1 Juan 1:8 - Dupade Uruode

⁸ Mu ujetiga yojnico: "Que yisijnaringuérique cuse," enga yocarane jé u yoque, enga taque yoque.

1 Juan 1:8 Iomraidhean Croise

1 Reyes 8:46

Ga Salomón chojninga: –Jé ũré uje que ayorérique déji jeta ı́jnoque gosi ate gajnarétique. Jecute obiréjna uje a chise dı́nique jne jetiga barasade israélgose ore pésu pisijnaringuéone ome ua. Enga a ore isijnaringuéone ijnimique bájningai jne ome re. Enga a bẽrate ore jne ome ore umajósoningo jne, enga a ore jno ore údi aja danire idájatigo, jeoga ore unire idógosirigo.

2 Reyes 20:15

Ga Isaı́as chojninga: –¿Ore imone cucha gotı́go iji baguı́jna cuchábi uté ajei que a?– Enga Ezequı́as chajnai Isaı́as uruode ga chojningame: –Que ore chimoque cucha uñeque iji yiguı́jna cuchábi ajei, ore chimo jnese. E yingongara yañerane cucha orerã́cho jnese aja ore, ga que yipógu cuchárique ome ore.–

Sálmos 143:2

Enga jé ca ajire baroi uyu yadode aja quedéjnane, uje que ayoré uecárique déji ujetiga ũrepise ome datígo iji baquei.

Provérbios 20:9

Que togome ayorérique jetiga chojninga: "Ueradípise yáyipiedie gatuaque, jé chopo yadode rĩ, uje que yiyoguérique cusipise."

Isaías 53:6

Uje bijnaque yoque jnese ga yocajnunie jé u áyasa dodie. Ga jé yicagóji yoquiquigode erámio jnese. Ga que uñeque doi ga jĩraque quítequiguíji Dupade adode úringáringo pigaicho. Jecute Dupade chicha yocajnéone pujuyaqué aja dajúdebei piquetangore uté gai, ga toi ome yoquisijnaringuéone.

Juan 8:44

Uacai u Satanás. Enga uté gajneque uaque. Jecute uacapótayo apéso uté ajegaidode cucha. Ayoré yungore Satanás uté iji taningápisi. Enga que togome ujetiga urúrique ũré. Chamáñaje cucha uréone guetésõre uté gu. Urupatáquechoquí u enga uruode u purupatáringane. Enga urupatáquechoquíode ore dai u uté. Chamáñaje purupatáringane garani u uté gu.

Romános 3:10

Enga pijoguipise quigode udojo iji profétade ore ajnerámeone Dupade urúo nanique, uje chósi te: –Que ayoré ujñapetátique cuse. ¡Que chojmarárique dépisi gotique!–

Romános 3:23

Chamáñaje sijnaque yoque jnese gu. Enga que toque go Dupade ingoningájnai úringárique diquiyágome yoc.

1 Coríntios 3:18

Yijorane uaque á, jé ca aráño uaque. Ujetiga uaque gosi cho irajatáguiji re ome payuquetotiguei uté uje tṍraji erámi tudé adode, mu uté gosi gajnepídi tu ujetiga chosi riji jnumi enga cho re iji gosi uje cáma chiraja cuchárique. Ujetiga erámi unirisórone ore cho táyipieguiji uté marínga, a quene jogadi u jne ujetiga uté chise dáringai irajataque ome pirajatíga uréone quigode.

Gálatas 6:3

Ujetiga gosi cho ayoredatei iji re, mu e yirajágo uje taque uté gosi. Enga uté gosi ãrai jé u re.

1 Timotéo 6:5

Jecute que ore ibotaquéode eruénique cuse ome dojode ayoréo. Chamáñaje ore áyipiedie gajnarénguei gu. Jecute que ore chirajápo cucha uréone iji cucha tágode ujáningo. Chiese ore gaidode u Dupade adode, mu ore gaidi tupúsu dáringárique ayoré ataque. Jecute ajusípise beo ome jnanione ore jnese uje ore adode u udore. Enga angara baquigode ome ore.

2 Timotéo 3:13

Mu arapatáquechoquíode, sijnángone ore a ca ore chibéro rome date gajnarenguipísode. Mu a ore isijnaringuéone chajnera dádi ome ore jne. Chamáñaje Satanás ãraque ore, enga jé basa ore chãra dojode ayoréo to.

Santiágo 1:22

Mu beyoi Dupade uruode quigode, enga ca angáchoi bisideque. Chamáñaje gosi ujetiga tangári bisideque enga ãrai jé u re. Chamáñaje jos eti Dupade irasique ome dadode udore gu.

Santiágo 1:26

Gosi ujetiga changureta danguretique mu que chiraja ujetiga suse dabijnani guio ome cucha gajnaréngone, enga obiréjna uje ãrai jé u re enga cucha bisideque uté angureni ome uté gosi.

Santiágo 3:2

Yirajágo uje yoco paraque jnese gatuaque. Mu ujetiga gosi chiraja ujetiga susípise daruode guio enga ujñapetai tu uté gosi, enga chiraja to ujetiga susípise deo ome cuchade jnese.

2 Pédro 2:13

Enga jé tiógara ujetiga ore chejnáreque re jne. Chamáñaje ore bade u dajuyaquéode ome dojode ayoréo gu. Chiese pininaquéode irágu ore ajéode iji deréjnane udojo uje ore chejna rángaja erámi jogosórone cucha. Enga uje ore cháta raja uacagápidóde enga jé ate uje ore irasique raque iji uacajade, mu ore áyipie gajnarénguenie jé jogate ore uje ore chãra uaque. Enga gajnarenguipise uje uacajuécho uacáguedie ome udore, enga pajegátigai jogadi urásu ome uaque.

1 Juan 1:10

Mu ujetiga yojnico: "Que yate gajnarétique cuse," enga yirajájo yoquisijnaringuéone enga cho ujetiga taque Dupade. Enga obiréjna uje udore gosode que ore chimesẽripise Dupade uruode go ome daruode udore. Chamáñaje Dupade chingome yoque gu uje pisijnaringuéone déji uyoque jnese.

1 Juan 1:6

Ujetiga yocuñeque chojningárasa: "E yáta yu aja Dupade to," mu qué chajnera dasijnaringuéone údi, enga gajnui jé u ujetiga jé jogate ijnangununie ajéode. Jecute yirajágo uje taque uté gosi ome uruode, ipesudode ore jnese.

1 Juan 2:4

Mu ujetiga uñeque cho darajáguiji Dupade marínga, que pésu uruode quigode enga taque uté, enga que ũré gotique.

1 Juan 4:20

Mu ujetiga gosi chojninga: "Yijnóra Dupade" marínga, chetaque dajõrai, enga táquechoquí uté. Mu ujetiga que yijnórango yoquijõrai uje déji yoquedominone ¿enga jé yijnórangorase Dupade a, uje que pimo?

2 Juan 1:2

Yijnorapise uaque gu uje yujo Dupade uru uréone anguresórone u uaque. Enga yocanguretigai uné ome Dupade uru uréone a jé jogate yocáyipiedie jne iji deréjnane jnese.

3 Juan 1:3

Yinínapúsu yu ica uje bojode Dupade anguresõre uñane ore tṍraji uáguiji te ica, enga ore chatata ica uje a ca acuta ome Dupade uruode ica uje bapésu, uje babepísi Dupade uru uréone quigode.