Fıٜ̃lıٜ́pıٜ̃ lé ꞌbá 1:26 - Tã-drı̣̃ Lẽlẽ Óꞌdí Óvârí Kâ

²⁶ Õzõ Ôvârí õfẽ ândrâ-tãndĩ má drí ãnî ndrẽzó kpá óꞌdí rî, gõꞌdá nĩ âꞌdô Yésũ rî lûyı̣́ꞌá, tãlâ gólâ pı̣̃ lạ́tı̣̂ nĩ ãnî drí ámâ ndrẽzó kpá óꞌdí.

Fıٜ̃lıٜ́pıٜ̃ lé ꞌbá 1:26 Iomraidhean Croise

Yõwánĩ 16:22

Ngbãângbânõ rî, âꞌdô ꞌẽꞌá âꞌdólé ãnî drí kpá ĩtí. Âꞌdô ꞌbãꞌá ı̣̃tú-pá ĩzã kâ ꞌî ãnî drí. Gõꞌdá õzõ nĩ õtírĩ ámâ ndrẽê kpá óꞌdí rî, nĩ âꞌdô âꞌdóꞌá ãyĩkõ ró rõô, õjílã ãzâ îcá kô ãnî ꞌbãlé ãyĩkõ ꞌdî âyélé.

Yõwánĩ 16:24

Gõꞌdá cãlé bũúũ ngbãângbânõ, nĩ âꞌdô bê lé ámákâ ĩꞌdî rî, nĩ îjí drẽ zãâ ngá ámâ átá tı̣́ sĩ ámâ drı̣́-ãcê sĩ rî kô. Gõꞌdá ngbãângbânõ rî, nĩ îjî tã ĩtí ámâ rú sĩ ngá ãnî drí lẽlé rî yî tãsĩ, gõꞌdá gólâ âꞌdô fẽꞌá lâ ãnî drí, tãlâ ãnî pı̣̃pı̣̂sı̣́lı̣́ ãꞌdô ró bê ãyĩkõ ró.

2 Kõrínĩtõ lé ꞌbá 1:14

Gõꞌdá nĩ nı̣̃ tã ámákâ ꞌdĩ drẽ cé dã ĩtí, gõꞌdá má lẽ ãnî tã ámákâ rî nı̣̃lı̣́ ngbálí-ngbálí ı̣̃zạ́tú, tãlâ má lẽ ámâ ậrúlı̣́ ãnî tãsĩ, gõꞌdá nĩ ậrû ró kpá ãnî ãmâ tãsĩ, kậyı̣̂ gólâ Kúmú ãmákâ Yésũ Krístõ drí ꞌẽzó âgõlé ãngó nõ ꞌá rî ꞌá.

2 Kõrínĩtõ lé ꞌbá 5:12

Má rí nõ kô ꞌẽꞌá ámâ ꞌbãlé sı̣́sı̣́ ꞌálâ ãnî lı̣̃fı̣́ drı̣̃ ꞌá, õzõ õjílã nã ꞌbá yî drí âtálé rî kâtí. Má lẽ nô cé tã gólĩyî ãmâ drí ꞌẽlé trá rî tã lâ âꞌdálé ĩꞌdî ãnî drí, tãlâ nĩ ꞌê ró ãyĩkõ bê ámâ tãsĩ. Ĩtí rî, gõꞌdá ãnî drí âꞌdózó tã tãndí bê âꞌdálé õjílã gólĩyî rĩ ꞌbá ĩyíkâ cé ĩyî lômbélé ngá gólĩyî drí rĩꞌá ndrẽlâ ĩyî lı̣̃fı̣́ sĩ ãngó nõ ꞌá nõ ꞌbá yî tãsĩ rî yî drí. Tã ꞌdî võ lâ ꞌá rî, lẽ õjílã ꞌdî ꞌbá yî drí ĩyî âꞌdólé pı̣̃pı̣̂sı̣́lı̣́ tãndí bê.

2 Kõrínĩtõ lé ꞌbá 7:14

Nĩ ndrê trá, drẽ sı̣́sı̣́, gólâ drí nĩzó drẽ tólâ kô rî, má lôngô ãnî tã trá gólâ drí. Má kĩ, ãnî drẽ zãâ rĩꞌá tã Ôvârí kâ rî ꞌbá yî ꞌẽꞌá ĩꞌdî. Gõꞌdá ĩtí rî, tã ꞌẽꞌẽ tãndí ãníkâ rî ꞌbá yî rî trá tã âꞌdálé gólâ drí kĩ, tã tãndí má drí âtálé ãnî tãsĩ ꞌdî rĩꞌá tã pạ̃tı̣́-pạ̃tı̣̃ ꞌî. Nĩ ꞌbãá mâ kô âꞌdólé ãnyĩ ró.

2 Kõrínĩtõ lé ꞌbá 7:4

Má nı̣̃ trá dódó kĩ, nĩ âꞌdô rĩꞌá zãâ tã Ôvârí kâ rî ꞌẽlé ĩꞌdî. Tã rî ꞌdĩ tãsĩ rî, ĩꞌdî má drí rĩzó ámâ ậrúlı̣́ ãnî tãsĩ. Ĩtí rî, ârîmâ ãníkâ sõ mbârâkã trá má rú. Gbõ lé lâŋõ õꞌê mâ rõô rî, mâ ámákâ zãâ ãyĩkõ ró.

2 Kõrínĩtõ lé ꞌbá 7:6

Gõꞌdá Ôvârí rĩ ꞌbá nĩ mbârâkã sõlé õjílã gólĩyî ĩzã drí rĩꞌá gólĩyî ꞌẽlé rî ꞌbá yî rú sĩ rî, sõ mbârâkã nĩ má rú Títõ rî âcâ-âcâ tólâ sĩ rî sĩ ânĩlí ámâ pãlé.

Gãlãtíyã lé ꞌbá 6:4

Ĩtí rî, ãnî ãlô-ãlô ndrĩ, nĩ ı̣̂sũ drẽ tã gólĩyî ãnî nyãányâ drí rĩꞌá ꞌẽlâ rî ꞌbá yî tã lâ ndrĩ, gõꞌdá õzõ tã ndrĩ ãnî drí rĩꞌá ꞌẽlâ rî ꞌbá yî ãꞌdô trá ndrĩ tãndí ró rî, nĩ âꞌdô îcáꞌá âꞌdólé ãyĩkõ ró tã tãndí ãníkâ ꞌdĩ ꞌbá yî tãsĩ, cú ĩtí ãnî ı̣̂ꞌbı̣̃ ãkó tã ꞌẽꞌẽ õjílã ãzâ kâ bê.

Fıٜ̃lıٜ́pıٜ̃ lé ꞌbá 3:1

Ámâ ậdrúpı̣̃ yî ámâ îzó yí bê, tã ạ̃dũkũ ámákâ ãnî drí rî ĩꞌdî nõ. Nĩ âꞌdô ãyĩkõ ró, tãlâ ãnî trá ngá ãlô ꞌî Kúmú ãmákâ Yésũ bê. Âꞌdó kô rĩꞌá tã lậnjı̣̃ ꞌî má drí tã má drí âtálé trá ãnî drí sı̣́sı̣́ rî ândázó kpá óꞌdí, tãlâ úlı̣́ ámákâ nõ ꞌbá yî îcâ kpá trá ãnî pãlé.

Fıٜ̃lıٜ́pıٜ̃ lé ꞌbá 3:3

Mã ı̣̂sũ tã kô ꞌdẽꞌdẽ bãsã ꞌá rî drı̣̃ı̣̂ ãmâ õjílã mvá ꞌbãlé âꞌdólé õjílã Ôvârí kâ ró. Ãmâ gólĩyî rĩ ꞌbá Ôvârí rî ı̣̂njı̣̃lı̣́ kôrô Líndrí Tãndí gólâkâ ꞌásĩ rî ꞌbá yî ĩꞌdî rĩꞌá gólĩyî pạ̃tı̣́ı̣̃ ꞌdẽ ꞌbá trá bãsã ꞌá rî. Ãmâ ãyĩkõ ró âꞌdólé ngá ãlô ró Yésũ Krístõ bê, gólâ ĩꞌdî rĩꞌá lạ́tı̣̂ pạ̃tı̣́ı̣̃ ꞌî âꞌdózó õjílã Ôvârí kâ ró.

Fıٜ̃lıٜ́pıٜ̃ lé ꞌbá 4:10

Má ꞌê ãwô-ĩtí ãmbá rõô Ôvârí drí, tãlâ ámâ ĩzã gâ trá ãnî drí, ámâ tã rî zãâ âgálé ãnî drı̣̃ı̣̂. Nĩ ꞌbã ãnî kpá trá âꞌdólé ámâ tãsĩ óꞌdí lạ́tı̣̂ ûsúlı̣́ ámâ pãzó ậdı̣̂ ãníkâ sĩ. Gõꞌdá má nı̣̃ trá kĩ, sı̣́sı̣́ rî, nĩ lẽ trá ámâ pãlé, gõꞌdá bũúũ âcálé ngbãângbânõ rî, nĩ ûsú lạ́tı̣̂ tãndí ậdı̣̂ rî ꞌdĩ âjózó má drí rî kô.

Fıٜ̃lıٜ́pıٜ̃ lé ꞌbá 4:4

ꞌDõvó ãnî ndrĩ kậyı̣̂ vósĩ cé õrî ãyĩkõ sĩ, tãlâ nĩ rî ngá ãlô ró Kúmú ãmákâ Yésũ bê. Má âtâ ãnî drí kpá óꞌdí, nĩ âꞌdô ãyĩkõ ró.