1 Juan 4:1 - Dupade Uruode

¹ Yijorane uaque á, jé ca angáchoi ore jnese ujeta ore cho Dupade uruode atatasórone iji raque. Mu adójningachopísa ore adode bajaque ujetiga Dupade Ujopié u uje déji ore gari, jeoga pujopié gajnarengue u. Uje uásejna arapatáquechoquíode uje ore déji erámone iji deréjnane unojo. Uje chiese ore garani tu Dupade ujetiga ore chatata uruode ome yoque.

1 Juan 4:1 Iomraidhean Croise

1 Reyes 13:18

Mu choquı́jnai uté chajnai uruode ga chojningame uté: –Jé yo ua arı̃a uje Dupade uruode atatasṍri yu to. Enga Pangarádejnai chiroque daroi gaté unirı́sõre aja yu que ga chojninga: "Atire uté ga tagu babosode to jne iji baguı́jnai, ga chójiapo yodi te rı̃ iji baguı́jnai."– Mu choquı́jnai uté chopise darupatáringa ome uté.

Provérbios 14:15

Ayoré turuturéode ore changureta cuchade jnese, enga jĩraque ore doi dojode ayoré uruode quigode. Mu áyipierane quene ore pésu cuchárique uje e ore chajiripise aja quigode bajaque.

Márcos 13:21

Mu ujetiga uñéngo narare jne ome uaque enga chojninga: "Cajire to, yoquijnati Crísto de ti," jeoga chojninga, "Yoquijnati Crísto déji ta," mu jé ca ajire udore ore gosode uruode yui.

Lúcas 12:57

¿Jé gotique uje que arajáyo cucha omone quigode ome uac ujetiga apéso?

Lúcas 21:8

Enga Jesús chojningame ore: –A yingoba quigode aja uaque jne. Mu añuchopúsu uaqueo ujetiga ca pãraque uaque. Uje a jiépisi ayorérigo ore jne ujetiga ore chósi tome uaque: "Cachi uacangarádejnai Crísto uyu arĩ́e. Beyoi ga angáchoi yu." Jeoga ore nararirásome uaque jne ga ore chojningárasome uaque: "Erámi eruei e u udé." Mu jé ca angáchoi udore gotígo ore jne.

Héchos 17:11

Judíode iji Beréa que ore cho dojode judío iji Tesalónica go. Paraque ore ga ore tangári Páblo, Sílas ore acajnaquéode. Ore chajire Dupade uruode iji deréjnane ujetiga jé ũrepise Páblo ome acajnaquéode.

Héchos 20:29

Yiraja ujetiga yiji iji uacari enga a jĩrique ayoré aringácachoquírigo chacája uaque jne. Enga a ore gajnúone u cuchiso sijnángone uje ore gaidi u ujetiga ore chujé áyasadie. Enga a ca udore ore susípise Jesús anguretasórone uaqueo gotique jne.

1 Coríntios 12:10

Yocuñane gajnei tu ujetiga yipéco yoquipesudode cucha pitijabácho. Jeque yocuñane gajneque ujetiga yacaco yocujode ayoréo ome Dupade uruode. Jeque yocuñane gajnengápo rĩ ujetiga chiraja Satanás ujopié iji Dupade Ujopié Espíritu Sánto ujade. Jeque yocuñane gajneque ujetiga yirajágo dara quedéjnane. Mu yocuñane gajnengápo rĩ ujetiga yatatago dara quedéjnane quigode ome ñane.

1 Coríntios 14:29

Adi jé u to ujetiga uacacadisórone ome Dupade uruode gare, jeoga gadioque ore to. Pigaidi tu gu ujetiga ore ujode Dupade anguresóño tangaripísi ore acaditigade iji Dupade uruode, enga ore pésu dajéode ome ore acajnaquéode quigode.

1 Tesalonicénses 5:20

Ca etácho Dupade uruode atatasónique acajnaquérique ujetiga jec ũré enga irajatigade garani u Dupade.

1 Tesalonicénses 5:21

Mu quétingacho ore acajnaquéode jnese ome uaque, enga amesecho arétigo iji ore acajnaquéode.

2 Tesalonicénses 2:2

Jecute yijócha uacajéode údi ujetiga ca ecãcho uacajénique quitique ome cuchade udore yúode. Enga jé ca chajuque uacagutéraque jne ujetiga uñeque pota chãra uágome dacajnaquérique uje chiese acajnaquéode tṍraji Dupade. Jé upo pacajnaqué quedéjnarique uñeque ujetiga ca chajuque uacagutéraque. Ajusópo uaqueo rĩ ome purusãratígo jne rĩ uje chiese tṍraji yoque uje chiese yojnijo: "Yocangarádejnai e di ica erĩ́e."

1 Timotéo 4:1

Dupade Ujopié Espíritu Sánto acajnaquéode choqui guesode ome yoque, uje chojninga: a chise dínique jne ujetiga jnanione uñane a ore cha changureta Dupade uru uréone, uje Dupade uru uréone udore u uje cho yoquiquique ome panguretigai ome Jesucrísto. Enga a udore ore tangaripísi pacajnaqué tátigo jne uje pacajnaquéode udore garani tupúsu Satanás irógode ore.

2 Timotéo 3:13

Mu arapatáquechoquíode, sijnángone ore a ca ore chibéro rome date gajnarenguipísode. Mu a ore isijnaringuéone chajnera dádi ome ore jne. Chamáñaje Satanás ãraque ore, enga jé basa ore chãra dojode ayoréo to.

2 Pédro 2:1

Que gusu udore Dupade uruode atatasõre uréone nanique mu jnanione déji israélgosode nanique to uje ore cho Dupade uruode atatasõre iji raque mu urupatáquechoquí ore. Adi jé u iji deréjnane udojo uje pacadisõre tágode déji uacajade to. Ore chacate dojode ayoréo ome dáyipie gajnarénguenie mu ore pógu dáringane táquechoquí ome dojode ayoréo. Enga ore chotigase daquetangóri, Yocangarádejnai Jesucrísto. Mu a ca ore chapite jne ome dasocade udore uje a jĩraque Dupade ujuyaquei chise ore jne.

1 Juan 2:18

Yababode uaque á, e yugúcoji deréjna erueminórone. A e uacadúcho to jõ uje Crísto umajósõre cuchábi a di jne iji erámi eruei yúabi. Enga e uásejna Crísto uté guetésõre pimone iji deréjnane unojo. Jecute yirajágo uje e yugúcoji erámone eruei ejábi.

1 Juan 2:7

Yijorane uaque á, que yurusarane gajnengónique piroqué icha gotique. Mu jé u piroqué baja casica uje uacadúcho to nanique, jé iji taningápisi uje ore chacate uágome Dupade uruode.

2 Juan 1:7

Uje uásejna aringacade iji erámone unojo uje ore chotigase uje Jesucrísto cho ayoré iji re nanique uje díji erámone icaite. Mu gosi ujetiga chotigase Jesucrísto enga obiréjna uje aringácachoquí uté gosi. Enga Crísto etésõre uté gosi.

3 Juan 1:11

Gáyo á, ca arate dacate gajnaréngone udore. Baradigode urásu cucha arégode jne. Gosi uje pésu cucha arégode enga Dupade gajneque uté gosi. Mu gosi uje pésu cucha gajnaréngone enga que cunguésõri Dupade uje que chiraja Dupade.

Apocalípsis 2:2

Yiraja uacapesudode ome yu jnese uje que abéroyo uágome yiroquéode. Yirajápo to rĩ uje que achóyo beyoi Dupade uruode. Yirajápo to rĩ uje que eso cucha gajnaréngone ipesungórone ore unétique. Uje jnani urupatáquechoquíode chacája uacajade ome daringaquéode diríca enga ore cho Dupade iroguipísode iji raque. Mu jĩraque uaquetingacho ore enga uacarajáyo uje taque udore ore.