1 Juan 2:5 - Dupade Uruode

⁵ Jé basa enga gosi uje pésu Dupade ojningane cucha enga imoi u uje Dupade ijnorangóri upúsu uté gosi. Enga a yirajágo unojo gu jne uje Dupade anguresõre yoque ujetiga yicoi ojningane cucha.

1 Juan 2:5 Iomraidhean Croise

Sálmos 105:45

Pangarádejnai pésu udore gu ujetiga ore suse uru pirosobádode udore guio, jé aja ujetiga ore doi uté áyipie parénguenie quigode jnese. ¡Jé tiógarapísa Pangarádejnai uté úringai picotaque!

Sálmos 106:3

Pininaquei gajnesórone udore ore chetingare cucha uréone quigode gatuaque. Ga jecucha ore pésu cuchade uje ũrepíso quigode.

Sálmos 119:146

Yúringai ugo gajnesṍri tu ua, Pangarádejná. Mu be ga aqueta yu, jeta yujuse bapijogúsorone barúo udore guio.

Sálmos 119:2

Pininaquei gajnengórone u udore ore uje ore susípise uté pijogúsorone daru quigode guio, ga ore chejna dáyipiedie aja uté úringárique pucueque.

Sálmos 119:4

Baroquei u ome yoque jeta yicoi bajmapié aréguedie udire quigode ga ca yicagóji ti yui ome udore uñeque.

Provérbios 28:7

Ujetiga jnacánique dopísi Dupade ojningane cucha quigode jnese ga úringai pape irajataque pijógome dai, enga uté dai irasiguipise dabi tuté. Mu a gosi abi nóna ayoré acharánecojnáringo ore aja quedéjnane enga a uté dai chajéngui jórongome dabi tuté jne.

Provérbios 8:32

Yababode uaque á, beyoi ga angachopísi yarecujaidie quigode udojo jnese. Jé beyoi yijmapié ome yojningane udojo cucha jnese to jne enga a uacarasique uaque gatuaque jne.

Lúcas 11:28

Mu Jesús chajnai uaté uruode ga chósi tome: –Úngare. Que quigode u udore gotique. ¡Picotaquéode gajnetodie udire ore u uje ore chudute Dupade uruode ga ore doi quigode!–

Juan 14:21

Ujetiga gosi chiraja yiroquéode quigode enga doi enga pésu, uté u uje chijnóra yu. Enga Yai chijnóra uté gosi gu ijnoraquei ome yu. Que gusu Yai uje chijnóra uté gosi mu uyu u to uje yijnóra, enga a yingo yu aja uté gosi jne.–

Juan 14:23

Jesús chajnai uruode enga chojninga: –A gusu yingo yu aja yangarásõripísode. Uje uté gosi ujetiga chijnóra yu doi ga pésu yuruode quigode. Jecute Yai a chijnóra uté gosi jne. Enga a Yai uyoque yátago yógaja uté gosi.

Juan 15:5

Uacarajáyo uje yajnua tu ore acai ero. Jé basa uacajnúone u jmanecade. Ujetiga jé yoquijogate yóguiji ñane enga jogadi u ujetiga uacárigui uásejnai. Uacarajáyo gu uje que cuchárique togome uaque ujetiga ca átayo uágaja yu.

Juan 6:56

Jecute gosi uje tagu yibai enga chójiapo yiyoi rĩ enga jé u uje uté gosi, uyu yitojmárango iji jnumi.

Romános 8:1

E pĩroque yoquisijnaringuéone, jecute a jé ca yimóngo yocúringai pujuya iji dínique jne. ¡Udore ore jnese uje ore déji dáringane Jesucrísto gajnecho enga e ore úringane máracho bijnapise ome ore jé idé, enga a jé chuságaja deréjna pitade jne!

1 Coríntios 1:30

E obiréjna uje gusúpusu Dupade uje pésu ga Crísto Jesús, uacatojmáraño iji jnumi. Ome isocai uté uje cháta yógaja Crísto, enga qui jé u to uje yoco yocajnéngu uté ayuquetotiguei to uje uté gueranome Crísto uté. Enga quigode jé u uje e yico yocúringane ayoré ujñapetácho iji Dupade iquei, enga gose Jesucrísto uté adode ome yoque; jé u to uje Dupade e cãraque yógome yocúringane uté urása; jé upo rĩ uje e piraméo uyógome yocúringane máracho jnese.

2 Coríntios 5:17

Jecute ayorei uje e chisa Crísto ome dáyipie ga e ayoré icha uté. Enga cuchade e chécãre re ome, uje ate bajade jnese e bijna ome. Enga e doi date ichade.

2 Coríntios 5:21

Yirajágo uje Crísto que pésu cucha gajnarétique nanique. Mu Dupade cho ayoré sijnánguiji uté nanique. Gaidi u gu ujetiga cho daba yoquisijnaringuéone. Jecute uje yanguretágo Crísto ga yocúringáringo omío a u jne iji quigade. Chamáñaje Dupade potapísa yocúringáringo omipíso ome re gu.

Santiágo 2:22

Bamo uje quene Abraham anguretigai pijoque nanique uje doi Dupade uruode quigode ome re. Enga quene anguretigai uome uje ate omone tocade iji.

1 Juan 3:24

Uyoque uje yicoi Dupade iroquéode, uyoque u uje yátagopise yógaja uté, enga uté déji yoque to. Enga yirajágo uje uté déji yoque gu guerané Dajopié Espíritu Sánto ome yoque.

1 Juan 4:17

Uje yocacãrájai uyógaja Jesucrísto iji erámone unojo enga yocucuei tu ujetiga yoquijnoraquei ujñapetaguipise. Yoquigaidi u gu ujetiga ca yagutúgo yógome Dupade iquei jne ujetiga diga chajire yocadode aja quigode.

1 Juan 4:18

Uje pijnoraquei déji yógome gosi enga e que yitodógo uté gosi. Uje pijnoraqué ũrei déji gosi enga cho ujetiga tṍra pisadodéringai aja guesi iji gosi. Mu uje pisadodéringai qué déji gosi enga a cho dajuñame uté gosi jne. Jecute yirajágo uje pisadodéringárique qué déji gosi enga cáma uté gosi chijnorapise Dupade.

1 Juan 5:2

Jecute ujetiga yijnórango Dupade enga yipéco ojningane cucha enga a yijnórangopo uté abode to rĩ.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.

2 Juan 1:6

Pijnoraquei ome Dupade, pangoninguite guesáringane ome uruode jé ore cho ñane. Enga e uacadúcho Dupade iroqué taninguíone to ica uje u ujetiga yijnórango ñane iji deréjnane.

Apocalípsis 12:17

Jecute arócojna guichayai chugúja chequé tuaté. Enga jno enga pésu pocaningai ome uaté ape disi ejode ore. Enga ore u uje angoninguite guesaque ore ome Dupade iroquéode. Ore upo rĩ uje ore pésupúsu Jesucrísto uru uréone quigode uje chatata udore quigode ome ore nanique.

Apocalípsis 14:12

Enga jé jno daruode údi enga chojninga: –Jecute Dupade anguresõripísode ore gajnei tu ujetiga ore chidota rome dajnéone pequetingaquéo gatuaque á. Yojningane u ore uje ore doi Dupade ojningane cucha, enga jogadípise ore anguretigai iji Jesucrísto á.–