Ị́bũrũ 4:3 - Tã-drı̣̃ Lẽlẽ Óꞌdí Óvârí Kâ

³ Gõꞌdá ãmâ gólĩyî tã lâ lẽ ꞌbá trá pı̣̃pı̣̂sı̣́lı̣́ ãlô sĩ rî ꞌbá yî, îcâ trá fĩlí võ ạ̃ꞌdı̣́ Ôvârí kâ fẽlé ãmâ drí rî ꞌá. Õzõ ngã mã õꞌê tã rî gógó ꞌdĩ ĩtí kôꞌdáwá rî, âꞌdô âꞌdóꞌá trá õzõ Ôvârí drí âtálé trá rî kâtí. Gólâ kĩ, “Mâ trá õmbã ró õjílã ꞌdî ꞌbá yí bê. Nĩngá sĩ rî, má ꞌbã tã trá lãtrítrí ró kĩ, ‘Pạ̃tı̣́ı̣̃ ró, gólĩyî îcá kô ãlôwálâ fĩlí võ gólâ ámákâ ạ̃ꞌdı̣́ ró rî ꞌálâ.’ ” Lôngó 95.11 Gõꞌdá õzõ kpálé Ôvârí ẽêdê võ ạ̃ꞌdı̣́ rî ꞌdĩ gólĩyî drí ạ̃kû ró kậyı̣̂ gólâ drí ãngó nõ ꞌbãzó rî sĩ rî, gólâ âꞌdô gólĩyî lôgáꞌá ĩtí.

Ị́bũrũ 4:3 Iomraidhean Croise

Mãtáyõ 25:34

“Gõꞌdá mâ gólâ rĩ ꞌbá kúmú ró rî âꞌdô tã âtáꞌá õjílã gólĩyî ámâ drı̣́-ágó drı̣̃ lésĩ rî ꞌbá yî drí kĩ nĩ rî, ‘Ãnî õjílã gólĩyî ámâ átá drí õrẽ fẽzó drílĩyî rî ĩꞌdî, nĩ ânĩ ngá tãndí gólĩyî Ôvârí drí êdélé ãnî õjílã íyíkâ ró rî ꞌbá yî drí îtõ võ ãngó nõ kâ sĩ rî trõlé ãnî drí drı̣́-ꞌâ ró.

Ẽfésõ lé ꞌbá 1:4

Õrẽ lâ yî ĩꞌdî rĩꞌá nõtí, ạ̃kû ró, drẽ ãkpãkãꞌdã Ôvârí ꞌbãá ãngó nõ kô rî, gólâ lẽ ãmâ trá rõô, gõꞌdá gólâ njĩ ãmâ krístõ ꞌbá trá âꞌdólé õjílã íyî nyãányâ kâ ró ãmâ ꞌbãꞌbã sĩ âꞌdólé ngá ãlô ró Yésũ Krístõ bê. Gólâ ꞌê tã rî ꞌdĩ ĩtí ꞌdĩ rî, tãlâ gólâ lẽ ãmâ ndrẽlé ngbángbá tã õnjí ãkó yí lı̣̃fı̣́.

Ị́bũrũ 3:11

Tã ꞌdî tãsĩ rî, má drí ngãzó lãtrítrí îtrílí gólĩyî drí õmbã sĩ kĩ, gólĩyî îcá kô fĩlí võ má drí lẽlé trá fẽlé gólĩyî drí rĩzó ạ̃ꞌdı̣́ ró nã ꞌá ãlôlâ.’ ” Lôngó 95.7-11

Ị́bũrũ 3:14

Ãmâ ndrĩ rĩꞌá ngá ãlô ró Yésũ Krístõ bê, õzõ mã ũrû tã lẽlẽ ãmákâ ꞌbãlé trá sı̣́sı̣́ gólâ ꞌá nã njírí-njírí rĩzó zãâ ngá ãlô ró gólâ bê rî.

Ị́bũrũ 9:26

Õzõ tíkó tã Yésũ kâ ãꞌdô trá tã gólâ drílâ îcálé ândálâ ândâ õzõ drı̣̃-ꞌbá ngá lı̣̃ kâ ꞌdĩ ꞌbá yí kâtí rî, tí âꞌdô îcáꞌá lâŋõ õdrã kâ ꞌdĩ drí Yésũ rî ꞌẽzó ândálé dũûdû îtõlé kậyı̣̂ gólĩyî Ôvârí drí ãngó nõ ꞌbãzó rî sĩ âcálé bũúũ ãndrõ nô. Võ lâ ꞌdĩ ꞌá rî, ngbãângbânõ rî, kậyı̣̂ gólâ Ôvârí drí ꞌẽzó tã ndrĩ gólĩyî yí drí ꞌbãlé ꞌẽlé õjílã ãngó nõ kâ pãzó rî ꞌbá yî ndẽzó rî tú, Yésũ ânĩ trá cé ândâlâ ãlô íyî nyãányâ fẽlé drãlé tãlâ lâŋõ tã õnjí kâ trõlé vólé ãmâ drı̣̃ı̣̂ sĩ.

1 Pétẽrõ 1:20

Ạ̃kû ró, drẽ ãkpãkãꞌdã Ôvârí ꞌbãá ãngó nõ kô rî, gólâ njĩ Yésũ trá âꞌdólé drı̣̃ tĩ ꞌbá ãmákâ ró. Gõꞌdá ngbãângbânõ kậyı̣̂ ạ̃dũkũ nô ꞌá rî, Yésũ âcâ trá ãngó nõ ꞌá ãnî pãlé.