1 Juan 3:6 - Dupade Uruode

⁶ Jecute ore jnese uje ore cháta rágaja Jesucrísto enga que ore áyipieraque déji pisijnaringuérique. Mu ore jnese uje ore áyipiedie que jnoji pisijnaringuéone, enga obiréjna uje que ore chimo Jesucrísto gotique, enga que ore chirajapise atique go.

1 Juan 3:6 Iomraidhean Croise

2 Coríntios 3:18

Jecute uje e yanguretágo Jesucrísto ga e que chopo rĩ ujetiga qué yacógo borapei tuté yoquedodie yui gai. Mu yocajnui tu ajicarani uje obiréjna Yocangarádejnai ingoningájnai tiji yoque. Jecute Yocangarádejnai uté jé chosi dangoningájnai tiji yoquíode iji dirode jnese. Jecute uté ingoningájnai chise yoque ga jé yoco uté ome ingoningájnai. Enga que yoquipesute udore go, mu Yocangarádejnai uje Dupade Ujopié jé upúsu uté ipesucho udore ome yoque.

2 Coríntios 4:6

Dupade u nanique uje ipesute dírecaringuéi ujetiga chijñate ijnangununie gai. Enga jé u to uje chijñate yocáyipiedie gai to. Pésu udore gu ome yoque ujetiga pijoque ingoningájnai ome yoque to. Enga Dupade idírecaringuéi tuté u uje dépisiji Jesucrísto to.

1 Juan 2:28

Yababode uaque á, e yo uacaquique ujetiga jé apúyoja Crísto. Adi tu ujetiga ca yagutúgo yógome uté iquei jne ujetiga diga chiqueta raja yoque. Enga a ca yocuñeque chiraja dajegátigárique jne ome uté.

1 Juan 2:3

Ujetiga yipéco Dupade ojningane cucha, enga a ca potigayaque yoque jne uje yirajágo Dupade.

1 Juan 2:4

Mu ujetiga uñeque cho darajáguiji Dupade marínga, que pésu uruode quigode enga taque uté, enga que ũré gotique.

1 Juan 3:2

Yijorane uaque á, e Dupade ape yoque iji deréjnane unojo, mu cáma yimóngo yocatígo jne ujetiga e yugúcoi gari iji gaté. Mu yirajágo uje Jesucrísto a diapo jne rĩ, enga a jé u jne ujetiga yocópise uté jnese jne. Uje a yimóngo uté jne enga yipáñangopísiji jne.

1 Juan 3:9

Dupade atique que toque ujetiga áyipieraque jogate pisijnaringuérique. Dupade ape gu uje gajneque Dupade guerani pucuecaringué. Jecute e que toc ujetiga qué chajnerame pisijnaringuéone adode. Chamáñaje Dupade ape gu.

1 Juan 4:8

Que Dupade irajasõre ayorérique ujetiga ca pijnoraquei déji uté ome dojode ayoréo. Uje pijnoraquei jé u Dupade gu.

1 Juan 5:18

Yirajágo to uje gosi cho dají Dupade enga suse deo ome pisijnaringuéone jnese. Chamáñaje Dupade Abi chirote uté gosi ujetiga Satanás ca chijocase.

3 Juan 1:11

Gáyo á, ca arate dacate gajnaréngone udore. Baradigode urásu cucha arégode jne. Gosi uje pésu cucha arégode enga Dupade gajneque uté gosi. Mu gosi uje pésu cucha gajnaréngone enga que cunguésõri Dupade uje que chiraja Dupade.