1 Juan 2:7 - Dupade Uruode

⁷ Yijorane uaque á, que yurusarane gajnengónique piroqué icha gotique. Mu jé u piroqué baja casica uje uacadúcho to nanique, jé iji taningápisi uje ore chacate uágome Dupade uruode.

1 Juan 2:7 Iomraidhean Croise

Matéo 5:43

Jnani bajade ore urúo nanique uje ore chojninga: "Ajnóra bajnorangórone, mu ca ese betesórone unétique."

Juan 13:34

Mu yijíñome yiroqué ichai udé iji uacari: ujetiga beyoi ga ajnóraño ñane. Adi jé u ome yu uje yijnóra uaque, enga beyoi yijmapié uaté to enga ajnóraño ñane.

Héchos 17:19

Jecute ore jno Páblo údi aja ore aquiningamei jogadi uje i u Areópago. Enga ore chojningame Páblo: –Yoquigaidi u ujetiga yangácobí bacajnaqué ichade to jne.

Hebréos 6:9

Mu que uacajneque yigotade tijo unojo, yijorane uaque. Uje yiraja uje uaque u uje uacanguretáyopise Dupade. Enga a uacajneque Dupade gueranone cucha omío to jnese, uje Dupade iquetade u uaque gu.

1 Juan 2:24

Jecute ca uacadudigode pacajnaqué bajácho jnoji uacajéode. Ujetiga uacajnéone pacajnaqué bajade udore jogadípise uacajéode enga a jé u jne ujetiga apúyoja Dupade, Ujnacari ore jnese jne.

1 Juan 3:11

Uacadúdi Dupade iroqué jé iji taningane nanique u uné: ujetiga yijnórango ñane jnese.

1 Juan 3:2

Yijorane uaque á, e Dupade ape yoque iji deréjnane unojo, mu cáma yimóngo yocatígo jne ujetiga e yugúcoi gari iji gaté. Mu yirajágo uje Jesucrísto a diapo jne rĩ, enga a jé u jne ujetiga yocópise uté jnese jne. Uje a yimóngo uté jne enga yipáñangopísiji jne.

1 Juan 3:21

Jecute yijnorane uaque á, a ca yocáyipiedie chiraja yoquiyoguérique, enga jé u uje yirajagopise yógome Dupade.

1 Juan 3:23

Uje Dupade iroquei tu ome yoque ujetiga yanguretágo Abi Jesucrísto enga yicoi uté ojningane cucha. Enga uté ojningai tu ujetiga yijnórango ñane.

1 Juan 4:1

Yijorane uaque á, jé ca angáchoi ore jnese ujeta ore cho Dupade uruode atatasórone iji raque. Mu adójningachopísa ore adode bajaque ujetiga Dupade Ujopié u uje déji ore gari, jeoga pujopié gajnarengue u. Uje uásejna arapatáquechoquíode uje ore déji erámone iji deréjnane unojo. Uje chiese ore garani tu Dupade ujetiga ore chatata uruode ome yoque.

1 Juan 4:11

Yijorane uaque á, ujetiga Dupade ijnoraquei cuchadaté ome yoque, jé tiógararása to ujetiga anguresórone uyoque yijnórango ñane to.

1 Juan 4:21

Mu Crísto jé guẽrate daroquei uné ome yoque nanique uje chojninga: gosi ujetiga chijnóra Dupade, gajnei u to ujetiga chijnóra dajõrárique.

1 Juan 4:7

Yijorane uaque á, yocajnei u ujetiga yijnórango ñane uje pijnoraquei ome ñane garani u Dupade. Jecute ujetiga pijnoraquei déji gosi enga obiréjna uje Dupade ape uté gosi enga chirajapise Dupade.