Ị́bũrũ 8:9 - Tã-drı̣̃ Lẽlẽ Óꞌdí Óvârí Kâ

⁹ Tã-drı̣̃ lẽlẽ óꞌdí rî ꞌdĩ âꞌdó kô õzõ gólâ sı̣́sı̣́ má drí ꞌẽlé trá gólĩyî ạ́ꞌbı̣́yạ́ yí bê kậyı̣̂ má drí gólĩyî drı̣́ rũrı̣̃ âsélé vólé ꞌbạ̃drı̣̃ Mạ́sı̣̃rı̣̃ kâ ꞌásĩ rî sĩ rî kâtí. Gólĩyî ꞌdê trá ũgúlı̣́ drı̣̃ı̣̂ tã tã-drı̣̃ lẽlẽ rî ꞌdĩ ꞌbá yí kâ ꞌẽlé. Tãlâ tã rî ꞌdĩ tãsĩ rî, má ꞌbãá lı̣̃fı̣́ gõꞌdá kô gólĩyî drı̣̃ı̣̂, tãlâ gólĩyî vó ndrẽzó.

Ị́bũrũ 8:9 Iomraidhean Croise

Márãkõ 8:23

Nĩngá sĩ, Yésũ drí ãgô ꞌdĩ drı̣́ lâ ậrúzó âsélé nĩzó ĩꞌdí bê lâ vólé jạ̃rı̣́bạ̃ ꞌásĩ. Gõꞌdá drílâ tũ wũzó pẽ pẽ ãgô ꞌdĩ lı̣̃fı̣́ lâ ꞌá. Drílâ drı̣́ ꞌbãzó kpá lı̣̃fı̣́ lâ ꞌá. Vó lâ sĩ, Yésũ drí gõzó gólâ rî îjílí kĩ nĩ rî, “Nî bí ngá ãzãkã ndrẽꞌá yã?”

Tã ꞌẼꞌẽ 13:11

Ngbãângbânõ rî, má âtâ ní drí kĩ, Ôvârí Yãkóvã rî drı̣́ ꞌẽꞌá lâŋõ fẽlé ní drí. Gólâ âꞌdô ánî ꞌbãꞌá âꞌdólé lı̣̃fı̣́ ãkó, tãlâ ní õzó ngá ãzãkã ndrẽê kôꞌdáwá ãlôwálâ tãkõ.” Nĩngá sĩ, ꞌwãâ võ drí ậnı̣́zó ạ̃mvũ ójó rî ꞌdĩ lı̣̃fı̣́. Gõꞌdá drílâ ngãzó nĩꞌá õjílã ậnjú bê ãꞌdô ró íyî sẽlé, tãlâ gólâ trá kũdũ-kũdũ ró.

Tã ꞌẼꞌẽ 7:36

“Nĩngá sĩ, Músạ̃ drí ꞌdẽzó sı̣́sı̣́ õjílã Ôvârí kâ lôfõlé vólé ꞌbạ̃drı̣̃ Mạ́sı̣̃rı̣̃ kâ rî ꞌásĩ tã ꞌẽꞌẽ gólĩyî tı̣̂ drí ậꞌdı̣́zó rî ꞌbá yî sĩ ꞌbạ̃drı̣̃ ꞌdî ꞌálâ gõꞌdá kpá lı̣̃mvû ândrê zı̣̃lı̣́ Lı̣̃mvû Kãâ rî ꞌálâ, gõꞌdá gólâ drí rĩzó zãâ rĩlí tã gólĩyî tı̣̂ drí ậꞌdı̣́zó drílâ sĩ rî ꞌẽlé gólĩyî pãzó õmã ꞌálâ ndrô nyâꞌdî-rı̣̃ sĩ.

Tã ꞌẼꞌẽ 9:8

Gõꞌdá nĩngá sĩ, Sóõlõ drí ngãzó ạ̃vũ âdrélé ûrû íyî lı̣̃fı̣́ njı̣̃lı̣́. Gõꞌdá lı̣̃fı̣́ lâ njı̣̃ rû bê rî, lı̣̃fı̣́ lâ ndré võ gõꞌdá kô. Tã rî ꞌdĩ tãsĩ rî, ãzí-ãzí lâ yî drí gõzó gólâ rî drı̣́ rũlı̣́ sẽlé kũdũ-kũdũ âjílí fĩlí Dãmãsékẽ ꞌálâ.

Gãlãtíyã lé ꞌbá 4:24

Tã õkó gólĩyî rı̣̃ ꞌdî ꞌbá yí kâ trá úlı̣́ mãnĩgõ ꞌî tã îmbálé ãmâ drí. Tã õkó rı̣̃ ꞌdî ꞌbá yí kâ rî, rî tã gólâ tã-drı̣̃ lẽlẽ Ôvârí kâ ꞌbãlé trá õjílã íyíkâ drí rı̣̃ rî ꞌbá yî âꞌdálé ĩꞌdî. Tã-drı̣̃ lẽlẽ sı̣́sı̣́ rĩꞌá tã-drı̣̃ lẽlẽ tã ꞌbãꞌbã kâ Ôvârí drí ꞌbãlé Músạ̃ sĩ rî gõꞌdá rı̣̃ lâ rĩꞌá tã-drı̣̃ lẽlẽ tã gólâ drí ꞌbãlé trá ꞌẽꞌá ꞌẽlâ Ãbãrãyámã drí rî ꞌbá yí kâ. Õkó rạ̃gı̣́ı̣̃ ró rú bê Hãgárã gólâ mvá tı̣̃ ꞌbá ꞌdó rạ̃gı̣́ı̣̃ ró rî, rî ꞌdĩ lãmbé tã-drı̣̃ lẽlẽ gólâ Ôvârí drí tã ꞌbãꞌbã íyíkâ âfẽzó õjílã íyíkâ Ĩsĩrãꞌélẽ kâ drí únı̣́ zı̣̃lı̣́ Sĩnáyĩ ꞌbạ̃drı̣̃ Sãwõdíyã kâ rî ꞌá rî drı̣̃ı̣̂ rî âꞌdáꞌá. Gõꞌdá Hãgárã ꞌdĩ rî kpá Yẽrõsãlémã gólâ ãngó nõ kâ nõ âꞌdálé, tãlâ õjílã Yẽrõsãlémã ꞌdĩ kâ rĩꞌá ĩyî ꞌdó rạ̃gı̣́ı̣̃ tã ꞌbãꞌbã Músạ̃ kâ rî kâ ĩꞌdî.