1 Juan 2:11 - Dupade Uruode

¹¹ Mu gosi ujeta chetaque dajõrai, uté gosi déji ijnangununie enga pésu ijnangununie jogosórone ore adode to. Enga que chiraja daquitique uje cho edoparigode iji ijnangununie ajei.

1 Juan 2:11 Iomraidhean Croise

2 Samuel 13:22

Absalón que pésu cucháringome dayai Amnón uté, mu chetaguipise isocai ome nero Tamar uaté, uje moji gari bisideque gu.

Provérbios 4:19

Jé basa ga ayoré ate gajnaréngone ore ajnai tuté dajeque judúguejnapísiji jnumi, enga cuchade chucuase ore aja dajnai tuté mu que ore chimo dacuayasórone gotígo uje juduguipise ore ajirigode gu.

Juan 12:35

Mu Jesús chojninga: –Dupade utocaidi gajnui u dírecaringuéi. Mu deréjnane e garósi ujetiga déji uacari. Jecute aquejnáño aja uté yui to uje qué dire. Socaseti dejai chise uáguiji yui enga a ca eso jne. Enga a ca togome uaque jetiga arajáyo uacajesúode.

Juan 12:40

Uje Isaías urusãraque uñane chósi te: Dupade ipesute ore ujetiga ore gajnúone u edoparigode. Enga ipesute ore áyipiedie úringanie uajádei rĩ ujetiga ca ore tangári cuchárique. Gaidi u gu ujetiga ca ore chimo cuchárique enga ca ore chiraja cuchárique quitígo. Uje Dupade chojninga: "Jé socaseti ore chajni yibai ujetiga yiqueta ore."

2 Coríntios 3:14

Mu Moisés urasade que ore chiraja uje e dírecaringuéi tuté e chaquesu re jnaque. Jecute judíode iji deréjnane udojo ore chajire Moisés urusarane Dupade áyipie bajedie mu que ore chiraja quigode. Enga cho ujetiga borapei tuté jé qué déji ome ore uje suru ore áyipiedie yui gai. U mu gusu Crísto ujetiga chajnangarase borapei tuté iji yocáyipiedie yúode ga guesája yocáyipiedie yúode to ome uruode.

2 Coríntios 4:4

Udore ore uje que ore changureta yocacajnaquéode ga pijoque uje ore cho dadupáji Satanás iji erámone udojo. Enga Satanás uté u uje suru ore áyipiedie gai, jecute que ore chiraja yocacajnaquéode quigode ome raque. Chamáñaje Satanás ipotigádi tu ujetiga ca ore chimo dírecaringué cuchátique ome raque to. Enga ca ore chiraja yocacajnaquéode úringai ueradéjnapíso uje yacaco ore ome Crísto ingoningájnai. Chamáñaje yocojñane gajnengóri Crísto u uje dayé Dupade chopise re iji nanique ome yoque iji erámi tudé.

Títo 3:3

Uacarajáyo uje que yirajágo cuchárique to nanique. Enga angoninguite parique yógome Dupade enga jecucha ga yicagóji quedéjnane ome. Enga cho ujetiga yoquipotigué ayoréode sué yoquibáyode, enga yocáyipiedie chejna rángaja erámone jogonórone cucha gatuaque. Uje chiese pininaquei garanone u cucha ponáyone udore iji erámi tuné ome yoque. Sijnanguipise yoque rĩ enga jecucha ga yaratáyingome cuchade ome yocujode ayoréo. Jecute yocujode ayoréo ore chetaque yoque gatuaque, mu yetájopo ore gatuaque rĩ.

2 Pédro 1:9

Mu ujetiga cuchade udore ca déji gosi enga gajnui u ayorei uje chicadígui uje pucherángai edodie iji úringai edoparique. Enga chicadígui dáringai piquetaque. Que áyipie dépoji rĩ uje pĩroque isijnaringué baja casodé.

1 Juan 1:6

Ujetiga yocuñeque chojningárasa: "E yáta yu aja Dupade to," mu qué chajnera dasijnaringuéone údi, enga gajnui jé u ujetiga jé jogate ijnangununie ajéode. Jecute yirajágo uje taque uté gosi ome uruode, ipesudode ore jnese.

1 Juan 2:10

Jeque gosi uje chijnóra dajõrai, uté gosi u uje déji dírecaringuéi enga que cuchárique cuse ujetiga chorei uté gosi iji pisijnaringuérique.

1 Juan 2:9

Gosi ujetiga chojningárasa: "Yugúsiji dírecaringuéi," mu chetaque dajõrai, enga que déji dírecaringuéi gotique. Mu jé qué jogate ijnangununie.

1 Juan 3:15

Jecute gosi ujetiga chetaque dajõrárique, enga gajnui tu ujetiga jé yuque dajõrai. Enga ujetiga gosi chujé dojórique ayoré enga obiréjnapise uje que pucuecaringué eyúgojmai déji uté gosi ajei.

1 Juan 4:20

Mu ujetiga gosi chojninga: "Yijnóra Dupade" marínga, chetaque dajõrai, enga táquechoquí uté. Mu ujetiga que yijnórango yoquijõrai uje déji yoquedominone ¿enga jé yijnórangorase Dupade a, uje que pimo?

Apocalípsis 3:17

Uacoyo ayoré ataque iji uaque. Enga chiese ca cuchárique chona uaque ome uacajéode. Uacajosopo eti jé areguipise uaque rĩ ome Dupade adode. Mu que arajáyopise cuchárique. Uje Dupade chujnapise uaque enga cho ayoré choquíbi iji uaque, enga chopo edopariguíji uaque. Que ataguipise uaque go mu jmataguipise uaque ome Dupade adode.