Fıٜ̃lıٜ́pıٜ̃ lé ꞌbá 2:11 - Tã-drı̣̃ Lẽlẽ Óꞌdí Óvârí Kâ

¹¹ Gólĩyî ndrĩ âꞌdô tã âtáꞌá hûwậ kĩ, Yésũ Krístõ rĩꞌá Kúmú ạ́ngı̣́ ꞌî kôrô õjílã drı̣̃ı̣̂ sĩ ngá lédrẽ-lédrẽ bê ndrĩ. Ĩtí rî drí sĩ, áâꞌdô ãmâ átá Ôvârí rî lûyı̣́ꞌá.

Fıٜ̃lıٜ́pıٜ̃ lé ꞌbá 2:11 Iomraidhean Croise

Mãtáyõ 10:32

“Gõꞌdá õjílã gólĩyî ndrĩ âdré ꞌbá tã lẽlẽ ĩyíkâ má ꞌá rî sĩ ũrı̣̃ ãkó õjílã ãzí ândrá tã âtálé kĩ, yĩ ãꞌdô õjílã ámákâ ĩꞌdî tã lẽlẽ ĩyíkâ má ꞌá rî âyé ãkó rî, má âꞌdô kpá tã âtáꞌá ámâ átá ûrú ꞌálâ rî ândrá kĩ, gólĩyî ꞌdĩ ꞌbá yî rĩꞌá pạ̃tı̣́ı̣̃ õjílã ámákâ ĩꞌdî.

Lúkạ̃ 2:11

tãlâ ãndrõ nô rî ꞌdíyî pã ꞌbá tíbê Ôvârí drí tã lâ âtálé kĩꞌá nĩ rî, áâꞌdô âjóꞌá lâ õjílã pãlé rî, útı̣̂ trá Bẽtẽlémẽ ꞌálâ.

Yõwánĩ 12:42

Gbõ lé drı̣̃-ꞌbá ạ́ngı̣́ Yúdạ̃ yí kâ ꞌdĩ ꞌbá yî ãmbá lâ gâ vólé bê dó tã lẽlé Yésũ ꞌá rî, gõꞌdá ãzâ ꞌbá yî gólĩyî lãfálé ꞌásĩ lẽ ĩyíkâ tã kpá trá Yésũ ꞌá. Gõꞌdá gólĩyî ãzâ ꞌbá yî ꞌdó tã lẽ ꞌbá trá Yésũ ꞌá ꞌdĩ rî, gólĩyî lẽé ĩyî kô âꞌdálâ õꞌbí ꞌá kĩ, yĩ õlẽ tã trá Yésũ ꞌá, tãlâ gólĩyî ũrı̣̃ ró ĩyî ãzí-ãzí Pạ̃rúsı̣̃ ró ꞌdĩ ꞌbá yî tãsĩ. Tãlâ Pạ̃rúsı̣̃ ꞌdĩ ꞌbá yî ꞌbã ĩyî tã trá kĩ, õjílã tíbê tã lẽ ꞌbá trá Yésũ ꞌá rî, gólĩyî trá ndrĩ õjílã õnjí ꞌî, áâyé gólĩyî kô fĩlí jó tã Ôvârí kâ ârî kâ ꞌá.

Yõwánĩ 13:13

Rĩꞌá tãndí ró ãnî drí rĩzó ámâ zı̣̃lı̣́ “‘Tã îmbá ꞌbá”’ gõꞌdá kpá “‘Kúmú”’, õzõ má drí ꞌbãrẽ ãmbá ãníkâ ró rî tí rî.

Yõwánĩ 13:14

Nĩ ı̣̂sũ drẽ ngbãângbânõ, má drí ngãzó ûrû ãnî pá jĩlí ndrĩ õzõ rạ̃gı̣́ı̣̃ ãníkâ kâtí ngá lẽlẽ sĩ ꞌdî, má lẽ kpá ãnî drí tã gólâ má drí ꞌẽlé ãnî drí ꞌdĩ ꞌẽlé ãnî lãfálé ꞌásĩ, ãnî ãzí-ãzí yî pá jĩlí kpá, õzõ má drí ãníkâ jĩrĩ tí.

Yõwánĩ 14:13

Má âꞌdô tã ndrĩ ãnî lãjóꞌbá ámákâ rî ꞌbá yî drí îjílí ámâ rú sĩ rî ꞌẽꞌá ãnî drí, tãlâ mâ Ôvârí rî mvá ꞌî, gõꞌdá má lẽ õjílã ũlûyı̣̂ ró gólâ bê.

Yõwánĩ 14:23

Gõꞌdá nĩngá sĩ, Yésũ drí tã-drı̣̃ lôgõzó lãjóꞌbá ꞌdĩ ꞌbá yî drí ndrĩ kĩ, “Nĩ ârî drẽ, õzõ õjílã ãzâ õlẽ mâ fí trá rî, õjílã rî ꞌdĩ âꞌdô tã îmbâ ámákâ ı̣̂njı̣̃ꞌá ꞌẽlâ. Õzõ õjílã rî ꞌdĩ ı̣̃ı̣̂njı̣̃ tã îmbâ ámákâ trá rî, ámâ átá Ôvârí drí kpá gólâ rî lẽzó gõꞌdá ãmâ drí ânĩzó kpạ̃rạ̃tı̣́ rĩlí õjílã rî ꞌdĩ ꞌá.

Yõwánĩ 17:1

Gõꞌdá nĩngá sĩ, Yésũ âtá úlı̣́ bê ndẽlé lãjóꞌbá íyíkâ ꞌdĩ ꞌbá yî drí rî, drílâ lı̣̃fı̣́ îngázó ûrú ꞌálâ rãtáã ꞌẽzó Ôvârí drí. Gólâ kĩ, “Tátá, má nı̣̃ trá kĩ, ı̣̃tú-pá ámákâ drã kâ rî trá ãnyî, õzõ ní drí ꞌbãlé trá rî kâtí! Ní ı̣̂njı̣̃ mâ mbârâkã áníkâ fẽfẽ lâ má drí rî sĩ, tãlâ má ı̣̂njı̣̃ ró nî kpá bê õjílã lı̣̃fı̣́ drı̣̃ ꞌá mbârâkã ꞌdî sĩ.

Yõwánĩ 20:28

Gõꞌdá nĩngá sĩ, Tómã drí tã-drı̣̃ lôgõzó Yésũ drí kĩ, “Ãwô, Kúmú! Má lẽ tã trá ní ꞌá ngbãângbânõ. Gõꞌdá má nı̣̃ kpá trá kĩ nĩ rî, nî rĩꞌá Kúmú ámákâ ĩꞌdî! Pạ̃tı̣́ı̣̃ ró, nî rĩꞌá Ôvârí ĩꞌdî!”

Yõwánĩ 5:23

Gólâ ꞌê tã ꞌdî ĩtí ꞌdĩ rî, tãlâ õjílã ndrĩ ı̣̃ı̣̂njı̣̃ ró mâ bê íyî mvá ró, õzõ gólĩyî ãꞌdô fí gólâ rî ı̣̂njı̣̃ ꞌbá ꞌî rî. Õzõ õjílã ãzâ ı̣̃ı̣̂njı̣̃ mâ Ôvârí rî mvá ró nõ kô rî, õjílã rî gógó ꞌdĩ ı̣̂njı̣̃ı̣́ ámâ átá gólâ tíbê ámâ âjó ꞌbá nõ kpá kô.

Yõwánĩ 9:22

Ãgô ꞌdĩ átá lâ yî ândré lâ bê âtâ ĩyî tã ꞌdî ĩtí ꞌdĩ rî, tãlâ gólĩyî ũrı̣̃ ró tã ꞌbãꞌbã Yúdạ̃ yí kâ tãsĩ kĩꞌá nĩ rî, õzõ õjílã ãzâ õlẽ tã trá Yésũ ꞌá kĩ, gólâ ãâꞌdô ꞌdíyî pã ꞌbá ꞌî rî, áâꞌdô õjílã rî ꞌdĩ drõꞌá vólé jó tã Ôvârí kâ ârî kâ ꞌásĩ.

Tã ꞌẼꞌẽ 10:36

Nĩ nı̣̃ trá ngbãângbânõ tã âtî-âtî tãndí gólâ Ôvârí drí âjólé ãmâ õjílã Ĩsĩrãꞌélẽ kâ drí. Tã âtî-âtî tãndí ꞌdĩ kĩ, õmbã Ôvârí kâ ãmâ rú rî ậꞌdı̣̂ trá, tãlâ gólâ âjô Yésũ Krístõ trá drãlé ãmâ pãlé tã õnjí ãmákâ ꞌásĩ. Gõꞌdá ngbãângbânõ rî, ãmâ tã sû trá Ôvârí rú tã Yésũ kâ ꞌdĩ tãsĩ. Yésũ ĩꞌdî rĩꞌá Kúmú ãmbá ꞌî ꞌbạ̃súrú drı̣̃lı̣́ ndrĩ kậkậrậ.

Tã ꞌẼꞌẽ 2:36

Nĩngá sĩ, ꞌdõvó ãnî ndrĩ õjílã ámákâ Ĩsĩrãꞌélẽ kâ ũnı̣̃ tã pạ̃tı̣́ı̣̃ ró kĩ nĩ rî, Yésũ nõ gólâ ãnî drí îpálé trá fê lậlı̣̂-lậlı̣̂ drı̣̃ı̣̂ rî ĩꞌdî, gólâ ĩꞌdî Ôvârí drí njĩlí ꞌdíyî pã ꞌbá ró rî. Gólâ kpá ĩꞌdî õjílã gólâ Ôvârí drí ꞌbãlé kúmú ró ãngó drı̣̃lı̣́ ndrĩ rî ĩꞌdî. Tã ámákâ ãnî drí rî ạ̃dũkũ lâ ĩꞌdî ꞌdĩ.”

Rómã lé ꞌbá 14:11

Ôvârí âꞌdâ trá tã îgĩ-îgĩ íyíkâ nõ ꞌá tã ꞌdî tãsĩ kĩ, “Ôvârí Yãkóvã kĩ nĩ rî, ‘Má îtrî lãtrítrí mâ gólâ rĩ ꞌbá lédrẽ-lédrẽ ró zãâ gbạ́dú rî ró, õjílã ndrĩ ãngó drı̣̃ nô kâ âꞌdô ĩyî ꞌãꞌî tı̣̃ꞌá vũdrı̣́ má ândrá õjílã má zẽlé rî ꞌbá yî ró. Gõꞌdá gólĩyî ndrĩ âꞌdô nı̣̃ꞌá lâ kĩ, mâ rî gógó nyãányâ lâ rĩꞌá Ôvârí ꞌî.’ ” Ĩsáyã 49.18; 45.23

Rómã lé ꞌbá 14:9

Yésũ Krístõ drã gõꞌdá kpá lîdrízó õdrã ꞌásĩ, tãlâ âꞌdózó Kúmú ró õjílã ndrĩ drı̣̃lı̣́, õjílã gólĩyî ôdrã ꞌbá trá rî ꞌbá yî gõꞌdá kpá gólĩyî drẽ lédrẽ-lédrẽ ró rî ꞌbá yí bê.

Rómã lé ꞌbá 15:9

Gõꞌdá gólâ âjô Yésũ ãngó nõ ꞌá drãlé tãlâ tã õnjí ãmákâ tãsĩ, kpá pı̣̃pı̣̂sı̣́lı̣́ tãndĩ íyíkâ rî âꞌdálé tã ạ̃ꞌdı̣́ sĩ õrĩ õjílã kâ ndrĩ ãngó drı̣̃ ꞌá nõ ꞌbá yî drí, gólĩyî ndrĩ ũlûyı̣̂ ró Ôvârí bê pı̣̃pı̣̂sı̣́lı̣́ tãndĩ gólâkâ ꞌdĩ tãsĩ. Ĩtí rî, Dạ̃wúdı̣̃ lûyı̣̂ gólâ trá kĩ, “Má âꞌdô ánî lûyı̣́ꞌá, õzõ má õtírĩ rĩî rĩlí õjílã õrĩ ngĩíngî rî ꞌbá yî lãfálé rî. Mã âꞌdô lôngó ngõꞌá ndrĩ ꞌdũwạ̃ ánî lûyı̣́zó.” Lôngó 18.49

1 Kõrínĩtõ lé ꞌbá 12:3

Gõꞌdá bê trá ĩtí rî, má lẽ tã gólâ tíbê tã pạ̃tı̣́ı̣̃ nı̣̃zó rî âꞌdálé ãnî drí. Õzõ õjílã õrî tã âtálé Líndrí Tãndí Ôvârí kâ rî sĩ rî, õjílã rî gógó ꞌdĩ îcá gõꞌdá kpá kô Yésũ Krístõ rî ꞌdãlé. Kpá ĩtí rî, õjílã âꞌdô tã âtáꞌá kĩ, “Yésũ Krístõ Kúmú ãmákâ ĩꞌdî” rî, té õzõ Líndrí Tãndí Ôvârí kâ ãꞌdô bê gólâ ꞌá gólâ rî ꞌbãlé tã lẽlé pı̣̃pı̣̂sı̣́lı̣́ ãlô sĩ rî.

1 Kõrínĩtõ lé ꞌbá 15:47

Ôvârí ꞌbã Ádãmã sı̣́sı̣́ rî trá ı̣̃nyạ́kú ꞌásĩ. Ádãmã rî ꞌdĩ rĩꞌá õjílã ãngó nõ kâ ꞌî. Gõꞌdá Yésũ Krístõ âꞌdó ꞌbá Ádãmã rı̣̃ lâ ró rî, íyíkâ ûrú lésĩ. Kậyı̣̂ Ôvârí drí gólâ rî îngázó õdrã ꞌásĩ rî, Ôvârí fẽ rúꞌbạ́ lârâkô óꞌdí rĩ kâ ûrú ꞌálâ rî trá gólâ drí.

1 Kõrínĩtõ lé ꞌbá 8:6

Gólĩyî cú mbârâkã ãkó, Ôvârí íyîngá rĩꞌá cé ãlô, tíbê âꞌdó ꞌbá ãmâ átá ûrú ꞌálâ rî ĩꞌdî. Gólâ ꞌbã ngá ãngó nõ ꞌá nõ ꞌbá yî nĩ ndrĩ, mã rî nõ cé tã gólâkâ rî ꞌẽlé ĩꞌdî. Gõꞌdá Kúmú ạ́ngı̣́ ãmákâ bê kpá rĩꞌá cé ãlô, Yésũ Krístõ ĩꞌdî. Ôvârí ꞌbã ngá ndrĩ ãngó ꞌá nõ gólâ rî drı̣́ sĩ. Gólâ tĩ ãmâ drı̣̃ tã õnjí ãmákâ ꞌásĩ, tãlâ mã õrî ró bê ạ̃dũkũ ãkó.

1 Pétẽrõ 1:21

Gõꞌdá Yésũ Krístõ sĩ, nĩ lẽ tã trá Ôvârí ꞌá. Gõꞌdá tãlâ Ôvârí îngâ Yésũ trá õdrã ꞌásĩ gõꞌdá kpá ꞌbãlé ãmbá ró ngá ndrĩ drı̣̃lı̣́, ĩtí rî, nĩ ꞌbã ãnî lı̣̃fı̣́ cé Ôvârí drı̣̃ı̣̂, gõꞌdá nĩ lẽ tã kpá cé gólâ ꞌá ĩꞌdî.

1 Yõwánĩ 4:15

ꞌDĩî kâ rî tí rî, õzõ nĩ õlẽ tã trá kĩꞌá nĩ rî, pạ̃tı̣́-pạ̃tı̣̃ Yésũ Krístõ Ôvârí rî mvá ꞌî rî, gõꞌdá tã lâ âtá bê õjílã drí rî, ꞌdĩî ãnî trá õjílã Ôvârí kâ pạ̃tı̣́ı̣̃ lâ ꞌî, gõꞌdá kpá ãnî trá ngá ãlô ró Ôvârí bê.

1 Yõwánĩ 4:2

Ĩtí rî, lạ́tı̣̂ gólâ ãnî drí õjílã gólâ Líndrí Tãndí Ôvârí kâ bê rî nı̣̃zó rî ĩꞌdî nõ. Õzõ õjílã ãzâ ãâtâ tã trá kĩ, pạ̃tı̣́ı̣̃ Ôvârí âjô Yésũ Krístõ nĩ ânĩlí ãngó nõ ꞌá õjílã mvá ró rî, ꞌdĩî õjílã rî ꞌdĩ trá Líndrí Tãndí Ôvârí kâ bê yí ꞌá pạ̃tı̣́-pạ̃tı̣̃ ró.

2 Yõwánĩ 1:7

Ámâ mvá yî, ãnî lı̣̃fı̣́ õmbâ ãnî rú, tãlâ ꞌdíyî âdó ꞌbá ãngó nõ ꞌá bê dũû. Õjílã ꞌdî ꞌbá yî kĩ, Yésũ Krístõ ãânĩí ãngó nõ ꞌá õjílã mvá ró kô, ꞌdĩî õjílã ꞌdî ꞌbá yî rĩꞌá õnjõ ꞌbá ꞌî, gõꞌdá kpá Yésũ rî ạ̃jú-ꞌbá-ãzí yî ĩꞌdî.

Tã Âꞌdâ 3:5

Nĩ ârî drẽ! Gólĩyî rĩ ꞌbá fĩî ậtũlı̣́ tã âyézó kô ꞌdẽzó má vósĩ rî, gólĩyî âꞌdô ĩyî kpá ítá mvẽêmvê sõꞌá gõꞌdá gólĩyî rú âꞌdô rĩꞌá îgĩ-îgĩ lâ ró búkũ lédrẽ-lédrẽ kâ rî ꞌá, ꞌdĩî rĩꞌá õjílã gólĩyî ꞌẽ ꞌbá rĩlí zãâ gbạ́dú ró rî ꞌbá yî rú lâ ĩyî lãfálé ꞌá. Nĩngá sĩ, má âꞌdô tã pẽꞌá ámâ átá yî drí mãlãyíkã âꞌdó ꞌbá ĩyî gólâkâ ró rî ꞌbá yí bê kĩ, gólĩyî ꞌdĩ ꞌbá yî rĩꞌá ĩyî õjílã ámákâ ĩꞌdî.