1 Juan 2:12 - Dupade Uruode

¹² Yababode uaque á, yurusarane gajnengórone u uaque uje Dupade e chicadígui uacasijnaringuéone gu uacanguretigai iji Jesucrísto.

1 Juan 2:12 Iomraidhean Croise

Sálmos 106:8

Mu Pangarádejnai chiqueta udore ore gu uté i úringai pĩcaraque, jeta pijoque cutejma ujopié cuchabe ome erámi unirisórone ore.

Sálmos 25:11

Pangarádejná, urénga, yipesudi cucha gajnareque querúpise. Mu be ga acadígui yipesudi uté pisijnaringué, u gu uje bajnóra bei ueradi uté úringai pisígai.

Lúcas 24:47

Mu gajnei upo rĩ ujetiga anguresóningo ore jno ujnomei údi aja quedéjnane, ujetiga ore chingome ore iji punirone jnese. Enga ore gaite bajai tu ore idai Jerusalén ujetiga ore chingoba ore iji bajac. Mu ore oidi tuté pujnomei turásu ujetiga ore chósi tome: "Beyoi ga ecãcho uacáyipiedie quigode, uacatígo ome uacasijnaringuéone. Ga jé jogadi tu jne ujetiga Dupade utocaidi Crísto chĩro uacasijnaringuéringo."

Lúcas 5:20

Mu Jesús chimo ore uje ore changureta ome ujopié ga jé u uje chojningame ejnarétai: –Yĩrope bate gajnaréngone jnese jne.–

Héchos 10:43

Dupade uruode atatasórone jnese iji jnani bajade, ore urusarane júdi u Jesús jnese uje ore chojninga: "Ore jnese uje ore changureta uté enga ore gajnei tu jne ujetiga pĩroque ore isijnaringuéone."–

Héchos 13:38

Yujode israélgosode uaque, yipotapísa ujetiga arajáyo to uje Jesús u uje chĩro yoquisijnaringuéone, enga yatatagode ome uaque quigode u udojo.

Héchos 4:12

Enga que piquetangore uñeque cuse. Gusu uté. Uje Dupade ojningai chojmára iji erámi unirisórone jnese ujetiga chiqueta ore. Enga Jesús uté u.–

1 Coríntios 6:11

Jé ũré uje uacuñane isocade jé u udore to nanique. Mu uje e uacanguretáyo Yocangarádejnai Jesús enga uté chĩro uacasijnaringuéone enga cãra uacajogadode ome erámone unirisórone ore jogadode ujetiga eduyo uágome Dupade. Enga Dupade chisi ome da-Espíritu Sánto ome uaque enga cho ayoré ujñapetáguiji uaque to gu Yocangarádejnai Jesús adode ome uaque.

Efésios 1:7

Jesucrísto uté upúsu uje chimate yocoré ome dayoi úringai pojneque nanique. Chamáñaje yocajneque pitoringai ome yocúringane máracho ome Dupade, enga gose yoquisijnaringuéone. Mu Jesucrísto e chirame yógome yocajnei pitoringa uté, uje chojne ome dayoi iji curesei ome yoquisijnaringuéone úringane pĩrocho. Enga Dupade isocai jé u uté uje chingongara dacaniratiguédatéi úringai cuchadaté aja yoque.

Efésios 4:32

Jé basa ga apajnotáyoja ome ñane jnese, ga osṍcho ñane yúode gatuaque ome uacáyipie pajnotáringai uté. Jĩraque amuráso ñane adode iji jnumi, jeta jé ca uacáyipiedie jnusinápo rĩ. Chamáñaje Dupade adi jé u uté ome uaque nanique, uje chĩro uacasijnaringuéone gu Crísto ate ueradi uté ome uaque, ga que jnusinápo uacadode udore rĩ. Jecute a jé arachórase Dupade uté aja jmapié uaté jnese.

Colosénses 1:14

Enga yoquiquetangóri upúsu Jesucrísto uté uje toi ome yoquisijnaringuéone. Jecute Dupade e chĩrópise yoquisijnaringuéone jnese.

1 Juan 1:4

Enga yurúsãco yocurusarane unojo ome uaque gu ujetiga arajáyo quigode to enga yoquininaquéode tadipíso jnese.

1 Juan 1:7

Mu ujetiga yicoi Dupade adode enga gajnui u ujetiga yugúcoji Dupade gari iji dírecaringuéi. Enga jogadi u uté uje yocujode Dupade anguresóño uyoque yoquirasique ñane. Enga jogadi u to uje Dupade ujnacari Jesucrísto iyoi churu yoque iji yoquisijnaringuéone jnese.

1 Juan 1:9

Mu ujetiga yingongo yoquisijnaringuéone ome Dupade, enga Dupade a pésu cucha arégode ome yoque jne. Uje a chicadígui yoquisijnaringuéone jne, enga a yocúringai icha jogadi tu iji quigade jne ome yoquisijnaringuéone jnese.

1 Juan 2:1

Yababode uaque á, yurúsãre unojo ome uaque gu ujetiga ca apéso pisijnaringuéringo. Mu ujetiga uñeque pésu pisijnaringuérique, yocangaráni cuse ome unojo ujetiga catecã́ri Yocai Dupade ome yoque. Enga yocangaráni uté u Jesucrísto. Enga uté áyipiedie que gajnareque quitique go.

1 Juan 2:21

Yiraja uje uacarajáyo cucha uréone quigode. Jecute que yurusarane quigode u go ujetiga ca arajáyo. Enga uacarajáyo to uje que paringaquérique tṍraji cucha uréone ore jnese.

1 Juan 2:7

Yijorane uaque á, que yurusarane gajnengónique piroqué icha gotique. Mu jé u piroqué baja casica uje uacadúcho to nanique, jé iji taningápisi uje ore chacate uágome Dupade uruode.