1 Juan 2:1 - Dupade Uruode

¹ Yababode uaque á, yurúsãre unojo ome uaque gu ujetiga ca apéso pisijnaringuéringo. Mu ujetiga uñeque pésu pisijnaringuérique, yocangaráni cuse ome unojo ujetiga catecã́ri Yocai Dupade ome yoque. Enga yocangaráni uté u Jesucrísto. Enga uté áyipiedie que gajnareque quitique go.

1 Juan 2:1 Iomraidhean Croise

Sálmos 4:4

Ujetiga ájningarãque ua, mu ca apésu pisijnaringuei ga bájningai noñaji. Adójnangapísa báyipie quigode uje bagúsi bamochápi gai, ga opise paráguiji uté.

Lúcas 10:22

Cha catecã́ri dayé Dupade ga chojninga: –Yapade tẽrája yu ome cuchade udore jnese. Uje abape yu gu. Enga a ca togome uñeque ujetiga chiraja yapade uté gosi. Mu gusu yu uje yiraja uté uje abipise yu gu. Ga jé isocai tu ome gosode udore uje a ca ore chiraja uyu gosi. Gusu yapade uje chiraja yu uje ape yu gu. Mu gusu yu rĩ ujetiga yingo yapade ome udore gosode ga jé u ujetiga ore chiraja to.–

Juan 13:33

Enga Jesús chojningápome ore rĩ: –Yababode uaque á, a ca diyajmaque yu iji uacari jne. A acueyoi yu jne mu a ca eso yu. Adi jé u yuru casodica ome judíode ore uje yojninga ica ome ore enga jé yingome uaque to: uje a ca togome uaque jne ujetiga eso yijogadi.

Juan 14:16

Enga a yijócha Yai ajei údi ujetiga chiroque uacátajató aja uaque jne ujetiga cháji uacari iji deréjnane jnese enga chisi ome picasitigai ome uaque.

Juan 14:6

Jesús chajnai uruode enga chojninga: –Dajei jé u uyu. Enga cucha uréone, pucuecaringuei ore garani jé upo yu rĩ. Gusu panguretigai ome yu ujetiga gosi chise Yai.

Juan 21:5

Mu Jesús tibite ore gai enga chojninga: –¡Jõ é! ¿Jé ca ajnicho oyítique é?– Enga ore chajnai uruode enga ore chojninga: –Úngare é.–

Juan 5:14

Mu udojo quigade uje Jesús chicáji Dupade iguíjna cuchábi enga chise daqueta casé jnani iji ajei. Enga chojningame: –E bamo báringai piquetaque enga be ga ca apésapo cucha gajnarétique jne rĩ ujetiga ca cucha uñeque chijocásapo ua rĩ ujetiga ca sué bejnareque bajai gai.–

Juan 5:36

Mu yipijogúsorone uñane ore déji uje ore narare yibai. Enga ore sué yipijogúsõri Juan gai. Yipijogúsorone udore u yipesudode cucha. Chamáñaje yipesudode u Yai iroquéode uje noñome iji yari nanique. Jecute que potigayaquérique déji yúringai Dupade utocaite.

Juan 6:27

Ayáyo uaquedójnaringuéone ome uacacuegode cucha pibose uje jĩraque íjnoque. Mu uacacuegode urásu cucha pibosode uje que eruénique cuse. Cucha pibosode udore u gu uje chisi ome pucuecaringué eyúgojmai ome uaque. Enga pibosode udore guẽrasṍri jé u Dupade utocaidi uyu ujetiga yisi ome uaque jne. Chamáñaje yai Dupade ajegaite yu ome udore gu.–

Juan 8:11

Enga chequé chojninga: –Que uñeque chatingare yu que.– Jecute Jesús chojninga: –Adi jé u yadi uje a ca yo yujuñame ua to jne. Mu bo ga ca apésapo cucha gajnarétique jne rĩ.–

Héchos 7:52

Que Dupade uruode atatasónique cuse ujetiga ca pumajo ome uacayode jnani bajácho nanique. Ore chujé Crísto parai ujnomei atatasórone nanique uje ore chatata uté diringai. Enga di gojni mu uaquẽcho enga ore chujé.

Romános 5:10

Ajnusináño uje qué yugúcoji yocúringane Dupade guetésoño gai uje uté ujnacari Jesucrísto toi ome yoque. Mu uté adi uté chiborátaja uje Dupade e cho dajõráji yoque. Jecute uje e pajesereringai déji Dupade, uyógome uñane gu Jesús itoringai uté, ¡jétapũré uje a yagutíyangome Jesús ome úringai ueca uté jne! Uje Jesucrísto uté e ecapóji datoringai quigade, enga pijoguipise uje a uté chiqueta yógome Dupade ujuyaquédatéi to jne.

Romános 6:15

¿Ama yuruode udojo quitique a? Ja seca uñane jos eti yuruode qui tu uje jé areque ujetiga yicoi ga yipéco pisijnaringuérique gu uje Dupade icaniratiguédatéi e chiroque yoque. ¡Mu que jé areque gotique! Uje Dupade chejñu Moisés urusarane udore isapídode iji danguresórone uyoque marínga, que chirame uyógome udore gu ujetiga yipéco pisijnaringuéone. ¡Gajnarenguepise páyipiedie udire gu!

Romános 8:34

¿Jeoga piyaguirase uñeque jetiga doi ga chĩ́carapo yocúringáringo pujuyagaite rĩ ome Dupade a? ¡Úngare! Uacamóño uje Jesucrísto uté e chijnime yóguiji yocajnei pujuyaqué erase uje toi iji yoquiyaridi nanique. Enga que gusu uje pẽrapaite ome yoquisijnaringuéone, mu nijiápo iji dáringai chuque quigade rĩ ome dáringai pujnuéngaisṍre. Enga jé idé ga Jesucrísto uté e déji Dupade ãrachua ome dáringai cuchape, ga uté jé upúsu uje chijócha Dupade uté ajei údi ome uyoque gatuaque to iji uté. ¡Jecute pijoque uje que toc ujetiga ayorérique doi ga chĩ́carapo yocúringáringo pujuyagaite ome Dupade rĩ!

1 Coríntios 15:34

Jecute ajníño Dupade gai enga beyopoi uacate arégode rĩ. Enga ajusópo uacajéode guio rĩ. Enga ca apéso pisijnaringuéone. Uje uacuñane que ore chiraja Dupade gotique. Yósi tome uaque gu ujetiga ajéchome uaque.

2 Coríntios 5:21

Yirajágo uje Crísto que pésu cucha gajnarétique nanique. Mu Dupade cho ayoré sijnánguiji uté nanique. Gaidi u gu ujetiga cho daba yoquisijnaringuéone. Jecute uje yanguretágo Crísto ga yocúringáringo omío a u jne iji quigade. Chamáñaje Dupade potapísa yocúringáringo omipíso ome re gu.

Gálatas 4:19

Yababode uaque á, a yajnua tu chequéraque uje chejnáreque dape basui urõsoringuéone. Uje a ca íjnoque yáyuguhebátigade ome uaque jne, jé aja ujetiga yimo uje oyópise uacangureni Crísto.

Efésios 2:18

Jecute ome Crísto adode ga e guesája Dupade yui ome uyoque jnese - ujetiga judíode u, jeoga purása quedéjnane u, mu yoquisocai jé chojmara ujetiga yico Yocai Dupade uté. Chamáñaje chojmara Dupade Ujopié uaté gu, enga uaté u uje déji uyoque jnese.

Efésios 4:26

Ujetiga ájningarãque uaque, mu ca apéso pisijnaringuéone ga uacájningai noñaji. Jecute ca ejnáño deréjnai tiji uacájningai, mu aquíraño uacájningai uté uje cáma guedé chaca.

1 Timotéo 2:5

Que Dupa uñeque cuse. Gusu Dupápisi. Enga que putocaitique uñeque cuse to rĩ ujetiga jno yocúdi aja Dupade ujetiga Dupade, uyoque yocajéode cho sere ome ñane. Gusu yocujoi erámi unirísõre Jesucrísto u ujetiga yutocoi ome yoque.

1 Timotéo 3:14

Yajéode u ujetiga jĩrique yibágui ua, mu jé yurúsãre yurusarane ome ua.

Hebréos 9:24

Dupade iguíjna jnutiminóri uné imoi u Dupade iguíjnapísi iji gaté. Mu Jesucrísto que pi u Dupade iguíjna jnutiminóri gotique, mu pi u gateminóri. Enga jé déji uté enga narare yoquibai iji Dupade iquei iji gaté.

Santiágo 1:27

Pacajnaqué ueque omone, uje que diquiyaque iyoguérique ome Yocai Dupade, pijoque gu gaisórone ore isocade: ujetiga ore chatapísaja disijádode ore, jé aja abai toguedie ore to uje ore chejnáreque re ome cucha gajnaréngone. Enga u to uje gaisórone ore chãraque re ome cucha gajnaréngone to rĩ iji erámone unojo. Jecute ujetiga gosi adode u unojo enga obiréjna uje que cucha bisideque uté angureni gotique.

Santiágo 3:9

U mu, yocarei uté jé u uje yicotágo Yocai Dupade ome. Mu yocangúromei jec upo yocarei tuté to rĩ uje yoco yocuru noñángone ome yocujode ayoréo, uje Dupade ipesute ore nanique múñi ujetiga jé ore cho dapesungóri tuté.

1 Pédro 2:22

Crísto que pésu pisijnaringuérique nanique go. Enga que paringaquérique dépoji ome uñeque rĩ.

1 Pédro 3:18

Uacamóño uje Crísto toi ome yoquisijnaringuéone ga chojmarápise enga e gusu. Mu que tiógara dáringai pujuya nanique uje ate areque gu, mu cho daba sijnángone uyoque enga toi ome yoquisijnaringuéone. Gaidi tu gu ujetiga chinoningase yoque enga chijna yógaja Dupade jogadi. Yirajágo to uje Jesús aoi u uje toi nanique, mu Ujopié u uje chiringare aja gaté.

1 Juan 3:18

Yababode uaque á, yoquijnoraquei jé ca u cuchade uje cachi garãte yoquibijnanone. Mu jé ũrepise yoquijnoraquei enga pijóguiji yocadode ome ñane.

1 Juan 3:5

E uacarajáyo uje Jesucrísto chise erámone nanique gu ujetiga chĩro yoquisijnaringuéone. Uje que pisijnaringuei unátaque déji uté.

1 Juan 3:7

Yababode uaque á, ajuso uaqueo enga ca pãraque uaque. Uje gosi a pésu cucha arégode enga imoi tu uje areque gosi. Uje ajnai tu Jesucrísto úringai areque.

1 Juan 4:4

Yababode uaque á, uacajnesṍri u Dupade, enga e uacajnuéño táquechoquíode udore ore gáyode ome uacáringane Dupade abío. Uje Dupade guerané Dajopié ome uaque suépise pujopié gajnarénguenie oisórone ore gáyode jnese iji erámone unojo.

1 Juan 5:17

Pate gajnaréngone jnese garani u pisijnaringuéone. Mu yirajágo uje que pate gajnaréngone chiborátaja pitoringai jnese go.

1 Juan 5:21

Jecute yababode uaque á, jé ca acunguésõriñoi dupa unejángone udore ore yúode. Amén.

3 Juan 1:4

Pininaquédatéi u ome yu uje yabode ujnoméone chise yu uje ore doi Dupade uru uréone quigode jnese.