1 Juan 3:2 - Dupade Uruode

² Yijorane uaque á, e Dupade ape yoque iji deréjnane unojo, mu cáma yimóngo yocatígo jne ujetiga e yugúcoi gari iji gaté. Mu yirajágo uje Jesucrísto a diapo jne rĩ, enga a jé u jne ujetiga yocópise uté jnese jne. Uje a yimóngo uté jne enga yipáñangopísiji jne.

1 Juan 3:2 Iomraidhean Croise

Sálmos 16:11

A acate yu jne ome dajeque pucuecaringué ajnasṍri uté jeta yajna uté to. Enga a yininaquei irágu yajei jne ujeta yugúsi bari. Uje cucha pajmaránone jnese jé jogate bãrachua iji deréjna pitade jnese.

Sálmos 17:15

Mu ome yu, a yimo benochai jne iji yúringai ujñapetaque uté údi. Ujeta yĩriji jne, enga a yajéchietaringuéi jogadi u, uje a quene yopise ua jne.

Sálmos 31:19

¡Urénga! Cuchadatépise bosongaquédatéi, uje bosongaquei uté gajnúone u cucha orerane uje que pujuseque cucha orerane udore ome udore ore yui uje ore dosóñime ua, ga bajuguína cucha orerane udore aja banguretasórone ore jnese iji jnanione udore ore edominone. Basíomeone u udore ore uje ore cho dãrésõri iji ua.

Malaquías 3:2

¡Ujetiga chise diri tuté jne jeta uté di ga a ca ayorérique déji jeta cháguena uté iquei to! Chamáñaje a pisadodéringai jogadi tu ome erámi unirisórone ore jnese jne gu jeta Pangarádejnai uté di ome dáringai pirosobate. A uté di doidi dabioque údi iji yoque jne ga chejna ate gajnaréngone ipesusórone jnese iji yocujade jne. Ga Pangarádejnai uté a di doidéraque jabón údi iji yoque to. Gaidi tu gu ujetiga churu yoque ga yoquisijnaringuéone bijna jne ome yoque ga ayoré ichápise yoque jne iji quigade.

Matéo 5:8

Udore ore uje ore áyipiedie quigode chojmára ome Dupade a ore nína raque jne. Chamáñaje a ore u jne ujetiga ore chimópise Dupade.

Lúcas 17:30

Ga a jé gajnui tu jne ujetiga Dupade utocaidi uyu yĩriápo iji uaque jne rĩ. Uje ore chunina mu yṍraji gaté jne.

Lúcas 20:36

Enga yojningane udore a ca ore topoi jne rĩ iji deréjnane. Ga ore gajnúone u Dupade utocaidode gateminóño. Mu ujetiga ore niji iji pitoringai enga Dupade chinoningase ore enga e Dupade ape ore.

Juan 1:12

Mu uñane ore chimesẽre enga ore changureta. Jecute chinoningase ore enga ore chise dáringane Dupade abío.

Juan 11:52

Mu que gusu judíode ujetiga Jesús toi ome ore, mu jé upo ome erámone unirisórone ore jnese ujetiga ore chise dáringáringo Dupade abío. Enga a jogadi u ujetiga chamáta ore iji erámi údode jnese.

Juan 17:24

Yapá, bẽrate yanguresórone ome yu, jecute yajéode u ujetiga ore chise yu iji yijogadi jne. Ujetiga ore chimo yingoningájnai to uje beranome yu. Chamáña gu uje bajnorapise yu nanique uje cáma pipesute erámi jé aja deréjnane udojo.

Romános 8:16

Enga yocúringane Dupade abío ipijogúsorone upúsu Dupade Ujopié Espíritu Sánto uaté, jé aja yocáyipie ajépisi uté. Uje Dupade Ujopié nejéru yocáyipiedie údode ga chingongara cuchade udojo aja yoque.

Romános 8:18

Jé ũré yu uje yo cucha bisidéguiji yocúringai ducañerájma iji deréjnane udojo. U gu uje yatingara yocúringai ducañerájma udé aja yocúringane ingoningarã́cho yui uje Dupade a chingongarája yoque iji yoquiquei jne, enga obiréjna ome yu uje cuchadatépisi tu yocúringane ingoningarã́cho jne. A uté u gu uje yo cucha bisidéguiji yocúringai ducañerájma iji deréjnane udojo.

Romános 8:19

Dupade imaningone cucha ponáyo jnese ore jnatupúsu yui ujetiga Dupade uté chingongara dabode jnese aja erámi ga ore pijógome dáringane ingoningarã́cho jne.

Romános 8:29

Uje iji taningárique nanique ga Dupade jĩraque chiraja danguresórone ore. Enga e pésu dáyipie bajaguíji yui ome udore jnese to jetiga jé ore chopise Jesucrísto uté. Dupade ajegaidi jé u gu ujetiga ujnacari hermánone jiépiso, ga ore cho darẽjáji Jesucrísto uté jnese ome uté úringai ibijoque, uje bajai tu uté ome ore gu.

1 Coríntios 13:12

Que toc ujetiga yirajágo cuchárigo aja quitígo jnese iji erámi tuné. Mu udore gajnui u ajicaranone uje que urénga pijoque gosi tiji. Uje que pijoque cuchade jnese iji erámone unojo to. Mu iji guéode uéchai enga a yirajágo cucha ponáyone jnese to jne, uje a cuchade choqui iji guesode ome yoque jne iji uté. Mu que urénga yiraja cucha uñane iji erámone unojo. Mu ujetiga e yise guéode uéchai to jne enga jogadi tu ujetiga ca yeruojmárique cucha cuse. Dupade chirajapise yadode jnese, enga a jé yo uté to jne ujetiga yise gaté.

1 Coríntios 15:49

Yocajnai tu yocãrapi Adán ome ao jnutiminóri iji erámi tuné. Jé basa yocajnai a upo Yocangarádejnai rĩ ome ao gateminóri jne.

1 Coríntios 2:9

Mu que ore chiraja, enga cucha dacate tocachugode udojo jé cho proféta uñai urusarane iji Dupade uruode, uje chósi te: –Ueradipíso Dupade ipesudode cucha uje e dimane ome dajnorasórone ore yui. Que ayoréode uñeque pañaji cuchade udore iji erã́tique. Jé cho uje que pududique udore ujnomérique ome ayoréode uñeque rĩ. Enga que pipesute pajéningome cucha dacadode udore rĩ, uje ore suépise erámi unirisórone áyipiedie gáyode jnese ome dáringane ueracho.–

2 Coríntios 3:18

Jecute uje e yanguretágo Jesucrísto ga e que chopo rĩ ujetiga qué yacógo borapei tuté yoquedodie yui gai. Mu yocajnui tu ajicarani uje obiréjna Yocangarádejnai ingoningájnai tiji yoque. Jecute Yocangarádejnai uté jé chosi dangoningájnai tiji yoquíode iji dirode jnese. Jecute uté ingoningájnai chise yoque ga jé yoco uté ome ingoningájnai. Enga que yoquipesute udore go, mu Yocangarádejnai uje Dupade Ujopié jé upúsu uté ipesucho udore ome yoque.

2 Coríntios 4:17

Yirajágo uje pirarã́itigade chise yoque iji jnumi tudé mu jĩraque jnopo rĩ, jnopo rĩ iji yoque. Mu ujetiga yimáco yógaja udore uéchai ga yocajneque cucha eyúgojmane iji Dupade idai ueradéjnai tuté. Enga yocucuecaringuei tuté a suépise yocucuecaringueque baja casé iji jnumi tudé.

Gálatas 3:26

Uacanguretigai tuté ome Jesucrísto u uje Dupade cho dabi iji uaque jnese.

Gálatas 4:6

Dupade que pota ujetiga potigayaquérique déji uaque ome uacáringane abío. Jecute chiroque dabi Ujopié Espíritu Sánto taja uacáyipiedie ujetiga oyo uacaji Dupade to. Chamáñaje Dupade abi Ujopié Espíritu Sánto u uje gajnei tu ujetiga chojningame Dupade: "Yai tu ua, Dupade á."

Filipénses 3:21

Ujetiga di, enga a chinoningase yoquejnaréngone isai yocao jne. Enga a yocópise uté jne ome ao ijoréjnai. Enga oidé tu dajopié jne ujetiga chinoningase yoque. Enga utocaidé a jé upo dajopié tuaté jne rĩ ujetiga chimate cuchade aja re jnese, enga a jnuéngai cuchade udore jnese jne.

Colosénses 3:4

Yirajágo uje yocucuecaringué ichai uné guẽrasṍri tu Crísto, enga ujetiga uté di jne enga a jĩraque agúsoji gari to jne iji guéode. Enga a uacajneque uté ingoningájnai jne.

Hebréos 9:28

Isocai jé u Crísto. Uje toi enga chojmára enga chisi ome re ujetiga pĩroque yoquisijnaringuéone. Quigade enga a diapo jne rĩ. Enga diringane gare uje chise erámi. Bajai u nanique ujetiga chĩro pisijnaringuéone. Mu diringai ejoi u ujetiga chiqueta uyoque jnese jne uje yiroco yui.

2 Pédro 1:4

Jecute Dupade chichaga cucha orerane, cuchadatéode ore aja yoque to. Enga Dupade ichagápiode udore pésu yoque enga e yoco Dupade. Jecute que qué pipotiguéode ome cucha gajnaréngone iji erámi udé suépo yoquibáyode rĩ.

1 Juan 2:28

Yababode uaque á, e yo uacaquique ujetiga jé apúyoja Crísto. Adi tu ujetiga ca yagutúgo yógome uté iquei jne ujetiga diga chiqueta raja yoque. Enga a ca yocuñeque chiraja dajegátigárique jne ome uté.

1 Juan 2:7

Yijorane uaque á, que yurusarane gajnengónique piroqué icha gotique. Mu jé u piroqué baja casica uje uacadúcho to nanique, jé iji taningápisi uje ore chacate uágome Dupade uruode.

1 Juan 3:1

¡­Yocai Dupade chijnorapise yoque, jõ! Jecute juéga ujetiga yoquíode u Dupade abode. Mu que cachi yoquío. E Dupade abipise yoque. Jecute erámone jogosórone que ore chiraja yocúringane Dupade abío. Chamáñaje que ore chiraja Yocai Dupade gu.

1 Juan 3:10

Jecute Dupade abode que piraque iji ayoréode. Satanás ajnangórone que ore piragápo rĩ. Uje gosi a ca chijnóra dojórique ayoré, enga que pésapo dátegoningárique rĩ, enga choquípisiji guesi uje Dupade que ape uté go.

1 Juan 3:21

Jecute yijnorane uaque á, a ca yocáyipiedie chiraja yoquiyoguérique, enga jé u uje yirajagopise yógome Dupade.

1 Juan 5:1

Ore jnese uje que ore chotigase Jesús úringai Crísto, uje Dupade utocaidi u uté, enga Dupade abode u udore ore. Jecucha ate to uje gosi chijnóra jnanírique, enga chijnorapo jnani tuté abode to rĩ.

Apocalípsis 22:4

Idáidatéi tuté jogosórone a ore chimópise Dupade jne ome dedodie. Enga a uté churúsãre dei tiji udore ore enochade jne.