1 Juan 4:7 - Dupade Uruode

⁷ Yijorane uaque á, yocajnei u ujetiga yijnórango ñane uje pijnoraquei ome ñane garani u Dupade. Jecute ujetiga pijnoraquei déji gosi enga obiréjna uje Dupade ape uté gosi enga chirajapise Dupade.

1 Juan 4:7 Iomraidhean Croise

1 Juan 4:20

Mu ujetiga gosi chojninga: "Yijnóra Dupade" marínga, chetaque dajõrai, enga táquechoquí uté. Mu ujetiga que yijnórango yoquijõrai uje déji yoquedominone ¿enga jé yijnórangorase Dupade a, uje que pimo?

1 Juan 4:8

Que Dupade irajasõre ayorérique ujetiga ca pijnoraquei déji uté ome dojode ayoréo. Uje pijnoraquei jé u Dupade gu.

1 Pédro 1:22

E icha uacáyipiedie. Chamáñaje uacanguretáyo Dupade uru uréone gu Dupade Ujopié Espíritu Sánto uje chijocase uacáyipiedie. Jecute pijnoraqué ũrei déji uaque ome uacojode Dupade anguresóño. Enga uacajnei e u ujetiga ajnórañopise ñane enga ejnáñopise uágaja uacajnoraquéode udore ome ñane.

1 Juan 2:10

Jeque gosi uje chijnóra dajõrai, uté gosi u uje déji dírecaringuéi enga que cuchárique cuse ujetiga chorei uté gosi iji pisijnaringuérique.

Gálatas 5:22

Mu uje Dupade Ujopié Espíritu Sánto chinoningase gosi ga e pijnoraquei déji, pirasitigai dépoji rĩ, pajesereringai déji, ga chidota re ome cuchade, irasique dojode ayoréo, osõrataque rĩ. Que potigayaquérique déji urúrique rĩ.

2 Timotéo 1:7

Enga baraja uje Dupade que chisi ome pisadodéringárique ome danguresórone uyoque go, mu guerani tu picasitigai tome yoque. Enga guerani tupo pijnoraquei tome yoque rĩ, jé aja petotiguei ujetiga yidotágo yógome yoquipotigué ayoréode.

1 Juan 4:12

Que ayorérique pañaji Dupade ome dedodie go, mu Dupade pijóguiji yoque ujetiga yijnórango ñane. Enga Dupade ijnoraquédatéi chimate re aja guesi iji yoque ujetiga yijnórango ñane.

1 Juan 2:29

Uacarajáyo Jesucrísto úringai areque. Jecute uacarajayópo Dupade atígo ore to rĩ ome ore úringáringo cucha arégode ipesungóño.

Juan 17:3

Pucuecaringué eyúgojmai quigode u udojo: ujetiga gosi chirajapise Dupa uguru ũrei ua, enga chirajapísapo Jesucrísto uyu rĩ uje baroque yu aja jnumi nanique.

2 Coríntios 4:6

Dupade u nanique uje ipesute dírecaringuéi ujetiga chijñate ijnangununie gai. Enga jé u to uje chijñate yocáyipiedie gai to. Pésu udore gu ome yoque ujetiga pijoque ingoningájnai ome yoque to. Enga Dupade idírecaringuéi tuté u uje dépisiji Jesucrísto to.

Gálatas 4:9

Mu e uacarajáyo Dupade. Mu que gusu udore mu Dupade e chirajápo uaque rĩ. Jecute ¿gotique gu a uje uacoyo caru ome Dupade ga uacajnésacho aja uacangurenone cucha bisidécho uje que cuchárique tṍraji ome uaque? ¿Gotique gu a uje uacajuéchopo uágome udore ore rĩ ujetiga ore chopo darógode iji uaque rĩ?

Juan 13:34

Mu yijíñome yiroqué ichai udé iji uacari: ujetiga beyoi ga ajnóraño ñane. Adi jé u ome yu uje yijnóra uaque, enga beyoi yijmapié uaté to enga ajnóraño ñane.

1 Coríntios 8:3

Mu ujetiga uñeque chijnóra Dupade enga Dupade chiraja uje dangarásõri u uté enga cho cuchade quique ome uté gosi.

1 Juan 2:3

Ujetiga yipéco Dupade ojningane cucha, enga a ca potigayaque yoque jne uje yirajágo Dupade.

1 Juan 2:4

Mu ujetiga uñeque cho darajáguiji Dupade marínga, que pésu uruode quigode enga taque uté, enga que ũré gotique.

1 Juan 2:7

Yijorane uaque á, que yurusarane gajnengónique piroqué icha gotique. Mu jé u piroqué baja casica uje uacadúcho to nanique, jé iji taningápisi uje ore chacate uágome Dupade uruode.

1 Juan 3:9

Dupade atique que toque ujetiga áyipieraque jogate pisijnaringuérique. Dupade ape gu uje gajneque Dupade guerani pucuecaringué. Jecute e que toc ujetiga qué chajnerame pisijnaringuéone adode. Chamáñaje Dupade ape gu.

1 Juan 4:11

Yijorane uaque á, ujetiga Dupade ijnoraquei cuchadaté ome yoque, jé tiógararása to ujetiga anguresórone uyoque yijnórango ñane to.

1 Juan 4:16

Uyoque enga e yirajágo uje Dupade chijnóra yoque, jecute yanguretágopise Dupade. Pijnoraquei u Dupade, jecute gosi uje jno pijnoraquei uté adode údi obiréjna uje uté déji Dupade gari enga Dupade dépoji uté gari to rĩ.

1 Juan 5:1

Ore jnese uje que ore chotigase Jesús úringai Crísto, uje Dupade utocaidi u uté, enga Dupade abode u udore ore. Jecucha ate to uje gosi chijnóra jnanírique, enga chijnorapo jnani tuté abode to rĩ.

2 Juan 1:5

Jecute yijócha bajei údi gajneri, yijõra, ujetiga yijnórango ñane. Que pacajnaqué icha uné gotique. Mu yocajnei piroqué jé u uné iji taninga cásodicáite.