1 Juan 2:3 - Dupade Uruode

³ Ujetiga yipéco Dupade ojningane cucha, enga a ca potigayaque yoque jne uje yirajágo Dupade.

1 Juan 2:3 Iomraidhean Croise

Sálmos 119:32

A yayóna baroquéode udore aja quedéjnane jne, ujetiga yirajatigai jé quérã iji báyipiedie udire.

Sálmos 119:6

A ca cuchárique chinguíra dipoi taja yu jeta yáyipie jogate baroquéode quigode udore jeta yipésu gatuaque.

Isaías 53:11

Uje uté déji dáringai surujnaque gai, ga cho jeta ijnangunua chaco uté gai, ga edodie cho jnaque. Mu dépoji dírecaringuéi te rĩ ga chajire dejode mu uerate imaningone cucha aja quigode, ga irasiguipise re. Pangarádejnai Dupade júdebei uté uégome pisijnaringuéone, jecute a u jne ujetiga chejñu darajasórone ore isijnaringuéone iji ore údode ga chibéro udore iji ore gáyode. Enga jiei uté ujode ayoré uje ore chagutíyame uté isocade udore jne.

Lúcas 6:46

Jesús qué chajnerame dacajnaquéode, ga chósi te: –¿Gotique gu a uje uacuñéngo ore tibidi yu ga ore chósi tome yu: "Yocangaráni á," mu que ore tangári yu gotique?

Juan 14:15

Ujetiga ajnóraño yu enga beyoi yiroquéode.

Juan 15:10

Ujetiga beyoi yiroquéode quigode enga a uacajogate iji yijnoraquéode. Adi jé u ome yu uje yiji Yai iroquéode enga jé yijogate iji Yai ijnoraquei ome yu.

Juan 15:14

Yijorane u uaque ujetiga apéso yojningane cucha.

Juan 17:3

Pucuecaringué eyúgojmai quigode u udojo: ujetiga gosi chirajapise Dupa uguru ũrei ua, enga chirajapísapo Jesucrísto uyu rĩ uje baroque yu aja jnumi nanique.

2 Coríntios 4:6

Dupade u nanique uje ipesute dírecaringuéi ujetiga chijñate ijnangununie gai. Enga jé u to uje chijñate yocáyipiedie gai to. Pésu udore gu ome yoque ujetiga pijoque ingoningájnai ome yoque to. Enga Dupade idírecaringuéi tuté u uje dépisiji Jesucrísto to.

Hebréos 5:9

Enga úringai ujñapetaguipise jé pijoque to. Jecute pucuecaringué eyúgojmai garani u uté ome udore ore jnese uje ore doi uruode.

1 Juan 2:13

Jnanione uaque á, yurusarane gajnengórone u uaque to uje uacamóñopise Jesucrísto to nanique, uté uje jé jogate nanique iji erámi taningane. Jnacarode uaque á, yurusarane gajnengórone jé u uaque to uje uacajnuéño Satanás gai ome uacanguretigade. Yababode uaque á, yurusarane gajnengórone u uaque jnese to uje uaqueso Yocai Dupade to enga uacarajáyo uté to.

1 Juan 3:14

Uyoque enga e yugúcoji pucuecaringué gatei iji pitoringai uéchai, ujetiga jé ũré enga yijnórangopise yoquijorane ore. Mu a ca yijnórango yoquijõrárique enga gajnui tu ujetiga que yugúcoji pitoringai uéchai go.

1 Juan 3:19

Enga yoquisocai urásu uné jne ujetiga yirajágo yocúringane ũrepíso, enga yirajagopise yoque iji Dupade iquei jne.

1 Juan 3:6

Jecute ore jnese uje ore cháta rágaja Jesucrísto enga que ore áyipieraque déji pisijnaringuérique. Mu ore jnese uje ore áyipiedie que jnoji pisijnaringuéone, enga obiréjna uje que ore chimo Jesucrísto gotique, enga que ore chirajapise atique go.

1 Juan 4:13

Dupade chisi ome Dajopié Espíritu Sánto ome yoque gu ujetiga ore chiraja jnese uje déji yocari, enga yugúcoji uté gari to.

1 Juan 4:7

Yijorane uaque á, yocajnei u ujetiga yijnórango ñane uje pijnoraquei ome ñane garani u Dupade. Jecute ujetiga pijnoraquei déji gosi enga obiréjna uje Dupade ape uté gosi enga chirajapise Dupade.

1 Juan 5:19

Yirajágo uje Dupade gajnenguipise danguresórone uyoque. Jé basa erámone jogosórone ore uéchai jnese déji Satanás gari, enga uté chorei ore iji quedéjnane.

1 Juan 5:2

Jecute ujetiga yijnórango Dupade enga yipéco ojningane cucha enga a yijnórangopo uté abode to rĩ.

1 Juan 5:3

Jecute gosi a chijnóra Dupade enga gajnui u ujetiga pésu iroquéode. Enga Dupade iroquéode que piraque ome gosi.

Apocalípsis 12:17

Jecute arócojna guichayai chugúja chequé tuaté. Enga jno enga pésu pocaningai ome uaté ape disi ejode ore. Enga ore u uje angoninguite guesaque ore ome Dupade iroquéode. Ore upo rĩ uje ore pésupúsu Jesucrísto uru uréone quigode uje chatata udore quigode ome ore nanique.

Apocalípsis 14:12

Enga jé jno daruode údi enga chojninga: –Jecute Dupade anguresõripísode ore gajnei tu ujetiga ore chidota rome dajnéone pequetingaquéo gatuaque á. Yojningane u ore uje ore doi Dupade ojningane cucha, enga jogadípise ore anguretigai iji Jesucrísto á.–

Apocalípsis 22:14

Pininaquei jogadi tu ome udore ore jnese ujetiga puruguei ore iguidedie enga póroroi. Uje a udore ore gajnei tu jne ujetiga ore chacája Jerusalén icha piagode. Enga a ore gajnei tupo jne rĩ ujetiga ore tagu poria adie uje pucuecaringuei déji.