Fıٜ̃lıٜ́pıٜ̃ lé ꞌbá 1:29 - Tã-drı̣̃ Lẽlẽ Óꞌdí Óvârí Kâ

²⁹ Nĩ ndrê drẽ, Ôvârí njĩ ãnî trá tã lẽlé Yésũ ꞌá. Ĩtí rî, gólâ âꞌdô kpá ãnî ꞌbãꞌá lâŋõ ûsúlı̣́ tãlâ tã lẽlẽ ãníkâ Yésũ ꞌá ꞌdĩ sĩ,

Fıٜ̃lıٜ́pıٜ̃ lé ꞌbá 1:29 Iomraidhean Croise

Mãtáyõ 16:17

Ĩtí rî, Yésũ drí tã-drı̣̃ lôgõzó Pétẽrõ drí kĩ nĩ rî, “Sĩmónã Yónã rî mvá, Ôvârí fẽ õrẽ tã nı̣̃nı̣̃ kâ trá ní drí. Úlı̣́ ꞌdĩ ámâ átá gólâ ûrú ꞌálâ rî âꞌdâ nĩ ní drí.”

Tã ꞌẼꞌẽ 13:39

Sı̣́sı̣́ nã rî sĩ, tã ꞌbãꞌbã Músạ̃ kâ rî îcá kô ãnî ꞌbãlé âꞌdólé drı̣̃-bạ́lạ́yı̣̂ ró tã õnjí ãníkâ rî ꞌbá yî ꞌásĩ, gõꞌdá õjílã gólâ tã lẽ ꞌbá trá Yésũ ꞌá rî gólâ trá rĩꞌá drı̣̃-bạ́lạ́yı̣̂ ró lâŋõ tã õnjí gólâkâ rî ꞌbá yí kâ ꞌásĩ ndrĩ.

Tã ꞌẼꞌẽ 14:22

Võ rî ꞌdĩ ꞌbá yî ꞌásĩ ãlô-ãlô, gólĩyî pẽ úlı̣́ trá tã lẽ ꞌbá Yésũ ꞌá rî ꞌbá yî drí, tãlâ gólĩyî îcílí gõꞌdá kpá mbârâkã lôfílí gólĩyî ꞌá, rĩzó tã lẽlé pı̣̃pı̣̂sı̣́lı̣́ ãlô rî sĩ Yésũ ꞌá. Ĩtí rî, Póõlõ yî Bãrãnábã bê kĩ, “Ãmâ ndrĩ, mã âꞌdô lâŋõ ûsúꞌá rõô ãngó nõ ꞌá õjílã gólĩyî tã lẽ ꞌbá kô Yésũ ꞌá rî drı̣́gạ́ sĩ sı̣́sı̣́ drẽ mã cá kô ꞌbũû ꞌálâ, võ gólâ Ôvârí drí êdélé ãmâ drí gõzó rĩlí ꞌá lâ gólâ bê kũmũ ạ́ngı̣́ gólâkâ zẽlé rî ꞌá.”

Tã ꞌẼꞌẽ 14:27

Ĩtí, gólĩyî âcâ bê rî, gólĩyî drí ngãzó õjílã kạ̃nı̣́sạ̃ kâ êꞌbélé ndrĩ kpãkã ãlô tã âtázó gólĩyî drí tã ndrĩ gólĩyî Ôvârí drí ꞌẽlé trá gólĩyî sĩ rî tãsĩ. Võ ꞌásĩ ndrĩ rî, Ôvârí ꞌê õjílã dũû trá tã lẽlé Yésũ ꞌá, õjílã Yúdạ̃ yí kâ gõꞌdá kpá gólĩyî âꞌdó ꞌbá kô õjílã Yúdạ̃ yí kâ ró rî yí bê.

Tã ꞌẼꞌẽ 5:41

Nĩngá sĩ, lãjóꞌbá Yésũ kâ ꞌdĩ ꞌbá yî drí âfõzó ĩví ꞌálâ võ tã kĩ kâ rî ꞌásĩ. Gólĩyî trá ãyĩkõ ró, tãlâ gólĩyî ûsû lâŋõ trá tã Yésũ kâ tãsĩ. Gõꞌdá Ôvârí ndrê gólĩyî kpá trá îcâ-îcâ ró lâŋõ ûsúlı̣́ tã Yésũ kâ tãsĩ.

Rómã lé ꞌbá 5:3

Gõꞌdá mã îcâ ró bê kpá gólâ rî lûyı̣́lı̣́ kậyı̣̂ gólâ lâŋõ drí ãmâ ûsúzó rî tú, tãlâ ãmâ õjílã Yésũ kâ nı̣̃ tã trá kĩ, lâŋõ rî gógó ꞌdĩ âꞌdô ãmâ ꞌbãꞌá fĩî ậtũlı̣́ ꞌâ ạ̃ꞌdı̣́ sĩ.

Ẽfésõ lé ꞌbá 2:8

Má âtâ ãnî drí ámâ ândré rî mvá yî, Ôvârí pâ ãmâ ãní bê nõ, tãlâ Ôvârí rî gógó rĩꞌá pı̣̃pı̣̂sı̣́lı̣́ mvẽêmvê bê rî drí, gõꞌdá õzõ nĩ õlẽ tã trá tã Yésũ Krístõ kâ ꞌá rî, gólâ drí ãnî pãzó, ꞌdĩî rĩꞌá ngá fẽfẽ gólâ Ôvârí ngá lésĩ, tíkó ãmâ drí îcázó ꞌẽꞌá ûsúlâ kô rî ĩꞌdî. Gõꞌdá âꞌdó kpá kô kĩꞌá nĩ rî, mã ꞌê tã tãndí ãzâ ꞌî ãmâ drí rĩzó lómbé-lómbéwá ꞌẽlé tã lâ sĩ, îcá kô ãmâ drí ãmâ lômbézó ngãtá ãmâ tã lôngózó tã lâ sĩ.

Kõlósĩ lé ꞌbá 2:12

Ĩtí rî, gõꞌdá bãbãtízĩ ãníkâ rî kpá rĩꞌá tã ꞌdî ꞌbá yî âꞌdálé, tã rî ꞌdĩ õrî ró bê ãnî drı̣̃ı̣̂. Tã rî ꞌdĩ rî tã âꞌdálé kĩ, õzõ ãnî drí âꞌdórẽ trá ngá ãlô ró Yésũ Krístõ bê rî tí rî, gõꞌdá óꞌbã tã lôvókô tã õnjí ãníkâ rî kâ trá ꞌbú ꞌá ꞌdũwạ̃ Yésũ Krístõ rî ãvõ bê, gõꞌdá nĩ ngâ gõꞌdá kpá trá õdrã ꞌásĩ ꞌdũwạ̃ gólâ bê. Tã ꞌdî ꞌbá yî rĩꞌá tã pạ̃tı̣́ı̣̃ ꞌî ãnî drí, tãlâ nĩ lẽ tã trá Ôvârí ꞌá mbârâkã gólâkâ ãkĩ gólâ drí Yésũ Krístõ rî îngázó ĩꞌdî sĩ lâ õdrã ꞌásĩ ꞌdî ꞌá.

Yãkóbã 1:2

Ámâ ậdrúpı̣̃ yî ámâ îzó yí bê, õzõ tã ûjũ gõꞌdá lâŋõ bê rî ũûsû ãnî trá rî, nĩ ndrê lâŋõ rî ꞌdĩ ngá õnjí ró kô. Nĩ trõ âꞌdólé ngá tãndí ró, tãlâ ꞌdĩî âꞌdô âꞌdóꞌá nõtí.

1 Pétẽrõ 4:13

Võ lâ ꞌá rî, nĩ âꞌdô ãyĩkõ ró, tãlâ nĩ rî ꞌdĩ lâŋõ Yésũ Krístõ rî ꞌẽ ꞌbá rî ậmúꞌá gólâ bê. Õzõ ãꞌdô trá ĩtí rî, gõꞌdá nĩ âꞌdô ꞌbãꞌá ãyĩkõ ró kpãkã ãlô Yésũ bê kậyı̣̂ gólâ drí ꞌẽzó âgõlé ꞌbãlé ı̣̂njı̣̃lı̣́ rõô kpá âꞌdólé mbârâkã bê ãngó nõ drı̣̃lı̣́ rî sĩ.