1 Juan 3:13 - Dupade Uruode

¹³ Jecute yijorane uaque á, jé ca chajuque uacagutedie ujetiga erámone jogosórone ore chetaque uaque uje jé ore ate uje ore chetaque yoque gu.

1 Juan 3:13 Iomraidhean Croise

Provérbios 29:27

Ayoré ate arégode jecucha ore chetaque ayoré sijnángone ore isocade ome cuchade. Ga jé adi tupo ome ayoré sijnángone rĩ, uje ore chetaque ayoré ate arégode ore isocade to.

Matéo 10:22

A chisápo dínique to jne rĩ ujetiga erámi unirisórone ore chetaguipise uaque to iji erámi údode. Mu a uacabade jé u yadode jne uje uacatatayo. Ujetiga adotáyopise uáguiji uacanguretigai enga a eso uacáringane piquetacho jne iji deréjna pitade.

Matéo 24:9

Mu a jé irába jne ujetiga qué ore chisa uacuñéngo. Enga a ore cho dajuñame uacuñéngo jne rĩ. Enga a ore chujé uacuñéngo to jne rĩ. Enga a ore chetaguipise uáguiji erámi údode jne. Uacabade a jé u yadode jne.

Márcos 13:13

A dequetéquedaté uágome erámi unirisórone ore iji erámi údode jnese jne. Mu uacaba cuchábode u yadode gu. Mu ujetiga uaque gosi chejnápise raja yadode udojo, jé aja dáringárique ducañerájma eruei, mu a jé u jne ujetiga uaque gosi chimate raja dáringai piquetaque jne ome Dupade.

Lúcas 21:17

Mu a chise dínique to jne ujetiga ayoréode iji erámi údode ore chetaguipise uaque. Mu a uacabade u yadode uje uacatatayo.

Lúcas 6:22

Anínaño uaque to ome uacajnetígo ayoréode ore ipojnaquéo ujetiga ore chujñieta uáguiji dajade uje ore chetaque uaque gu, ujetiga ayoréode ca ore ajéngome uaque ga ore tṍra uaque. Chamáñaje uacoyo uacaba yu gu uje uacarása yu to.

Juan 16:2

Uje a ore eduguéjnane chijócãre uáguiji ore aquiningaméone. Enga cucha dacate gajnaréngone uñane a tṍraji dajñarenie ome uaque. Enga diga a ore pota chutígome uaque uje ore jos eti Dupade ajéo ome ore ujetiga ore chujé uaque.

Juan 16:33

Yuruode u udojo ome uaque gu ujetiga eso pajesereringane ujetiga ajóyo uágaja yu. A ejnárecho cuchade jne iji erámi tudé, mu adotáyo uac. Chamáñaje yujnué cuchade gáyode iji erámi gu.–

Juan 17:14

E yingo baruode aja yanguresórone, jecute erámone jogosórone ore chetaque ore. Chamáñaje que erámone jogosórone urásapo ore to rĩ. Enga e ore cho yu uje que erámone unirísõre yu to.

Juan 3:7

Jecute aya baguté jora ome yuruode uje yojninga: "Ujetiga apota báringárique Dupade urása enga ajuéga ua ome babatiga ejoi."

Juan 7:7

Mu que togome uaque ujetiga erámone jogosórone ore chetaque uaque. Mu ore chetaque yu. Uyu u gu uje yingopísa ore ate gajnaréngone aja ore.

Héchos 3:12

Uje Pédro chimo ore uje ore tijapísa ore enga chojningame ore: –Israélgosode uaque á, ¿gotique uje uacatijayo yoque enga uacatoyóji yoquibai? Ísega ajoso ati jnani uté dique gu yocujopié, jeoga uacajéode u uje yoquijnoraquéode ome Dupade u uje chiqueta.

Romános 8:7

Ga yuruode qui tudé: Udore ore uje ore áyipie chajo raja dapotigué ayoréode ga ore áyipie uaté chopise damajo Dupade, uje que juéga re ome Dupade ajegaidode cucha úringáringo pipesute. Mu a jé ca toguírase ore arĩa ujetiga angoninguite guesaque ore ome Dupade ojningane cucha ueracho quigode, uje que ore chimécãre gu.

2 Timotéo 3:12

Mu jé ũrepise yu ome unojo: ujetiga Jesucrísto anguresónique pota dopísi Jesús adode, enga jé basa a erámi unirisórone cho damajo uté gosi jne.

Santiágo 4:4

Ayoré gajnaréngone uaque gu uje que apúsoi uacangureni Dupa ejórique, enga uacagaidode u erámone jogonórone cucha. ¿Ja ca arajáyo to a uje ore chijnóra erámi tuné adode enga imoi tu uje ore gueteque Dupade? Jecute gosi uje pota doi erámi jogonórone isocade, enga cho dedobóya Dupade enga e nóña enga Dupade guetésõre to.

Apocalípsis 17:7

Enga Dupade iroi chojningame yu: –¿Gotique gu a uje cuchade udore chajuque baguté? A yo quique cucha pibojmane quigode iji chequé uaté jne, jé iji uaté charipi cuchiso guichayai to uje uté gatoidie gariti enga uedie chejna yijmanáyone.