jne enga a yiqueta uté edodie jne ome adode. Uje pésu darupatáringane enga chedo yoque. Mu que gusu udore, mu que chise yocujode Dupade anguresóño ore unétique uje ore di iji uaque. Enga que juéga daguíjnai tome ore. Chetágapo rĩ ujetiga ayorérique uñeque chimesẽre ore enga uñeque chijna ore aja daguíjnai. Charángapo Dupade uruode ome ore rĩ ujetiga ore tangári to iji dojode Dupade anguresóño gari. Enga chijócãre ore.

3 Juan 1:2

Yijorámi á, yicatecã́ri Dupade ome ua ujetiga areque ua iji badode jnese. Jé aja bajóningai rĩ. Yiraja uje báyipie areguepise enga bapúja Dupade adode.

3 Juan 1:4

Pininaquédatéi u ome yu uje yabode ujnoméone chise yu uje ore doi Dupade uru uréone quigode jnese.

3 Juan 1:5

Yujoi Dupade anguresõre á, bapesudode ueradipíso uje que ajuseque bojode Dupade anguresõre ore uje ore chise uaque. Cuchiyípisode u ore uje quene ore chise uaque to uje ore tṍraji guidai uñane.