1 Juan 2:4 - Dupade Uruode

⁴ Mu ujetiga uñeque cho darajáguiji Dupade marínga, que pésu uruode quigode enga taque uté, enga que ũré gotique.

1 Juan 2:4 Iomraidhean Croise

Juan 8:44

Uacai u Satanás. Enga uté gajneque uaque. Jecute uacapótayo apéso uté ajegaidode cucha. Ayoré yungore Satanás uté iji taningápisi. Enga que togome ujetiga urúrique ũré. Chamáñaje cucha uréone guetésõre uté gu. Urupatáquechoquí u enga uruode u purupatáringane. Enga urupatáquechoquíode ore dai u uté. Chamáñaje purupatáringane garani u uté gu.

Títo 1:10

Jé ũrepise, Títo á, uje jiei angoninguite parigode iji uacajade gu. Enga cuchiyíode u judíode ore. Uje ore chijnime dara bisidégode gatuaque, enga ore chãra uacuñane.

Títo 1:16

Chiese ore chiraja Dupade, mu gajnareque ore adode, enga obiréjna uje que ore changuretapise Dupade to. Gajnarenguipise ore adode enga angoninguite paric ore, enga que ore chibote dacátegoningáne adode gotique.

1 Juan 1:10

Mu ujetiga yojnico: "Que yate gajnarétique cuse," enga yirajájo yoquisijnaringuéone enga cho ujetiga taque Dupade. Enga obiréjna uje udore gosode que ore chimesẽripise Dupade uruode go ome daruode udore. Chamáñaje Dupade chingome yoque gu uje pisijnaringuéone déji uyoque jnese.

1 Juan 1:6

Ujetiga yocuñeque chojningárasa: "E yáta yu aja Dupade to," mu qué chajnera dasijnaringuéone údi, enga gajnui jé u ujetiga jé jogate ijnangununie ajéode. Jecute yirajágo uje taque uté gosi ome uruode, ipesudode ore jnese.

1 Juan 1:8

Mu ujetiga yojnico: "Que yisijnaringuérique cuse," enga yocarane jé u yoque, enga taque yoque.

1 Juan 2:3

Ujetiga yipéco Dupade ojningane cucha, enga a ca potigayaque yoque jne uje yirajágo Dupade.

1 Juan 2:9

Gosi ujetiga chojningárasa: "Yugúsiji dírecaringuéi," mu chetaque dajõrai, enga que déji dírecaringuéi gotique. Mu jé qué jogate ijnangununie.

1 Juan 3:6

Jecute ore jnese uje ore cháta rágaja Jesucrísto enga que ore áyipieraque déji pisijnaringuérique. Mu ore jnese uje ore áyipiedie que jnoji pisijnaringuéone, enga obiréjna uje que ore chimo Jesucrísto gotique, enga que ore chirajapise atique go.

1 Juan 4:20

Mu ujetiga gosi chojninga: "Yijnóra Dupade" marínga, chetaque dajõrai, enga táquechoquí uté. Mu ujetiga que yijnórango yoquijõrai uje déji yoquedominone ¿enga jé yijnórangorase Dupade a, uje que pimo?

1 Juan 4:7

Yijorane uaque á, yocajnei u ujetiga yijnórango ñane uje pijnoraquei ome ñane garani u Dupade. Jecute ujetiga pijnoraquei déji gosi enga obiréjna uje Dupade ape uté gosi enga chirajapise Dupade.