Fıٜ̃lıٜ́pıٜ̃ lé ꞌbá 1:17 - Tã-drı̣̃ Lẽlẽ Óꞌdí Óvârí Kâ

¹⁷ Gólĩyî rĩ ꞌbá tã pẽlé Yésũ rî tãsĩ pı̣̃pı̣̂sı̣́lı̣́ õnjí sĩ rî ꞌbá yî, ı̣̂sũ ĩyî tótó ĩyî nyãányâ tã ĩꞌdî. Gólĩyî ı̣̂sũ kĩ, yĩ ãâꞌdô îcáꞌá rû îzã fẽlé má drí rõô má drí ꞌbãzó drẽ gạ̃nı̣́mạ̃ ꞌá nõ rî sĩ.

Fıٜ̃lıٜ́pıٜ̃ lé ꞌbá 1:17 Iomraidhean Croise

Lúkạ̃ 21:14

Nĩ ꞌê ũrı̣̃ kô. Óõꞌbã ãnî gbõ lé gạ̃nı̣́mạ̃ ꞌá rî, nĩ lôꞌbê lı̣̃fı̣́ kô úlı̣́ võ ãnî ạ̃jú-ꞌbá-ãzí yí kâ ícícíyá ꞌẽzó ãnî rú rî lôgõrẽ ꞌá, tãlâ mâ bê. Má âꞌdô tã nı̣̃nı̣̃ âfẽꞌá ãnî drí úlı̣́ ífífí âtázó ĩꞌdî gólĩyî pẽzó.

Tã ꞌẼꞌẽ 22:1

Gólâ kĩ gólĩyî drí rî, “Ámâ átá yî ámâ ậdrúpı̣̃ yî, nĩ îgâ drẽ bı̣́ má ngálâ, má âꞌdâ ró drẽ tã mbı̣̂ ámákâ ãnî drí.”

Tã ꞌẼꞌẽ 26:1

Gõꞌdá nĩngá sĩ, kúmú ạ́ngı̣́ Ãgãrípã drí Póõlõ rî âyézó úlı̣́ yí ngá lésĩ rî ꞌbá yî âtálé. Nĩngá sĩ, Póõlõ drí ngãzó íyî drı̣́ îngálé ûrû, gõꞌdá ngãzó tã íyíkâ rî ꞌbá yî ngĩlí kĩ nĩ rî,

Tã ꞌẼꞌẽ 26:24

Póõlõ drẽ zãâ rĩꞌá tã ꞌdî ꞌbá yî âtáꞌá rî, Fésĩtõ drí ngãzó trẽlé ûrû kĩ nĩ rî, “Póõlõ, ní rî ꞌdĩ úlı̣́ drı̣̃ õnjĩ kâ âtáꞌá, búkũ dũû ãmbá ní drí zı̣̃lı̣́ trá ꞌdĩ ꞌbá yî ꞌbã nî trá âcálé drı̣̃ õnjĩ bê tã mbı̣̂ âtá ãkó.”

Rómã lé ꞌbá 2:8

Gõꞌdá õjílã ãzâ ꞌbá yî rî ĩyíkâ rĩꞌá cé tã gólĩyî ĩyî nyãányâ tãsĩ rî ꞌbá yî ꞌẽlé ĩꞌdî. Gõꞌdá tã rî ꞌdĩ tãsĩ rî, gólĩyî gã dó tã pạ̃tı̣́ı̣̃ gólĩyî Ôvârí kâ ró rî ꞌbá yî lẽlé ꞌẽlé. ꞌDĩî võ lâ ꞌá rî, gólĩyî rî gõꞌdá tã gólĩyî õnjí lâ ró rî ꞌbá yî ꞌẽlé ĩꞌdî Ôvârí rú. Ĩtí rî, tã pạ̃tı̣́ı̣̃ ró, Ôvârí rî fĩî âꞌdô gĩꞌá gólĩyî rú.

Fıٜ̃lıٜ́pıٜ̃ lé ꞌbá 1:18

Má lôꞌbé pı̣̃pı̣̂sı̣́lı̣́ kô õjílã rî ꞌdĩ ꞌbá yî tãsĩ, tãlâ gólĩyî rî rĩꞌá tã âtî-âtî Yésũ rî tãsĩ rî pẽꞌá õjílã drí. Má lẽ tã âtî-âtî rî ꞌdĩ ópẽ ró kárá lạ́tı̣̂ gólâ îcá ꞌbá bê âꞌdólé rî ꞌásĩ. Ngãtá pı̣̃pı̣̂sı̣́lı̣́ tãndí sĩ yã ngã õnjí lâ sĩ yã rî, má lẽ ámákâ cé tã âtî-âtî Yésũ rî tãsĩ rî õlậꞌbû ró bê hĩyã. Má âꞌdô ãwô-ĩtí ꞌẽꞌá Ôvârí drí tã ꞌdî tãsĩ.

Fıٜ̃lıٜ́pıٜ̃ lé ꞌbá 1:7

Rĩꞌá tã mbı̣̂ ꞌî má drí ꞌbãzó ãyĩkõ ró ãnî tãsĩ, tãlâ ãnî lôvó bê má ꞌâ rõô. Ngãtá má âꞌdô bê gạ̃nı̣́mạ̃ ꞌá, ngã má âꞌdô bê gạ̃nı̣́mạ̃ ꞌá kô yã rî, má drí rĩzó tã Ôvârí kâ pẽlé mbı̣̂mbı̣̂ kĩ, tã âtî-âtî tãndí Yésũ rî tãsĩ rî rĩꞌá pạ̃tı̣́ı̣̃ rî, nĩ ậmû drı̣́ trá lôsĩ ámákâ gólâ Ôvârí drí rî ꞌá.

Fıٜ̃lıٜ́pıٜ̃ lé ꞌbá 2:3

Nĩ ꞌê tã kô, ãꞌdô ró bê ãnî nyãányâ ꞌbãzó âꞌdólé sı̣́sı̣́, ãmbã ûsúzó ãnî nyãányâ drí. Nĩ ậrû ãnî kô cú ĩtí tã ífí ãkó. Võ lâ ꞌá rî, nĩ ꞌbã ãnî nyãányâ ngá fínyáwá ró ãnî ãzí-ãzí yî ândrá. Nĩ ꞌê tã gólâ gólĩyî ꞌbã ꞌbá âꞌdólé ãnî drí sı̣́sı̣́ rî ĩꞌdî kárá.

1 Tĩmátĩyã 2:7

Âꞌdô bê ĩtí rî, ĩꞌdî gólâ drí ámâ zĩzó âꞌdólé lãjóꞌbá ró tã âtî-âtî Yésũ rî tãsĩ rî pẽlé gõꞌdá tã lẽlẽ pạ̃tı̣́ı̣̃ îmbálé ꞌbạ̃súrú ãngó nõ kâ ꞌásĩ ndrĩ. Má âdó õnjõ ꞌî kô, má rî tã pạ̃tı̣́-pạ̃tı̣̃ âtálé ĩꞌdî.

2 Tĩmátĩyã 2:9

Mâ rĩꞌá lâŋõ ûsúꞌá õjílã gólĩyî ĩyî ꞌbã ꞌbá ạ̃jú-ꞌbá-ãzí ró tã âtî-âtî ꞌdĩ rú rî drı̣́gạ́. Óômbê mâ trá gạ̃nı̣́mạ̃ ꞌá nyãrĩ sĩ õzõ tã õnjí tẽtẽ ꞌẽ ꞌbá kâtí. Gõꞌdá tã âtî-âtî gólâ tãndí Ôvârí ngá lésĩ rî óômbê kô, zãâ rĩꞌá nĩꞌá sı̣́sı̣́ ꞌálâ.

2 Tĩmátĩyã 4:16

Áâjî mâ bê tã kĩ ꞌbá ândrá tã Yésũ kâ rî tãsĩ rî, gõꞌdá sı̣́sı̣́ má drí rĩrĩ tã âtálé ámâ ífífí pãzó rî ꞌá rî, õjílã ãzâ yûꞌdạ́wạ́ âꞌdé ꞌbá ânĩlí má bê lı̣̃fı̣́ drı̣̃ ꞌbá ró úlı̣́ tãndí âtálé má ngá lésĩ. Õjílã ndrĩ âyê ĩyî mâ trá. Má kĩ, Ôvârí ãâyê õjílã ꞌdî ꞌbá yî tã gólĩyî drí ámâ âyézó ꞌdĩ ꞌásĩ.