1 Juan 1:2 - Dupade Uruode

² Uje pucuecaringuei guẽrasṍri Jesucrísto chingo raja yoque nanique, enga jé u uje yatatago adode ome uaque. Enga yocatatagode júdi u pucuecaringué eyúgojmai quigode, uje pucuecaringuei tuté guẽrasṍri déji dai Dupade gari iji taningai, mu quigade enga chingo raja yoque to.

1 Juan 1:2 Iomraidhean Croise

Juan 1:18

Que uñeque chimo Dupade gotique. Gusu Dupade ape ugurui u uje chingo dayé aja yoque. Chamáñaje Jesús, dayé Dupade ore cháta raja ñane ome dáyipiedie gu enga que ore chiramurase ñane iji dajéode go.

Juan 1:4

Enga pucuecaringuei gajnesṍri u uté. Enga quene díreca jnanione ore áyipiedie uje uté guẽrate pucuecaringuei ome ore.

Juan 10:28

Uyu u uje yẽrate pucuecaringué eyúgojmai ome yirodedie áyasai udire. Enga jogadi u uté ujetiga ca togadegue uñáraque. Que togome uñeque rĩ ujetiga chijna uñáraque iji yijmainie.

Juan 14:6

Jesús chajnai uruode enga chojninga: –Dajei jé u uyu. Enga cucha uréone, pucuecaringuei ore garani jé upo yu rĩ. Gusu panguretigai ome yu ujetiga gosi chise Yai.

Juan 15:27

Mu que gusu uaté mu a yipijogúsorone u uaque to. Chamáñaje uacagúsoi yari nanique iji taningápisi gu.

Juan 16:28

Uacamóño uje yṍraji Yai gari nanique iji gaté ujetiga yicai erámi udé. Jecute e yiji ome erámi tudé ujetiga yicapóji Yai jogadi iji gaté rĩ.–

Juan 17:3

Pucuecaringué eyúgojmai quigode u udojo: ujetiga gosi chirajapise Dupa uguru ũrei ua, enga chirajapísapo Jesucrísto uyu rĩ uje baroque yu aja jnumi nanique.

Juan 17:5

Jecute, Yapá, yajéode u ujetiga yugúsapóji bari enga ujetiga atire yúringai cuchape yibai. Yigaidi tu gu ujetiga yocópo ñane rĩ ome yocúringane cuchape. Ujetiga yocópise uje cáma erã́tique cuse nanique iji taningane.

Juan 19:35

Cucha dacadode udore ojñasṍri u uyu enga jé ũrepise yojñane. Chamáñaje cucha dacadode udore pijogúsõri u yu to. Jecute yingome Jesús adode udore ome uaque gu ujetiga anguretáyopise uté.

Juan 21:14

Enga e gadioque ome Jesús uje chiqueta raja dacadigode ore uje niji iji pitoringai.

Juan 3:13

Que uñeque déji ujetiga chicáji gaté ujetiga chatata gaté jogonórone cucha ome uaque. Gusu Dupade utocaidi uyu uje yiyaridi u gatajnoquei. Enga uyu u uje yicáji jnumi nanique uje yṍraji gaté ujetiga yatata gaté jogonórone cucha ome uaque.

Juan 7:29

Uyu u uje yiraja. Yarani u uté gu uje uté iroque yu aja jnumi tudé nanique.–

Juan 8:38

Yatatagode u Yapade ingoméone cucha ome yu. Enga uacagaidode u uacai ojningane cucha to.–

Héchos 10:41

Dupade ajéode u iji taningai ujetiga Jesús pijogúsorone u darógode uyoque, uje yátago yógaja iji posode, jódode cucha otate gáyode iji itoringai quigade diríca. Jecute chiqueta raja yoque, mu que chiqueta raja ayoréode jnese go.

Héchos 2:32

Enga jé upúsu urusarane quigode uje Dupade e chiqueta datocaidi iji datoringai. Enga utocaidi uté jé upúsu Jesús. Enga imosórone u uyoque jnese enga yajógo yógaja uje jé ũrepise udore.

Héchos 3:15

Diga uacajéyo pucuecaringuei guẽrasṍri mu Dupade chiquetápo iji itoringai rĩ. Ga imosórone u yoque uje ecápo rĩ, enga jé yingongome uaque.

Héchos 5:32

Cuchade udore atatasórone u yoque. Mu que gusu yoque mu Dupade Ujopié Espíritu Sánto chajo raja yoque ujetiga yangácoi Jesús adode. Ga Dupade chisi ome Dajopié Espíritu Sánto ome dangarásorone ore jnese.–

Romános 8:3

Uacamóño uje Moisés urusarane cucha puyácho chiroque uyógaja daroquéode úringane pipesucho marínga, que bisitique cuse ome yoque ujetiga pésu yoque ga yibóco quigode. Chamáñaje yoquipotigué ayoréode pésu Moisés urusarane udore iserẽrachúringai gu. Mu Dupade u uje doi dasocai ome yoque ujetiga yico yocúringane ujñapetácho, uje Moisés urusarane que chibote go. Enga jé u uje Dupade chisíome Dabi ome yoque ujetiga cho ayoré iji re ga toi iji pisijnaringuéone ipesusórone uyoque jogadi ome dáringai pẽrapaite ome Dupade. Jé ũré uje Jesús aoi cho pisijnaringuéone ipesusórone yocaoi nanique uje diguina erámi, mu ueque uté ome pisijnaringuéone úringane pipesucho jnese nanique. Enga uje Jesús toi ga chijna yoquisijnaringuéone jnese aja re, ga Dupade cho dajuñame Dajnacari uté iji yoquiyaridi. Adi jé u uté uje Dupade chinoningase pisijnaringuéone etotiguei ome uyoque, jeta jé ca chijocásapo yoque rĩ.

Gálatas 4:4

Mu uje chise Dupade ojningai dire ga Dupade chiroque dajnacari Jesús aja yoque. Mu cho ayorepísiji ga basíji chequé judía, ga jé judío u to nanique. Jecute dopísi Moisés urusarane cucha puyácho to.

1 Timotéo 3:16

Jé ũrepise yu uje cuchadatei u Dupade adode ome erámi unirisórone uyoque uje yanguretágo. Mu que pirajaque udore quigode ome ore jnese go. Mu quiguipísi tu unojo: Dupade pésu re enga ayoré to nanique enga chingo raja erámi unirisórone. Ujopié Espíritu Sánto chajo raja uje ũrepise uté. Dupade irógode gaté unirísoño ore chimópise adode to nanique. Ujnomei chubu erámi enga erámi unirisórone iji erámi údode ore changureta. Mu diga poite uté aja gatajnoquei enga e pijógapo cutejmai ingoningájna rĩ.

2 Timotéo 1:10

Mu quene Dupade chingo dajnoraquei aja erámi uje Yoquiquetangóri Jesucrísto díji erámi. Enga Jesucrísto uté u uje sué pitoringai úringai pitoringa gai. Enga u to uje chijñate yoquibai ujetiga yirajágo pujnomé ueradi quigode uje garani tu Dupade enga yico pucuecaringué eyúgojmai ome yoque to.

Títo 1:2

Jé u to ujetiga ore chirote pucuecaringué eyúgojmai yui ome raque to. Chamáñaje Dupade uje que taque to go ome darúrique jé urúo unojo nanique uje cáma chimate erámi. Enga chisi ome pucuecaringué eyúgojmai tuté ome danguresórone ore jnese.

1 Pédro 5:1

E yuruode gajnengórone u Dupade anguresórone angaránone anciáno iji uaquedáyode. Enga a yo ore quique jne. Uje Dupade anguresórone ore angarate anciáno yu to enga yimópise Crísto to ome yedodie uje chejnáreque re nanique. Enga ujetiga Jesucrísto diapo jne rĩ ome dáringai cuchape enga a jé Dupade anguresórone angaránone uyoque yocajneque uté ingoningájnai to.

1 Juan 1:1

Yurusarane unojo júdi u Jesucrísto uje chacate ore ome pucuecaringué eyúgojmai quigode nanique. Jesucrísto uté jé jogate nanique uje quene pipesute erã́tique. Enga yijorane ore uyoque yipáñangopísiji uté to nanique. Enga yangácoi ojñane to. Yisagopo uté to rĩ ome yoquijmainie, enga yajico ipesudode cucha to nanique.

1 Juan 2:25

Enga a yocajneque Jesucrísto ingomei pucuecaringuédaté jne.

1 Juan 3:5

E uacarajáyo uje Jesucrísto chise erámone nanique gu ujetiga chĩro yoquisijnaringuéone. Uje que pisijnaringuei unátaque déji uté.

1 Juan 3:8

Mu uje gosi pésu pisijnaringuéone enga uté gosi ajnai tu Satanás. Uje pisijnaringuéone ipesungore Satanás jé iji erámone taningane. Mu Dupade Abi di gu unojo ujetiga chinoningase Satanás ipesute gajnaréngone iji erámone unojo.

1 Juan 4:14

Enga jé uyoque u uje yimongopise Dupade Abi to nanique. Enga e yingongome ore jnese uje Yocai Dupade iroque uté aja erámone unojo gu ujetiga chiqueta yoque ome adode.

1 Juan 4:2

Mu a arajáyo Dupade Ujopié Espíritu Sánto gajnesórone ore jne: uje ore u gu uje que ore chotigasipise uje Jesucrísto chopise ayoré iji re icaite, enga chise erámone unojo.

1 Juan 5:11

Enga Dupade ojningane cucha u uje Dupade chisi ome pucuecaringuei iji deréjnane ome yoque. Enga pucuecaringuei uté jõrai u Ujnacari úringai pangurete.

1 Juan 5:13

Yurusarane unojo gajnengórone u uaque uje uacanguretáyo Dupade Abi, ujetiga arajáyo to uje Dupade guerani pucuecaringué gajnengórone u uaque iji deréjnane jnese.

1 Juan 5:20

Yirajagópo rĩ uje Dupade Abi e di nanique ujetiga chuchẽre yocáyipiedie edodie gáyode ujetiga yirajágo Dupápisi to. Jecute e yátago yógaja Dupápisi Abi uje i tu Jesucrísto enga yicoi uté adode. Uje Dupa ũrepísi tu uté. Enga uté guerani u pucuecaringuei ome yoque ujetiga yiquecágoji deréjnane jnese.