1 Juan 3:1 - Dupade Uruode

¹ ¡­Yocai Dupade chijnorapise yoque, jõ! Jecute juéga ujetiga yoquíode u Dupade abode. Mu que cachi yoquío. E Dupade abipise yoque. Jecute erámone jogosórone que ore chiraja yocúringane Dupade abío. Chamáñaje que ore chiraja Yocai Dupade gu.

1 Juan 3:1 Iomraidhean Croise

2 Samuel 7:19

Mu que cuchadaté yu gotique ome baruode ome yabode ore uje bachaga yocúringáringo eduguéjna cuchape aja yape disi ejode uyoque gatuaque. Que jnani dacasutéraque uñeque cho ua gotique ome bacaniratiguérigo ome barótigo.

Sálmos 31:19

¡Urénga! Cuchadatépise bosongaquédatéi, uje bosongaquei uté gajnúone u cucha orerane uje que pujuseque cucha orerane udore ome udore ore yui uje ore dosóñime ua, ga bajuguína cucha orerane udore aja banguretasórone ore jnese iji jnanione udore ore edominone. Basíomeone u udore ore uje ore cho dãrésõri iji ua.

Lúcas 20:36

Enga yojningane udore a ca ore topoi jne rĩ iji deréjnane. Ga ore gajnúone u Dupade utocaidode gateminóño. Mu ujetiga ore niji iji pitoringai enga Dupade chinoningase ore enga e Dupade ape ore.

Juan 1:12

Mu uñane ore chimesẽre enga ore changureta. Jecute chinoningase ore enga ore chise dáringane Dupade abío.

Juan 11:52

Mu que gusu judíode ujetiga Jesús toi ome ore, mu jé upo ome erámone unirisórone ore jnese ujetiga ore chise dáringáringo Dupade abío. Enga a jogadi u ujetiga chamáta ore iji erámi údode jnese.

Juan 15:21

A ore cho damajo uaque gu yadode. Chamáñaje que ore chiraja yirósõri gosi gu.

Juan 16:3

A ore socárome yanguresórone uhuaque gu uje que ore chiraja yu gosi. Enga que ore chise dáringáringo Yapade irajasóño.

Juan 17:25

Yapá, yicota ua ome báringai ũrepise. Erámone jogosórone ore que ore chiraja ua go. Mu uyu yirajapise ua. Enga yanguresórone udore ore chiraja uje batocaidi u yu.

Juan 3:16

Enga Dupade chijnorapise erámi jogosórone ore. Jecute tẽra dajnacare ugurui ome ore. Ujetiga gosi changureta enga gajneque pucuecaringué eyúgojmai iji deréjnane jnese. Enga a ca chimo Dupade ujuyaquédatéi jne ome re.

Romános 5:8

Jé basa ga Dupade ijnoraquédatéi pijoguipise ome yoque. Uje sijnanguipise erámi unirisórone uyoque, mu jé Dupade utocaidi Crísto tẽra re ome yoque enga toi iji yoquiyaridi.

Romános 8:19

Dupade imaningone cucha ponáyo jnese ore jnatupúsu yui ujetiga Dupade uté chingongara dabode jnese aja erámi ga ore pijógome dáringane ingoningarã́cho jne.

Romános 8:32

Uacamóño uje Dupade que chãraque Dajnacari uté, uje ujnacaripise múñi. Mu tẽra uté ome úringai chuque, ujetiga toi ome uyoque jnese. Jecute uje Dupade e chisíome Jesucrísto ome uyoque, enga obiréjna uje a jé ca charángapo cucha ueradode uñeque ome uyoque rĩ, mu a chisíome dachagájade cucha udore jnese ome yoque, ome dacaniratiguédatéi uté.

2 Coríntios 6:18

Enga a oyo uacaji yu jne. Enga jé basa yo yujnacari iji jnanione uaque, enga a yopo yuro iji chequedíe uaque jne rĩ. Yocangarádejnai uruode u udore uje cuchade jnese jnuéngaisṍri tu.

Gálatas 3:26

Uacanguretigai tuté ome Jesucrísto u uje Dupade cho dabi iji uaque jnese.

Gálatas 3:29

Ujetiga Crísto gajneque yoque ga jnani bajai Abraham e ape disi ejo yoque to. Ga a yocajneque Dupade osongaquéode to jne uje chichaga aja yocai Abraham nanique.

Colosénses 3:3

Uje e chopise ujetiga uacapatíoraño Crísto iji itoringai nanique, jecute que pijoque uacacuecaringuérique ome erámi unirisórone ore. Chamáñaje uacacuecaringuei e déji Crísto gari gu iji Dupade gari.

1 Juan 3:10

Jecute Dupade abode que piraque iji ayoréode. Satanás ajnangórone que ore piragápo rĩ. Uje gosi a ca chijnóra dojórique ayoré, enga que pésapo dátegoningárique rĩ, enga choquípisiji guesi uje Dupade que ape uté go.

1 Juan 3:2

Yijorane uaque á, e Dupade ape yoque iji deréjnane unojo, mu cáma yimóngo yocatígo jne ujetiga e yugúcoi gari iji gaté. Mu yirajágo uje Jesucrísto a diapo jne rĩ, enga a jé u jne ujetiga yocópise uté jnese jne. Uje a yimóngo uté jne enga yipáñangopísiji jne.

1 Juan 4:17

Uje yocacãrájai uyógaja Jesucrísto iji erámone unojo enga yocucuei tu ujetiga yoquijnoraquei ujñapetaguipise. Yoquigaidi u gu ujetiga ca yagutúgo yógome Dupade iquei jne ujetiga diga chajire yocadode aja quigode.

Apocalípsis 21:7

Ujetiga Satanás ca chijnime uñeque ãrírique enga a yẽrája uté gosi te jne ome yimaningone cucha. Enga a uté idupade u yu jne. Enga a yopo yabíji uté gosi to jne rĩ.