Fıٜ̃lıٜ́pıٜ̃ lé ꞌbá 3:18 - Tã-drı̣̃ Lẽlẽ Óꞌdí Óvârí Kâ18 Nĩ ndrê drẽ, má sõ drẽ drı̣́-mbílí trá ãnî lı̣̃fı̣́ sı̣́sı̣́ kó tã ꞌdî tãsĩ ândálé ândálé dũû. Gõꞌdá ngbãângbânõ rî, má lẽ drı̣́-mbílí sõlé ãnî lı̣̃fı̣́ tã rî ãlôlâ nõ tãsĩ ãwó ngõngõ sĩ ãnî drí kĩ, õjílã dũû ãnî lãfálé ꞌá rî ĩyî rĩlí ạ̃jú-ꞌbá-ãzí Yésũ kâ ró. Gólĩyî jâ rû trá tã âtî-âtî kĩꞌá nĩ rî, Yésũ pâ õjílã trá tã õnjí ĩyíkâ ꞌásĩ õdrã gólâkâ fê lậlı̣̂-lậlı̣̂ drı̣̃ı̣̂ rî sĩ rî rú. Faic an caibideil |
Fıٜ̃lıٜ́pıٜ̃ lé ꞌbá 3:18
30 Iomraidhean Croise
Má ꞌê lôsĩ Kúmú Yésũ kâ trá rû lôgõ dã rî sĩ. Má ngô ãwó trá rõô Ôvârí drí ãnî tãsĩ, tãlâ nĩ ãâdrê ró bê pı̣̃pı̣̂sı̣́lı̣́ ậtũ-ậtũ sĩ kậyı̣̂ lâŋõ kâ rî sĩ. Gõꞌdá mâ rî gógó ûsû lâŋõ kpá trá rõô õjílã Yúdạ̃ yí kâ gólĩyî tã ậyı̣́ ꞌbá trá má rú rî yî drı̣́gạ́ sĩ, ndrô gólĩyî má drí rĩzó lôsĩ Ôvârí kâ ꞌẽlé ãnî lãfálé rî ꞌbá yî sĩ.
Rĩꞌá tãndí ró má drí rĩzó tã âtálé tã nı̣̃nı̣̃ Ôvârí ngá lésĩ rî tãsĩ. Õjílã gólĩyî Ôvârí drí ꞌẽꞌá pãlâ kô rî, îcá kô tã âtî-âtî tãndí õdrã Yésũ Krístõ kâ rî tãsĩ nô tã ârílí dódó, tãlâ tã âtî-âtî tãndí rî ꞌdĩ rî ĩyî ndrẽlâ tã tãkó ró ĩyî lı̣̃fı̣́. Gõꞌdá ãmâ gólĩyî Ôvârí drí rĩꞌá pãlâ nõ ꞌbá yî drí rî, tã âtî-âtî tãndí ꞌdĩ rĩꞌá cú mbârâkã Ôvârí kâ bê rõô.
Nĩ nı̣̃ı̣́ kô kĩ, õjílã gólĩyî rĩ ꞌbá tã õnjí ꞌẽlé rî îcá ĩyî kô pạ̃tı̣́-pạ̃tı̣̃ ró fĩlí võ ꞌbũû ꞌálâ rî ꞌá. Nĩ âdô ãnî nyãányâ kô. Õzõ nĩ ãꞌdô drẽ zãâ ậyı̣́ꞌá ꞌdãzí rî õkó bê ngãtá ꞌdãzí rî ágó bê rî, õzõ nĩ ãꞌdô drẽ zãâ ậyı̣́ꞌá ãgô ãzí ngãtá õkó ãzí bê rî, õzõ nĩ ãꞌdô drẽ zãâ ôvârí ãbãrãdãgõ îrátãꞌá ĩꞌdî, õzõ nĩ ãꞌdô drẽ zãâ rĩꞌá ngá ãnî ãzí-ãzí yí kâ ûgũꞌá rî, õzõ nĩ ãꞌdô drẽ zãâ ãrõ-ãrõ bê, õzõ nĩ õrî drẽ zãâ rĩꞌá õdrá mvũlı̣́ rĩꞌá ãnî cĩlí gõꞌdá kpá rĩzó ãzí-ãzí lôꞌdálé ĩꞌdî sĩ lâ rî, gõꞌdá õzõ ãnî ãꞌdô drẽ zãâ rĩꞌá tã õnjí ꞌdĩ ꞌbá yî ãkípálâ yî ꞌẽꞌá rî, nĩ îcá kô fĩlí võ ꞌbũû ꞌálâ nã ꞌá.
Kậyı̣̂ gólâ má drí wárãgã îgĩzó ãnî drí sı̣́sı̣́ nã rî, tã ꞌẽꞌẽ ãníkâ îkpókpólõ mâ trá rõô gõꞌdá ꞌbã ámâ pı̣̃pı̣̂sı̣́lı̣́ trá âꞌdólé ĩzã ró, gõꞌdá bũúũ má drí ãwó ngõzó kậyı̣̂ gólâ má drí rĩzó wárãgã nâ îgĩlí nã ꞌá. Má lẽé kô úlı̣́ ámákâ nõ drí ãnî ꞌbãlé âꞌdólé tã ı̣̂sũ ró. Má lẽ bê-rî úlı̣́ ámákâ nõ drí tã âꞌdálé ãnî drí kĩ, má lẽ ãnî trá rõô.
Gõꞌdá má ndrê tã ꞌdî bê ĩtí rî, gólĩyî rí ꞌdĩ kô tã âtî-âtî tãndí pạ̃tı̣́ı̣̃ Ôvârí kâ nõ lôbẽlé ĩꞌdî, má drí tã lôgõzó Pétẽrõ drı̣̃ı̣̂ õjílã lı̣̃fı̣́ drı̣̃ ꞌá kĩ, “Nî Pétẽrõ, nî õjílã Yúdạ̃ yí kâ ĩꞌdî, ní âyê tã ꞌẽꞌẽ õjílã Yúdạ̃ yí kâ rî ꞌbá yí kâ trá, gõꞌdá ní rî rĩlí nyé õzõ õjílã gólĩyî âꞌdó ꞌbá kô Yúdạ̃ yî ró rî kâtí. Gõꞌdá tãlâ ãꞌdô ꞌî ní drí áníkâ lẽzó ngá lậnjı̣̃-lậnjı̣̃ lãꞌbí ãmákâ Yúdạ̃ yí kâ rî kâ ꞌbãlé õjílã gólĩyî âꞌdó ꞌbá kô Yúdạ̃ yî ró rî yî drı̣̃ı̣̂ rî yã?”
Õjílã gólĩyî rĩ ꞌbá ĩyî tã âtálé ãnî drí mbârâkã sĩ, tãlâ nĩ õꞌdê ró bê bãsã ꞌá ꞌdĩ ꞌbá yî, gólĩyî rî tã ꞌdî ꞌbá yî âtálé ãnî drí ĩtí ꞌdĩ, tãlâ õjílã Yúdạ̃ yí kâ ãꞌdô ró bê ãyĩkõ ró ĩyí bê. Gólĩyî lẽé kô lâŋõ ûsúlı̣́, tãlâ tã îmbâ kĩꞌá nĩ rî, cé õdrã Yésũ Krístõ kâ fê lậlı̣̂-lậlı̣̂ drı̣̃ı̣̂ rî ãâꞌdô ãmâ pãꞌá nĩ rî tãsĩ.
Ãꞌdô íyíkâ ámákâ rî ĩꞌdî rî, má lẽ ámákâ ámâ lômbélé cé tã ãlô tãsĩ, cé õdrã Yésũ Krístõ kâ fê lậlı̣̂-lậlı̣̂ drı̣̃ı̣̂ rî tãsĩ. Õdrã Yésũ Krístõ kâ fê lậlı̣̂-lậlı̣̂ drı̣̃ı̣̂ ꞌdĩ tãsĩ rî, tã ãngó nõ kâ rî ꞌbá yî gõꞌdá trá mbârâkã ãkó má drí. Gõꞌdá õjílã ãngó nõ kâ ndrê mâ trá tõtõ ró ĩyî lı̣̃fı̣́ ꞌá ngá tãkó ró.
Gõꞌdá mâ cú drı̣́-ãcê Kúmú Yésũ kâ rî bê, ĩꞌdî má drí tã âtázó ãnî drí kĩzó nĩ rî, nĩ âyê tã ꞌẽꞌẽ ạ̃kû ãníkâ rî ꞌbá yî rî. Gõꞌdá nĩ rî kô rĩlí zãâ õzõ õjílã gólĩyî Ôvârí rî nı̣̃ ꞌbá kô rî ꞌbá yí kâtí. Õjílã rî ꞌdĩ ꞌbá yî tã ı̣̂sũ ãkó. Gólĩyî nı̣̃ı̣́ tã kô, tãlâ gólĩyî gâ vólé dó tã Ôvârí kâ ârílí rî drí. Ĩtí rî, gõꞌdá Ôvârí îcá kô gólĩyî pãlé. Gólĩyî pı̣̃pı̣̂sı̣́lı̣́ rĩꞌá õnjí ró, gõꞌdá gólĩyî kpá rĩꞌá ârîmâkô ꞌbá ꞌî.
Gólâ âꞌdô lâŋõ ãmbá ꞌbãꞌá ꞌdẽlé ngîngî lâ õjílã gólĩyî rĩ ꞌbá tã õnjí gólĩyî rúꞌbạ́ lôvó drí gólĩyî ꞌbãꞌá ꞌẽlâ rî ꞌẽlé rî yî drı̣̃ı̣̂, gõꞌdá kpá gólĩyî kũmũ Ôvârí kâ gã ꞌbá dó gõꞌdá kpá õjílã ꞌbãlé gólĩyî drı̣̃lı̣́ rĩ ꞌbá kúmú ró rî gã ꞌbá dó rî yî drı̣̃ı̣̂. Tã îmbá ꞌbá gólĩyî õnjõ ꞌbá ró ꞌdĩ ꞌbá yî, gólĩyî rĩꞌá lómbé-lómbéwá ꞌbá ꞌî gõꞌdá tã ârí ãkó lé ꞌbá ꞌî. Gólĩyî ró õjílã ãzãkã kô. Ĩtí rî, mãlãyíkã ꞌdãꞌdã ũrı̣̃ gá kpá gólĩyî rú kô.
Sanasan