Ị́bũrũ 4:1 - Tã-drı̣̃ Lẽlẽ Óꞌdí Óvârí Kâ

¹ ꞌDõvó mã nı̣̃ trá kĩ nĩ rî, pạ̃tı̣́ı̣̃ Ôvârí ꞌbã tã trá kĩ, mã âꞌdô fĩꞌá võ gólâ yí drí ꞌẽꞌá fẽlâ ãmâ drí rĩzó ꞌá lâ pı̣̃pı̣̂sı̣́lı̣́ ạ̃ꞌdı̣́ sĩ rî ꞌá. Bê trá ĩtí rî, ꞌdõvó ãmâ lı̣̃fı̣́ õmbâ ãmâ rú tã Ôvârí kâ ꞌẽlé mbı̣̂mbı̣̂, tãlâ tã ãzâ õzó kô âꞌdólé ãmâ êdrẽlé fĩfĩ ãmákâ tã ạ̃ꞌdı̣́ Ôvârí kâ ꞌdĩ ndrẽlé rî ꞌásĩ.

Ị́bũrũ 4:1 Iomraidhean Croise

Mãtáyõ 24:48

Gõꞌdá õzõ rû ı̣̂ꞌbũ ꞌbá gólâ ꞌbãlé ãzí-ãzí lâ yî vó ndrẽlé ꞌdĩ ãꞌdô rû ı̣̂ꞌbũ ꞌbá õnjí ꞌî rî, õzõ ꞌbã-lı̣́pı̣̂ ꞌdĩ õnjã trá ậcı̣́ gólâkâ ꞌdĩ ꞌá rî, rû ı̣̂ꞌbũ ꞌbá ꞌdĩ âꞌdô tã ı̣̂sũꞌá kĩ nĩ rî, ꞌbã-lı̣́pı̣̂ íyíkâ ꞌdĩ njã trá rõô, gólâ îcá kô âgõlé ꞌwãâ.

Tã ꞌẼꞌẽ 3:19

“Ãnî ámâ ậdrúpı̣̃ yî, tã rî ꞌdĩ ꞌbá yî tãsĩ rî, má lôꞌbã rúꞌbạ́ ãnî drí, nĩ âdĩ drı̣̃ tã õnjí ãníkâ rî ꞌbá yî ꞌásĩ, gõꞌdá rû jãlé úlı̣́ Ôvârí kâ rî ꞌbá yî ârílí gõꞌdá ı̣̂njı̣̃lı̣́ ĩꞌdî, tãlâ Ôvârí õjĩ ró bê tã õnjí ãníkâ vólé ngbá.

Rómã lé ꞌbá 11:20

Má kô tã ãníkâ ꞌdĩ drı̣̃ lâ kĩ, “ꞌDĩî rĩꞌá tã pạ̃tı̣́ı̣̃ ꞌî, gõꞌdá õjílã Ĩsĩrãꞌélẽ kâ rî ꞌbá yî áâgã trá njíyá-njíyá vólé, tãlâ gólĩyî lẽé tã Ôvârí ꞌá kô.” Gõꞌdá gólĩyî võ ꞌá rî, óꞌbã trá ãnî ĩꞌdî njũlı̣́ ngạ́rạ́ fê rî ꞌdĩ rú tãlâ tã lẽlẽ ãníkâ Ôvârí ꞌá rî tãsĩ. Âꞌdó kô kĩ nĩ rî, âꞌdô-âꞌdô tãndĩ ãníkâ rî lậvũ kôrô gólĩyíkâ rî drı̣̃ı̣̂ sĩ. Ĩtí rî, nĩ ậrû ãnî kô tã rî ꞌdĩ tãsĩ. ꞌDõvó nĩ rî bê-rî rĩlí Ôvârí rî ı̣̂njı̣̃-ı̣̂njı̣̃ sĩ.

Rómã lé ꞌbá 3:23

Nĩ ndrê drẽ kpá, õjílã ndrĩ ꞌê ĩyî tã õnjí trá. Õjílã ãzãkã yûꞌdạ́wạ́ gólâ îcá ꞌbá tã gólĩyî Ôvârí drí lẽlé gólĩyî drí ꞌẽlé rî ꞌbá yî ꞌẽlé ndrĩ.

1 Kõrínĩtõ lé ꞌbá 10:12

Nî gólâ kĩ ꞌbá nĩ rî, yí ãâdrê trá gạ́gạ́ tã lẽlẽ íyíkâ ꞌá õzõ rákã fê kâtí, yí õꞌé tã õnjí kô rî, ꞌdõvó ní ndrê nî dódó, ní õzó kô ꞌdẽê.

2 Kõrínĩtõ lé ꞌbá 6:1

Mã rî lôsĩ ꞌẽlé ꞌdũwạ̃ Ôvârí bê, gõꞌdá ĩtí rî, nĩ gã tã gólâ Ôvârí drí pı̣̃pı̣̂sı̣́lı̣́ tãndĩ íyíkâ âꞌdázó ãnî drí nõ dó kô.

Gãlãtíyã lé ꞌbá 5:4

Ãnî õjílã gólĩyî ꞌẽ ꞌbá ãnî ꞌbãlé Ôvârí drí ndrẽlé tã mbı̣̂ ꞌbá ró tã ꞌbãꞌbã ı̣̂njı̣̃-ı̣̂njı̣̃ sĩ ꞌdî rî, nĩ kî ãnî lãfálé trá vólé Yésũ Krístõ rú sĩ. Nĩ gã pı̣̃pı̣̂sı̣́lı̣́ tãndĩ gólâkâ ãmâ pãzó rî trá dó.

2 Tĩmátĩyã 2:13

Kpálé mã õꞌê tã tíbê ãmâ drí ꞌbãlé rî kô rî, gólâ rî gógó âꞌdô tã tíbê yí drí ꞌbãlé rî ꞌẽꞌá ndrĩ, tãlâ gólâ já âꞌdô-âꞌdô íyíkâ kô.

Ị́bũrũ 12:15

Bê trá ĩtí rî, ꞌdõvó nĩ ndrê ãnî vó dódó, tãlâ nĩ õzó kô kũû vólé lạ́tı̣̂ Ôvârí gólâ lẽ ꞌbá tã gólĩyî lânjã ró rî ꞌbá yî ꞌẽlé ĩꞌdî ãnî drí pı̣̃pı̣̂sı̣́lı̣́ tãndĩ sĩ rî kâ rú sĩ. ꞌDõvó kpá ĩtí rî, ãnî lı̣̃fı̣́ õmbâ ãnî rú, tãlâ tã õnjí ãzãkã õzó ãnî ꞌbãâ kô âꞌdólé pı̣̃pı̣̂sı̣́lı̣́ gĩgĩ bê lậvũlı̣́ kôrô õjílã dũû rî ꞌbá yî drı̣̃ lâ îzãlé.

Ị́bũrũ 12:25

Gõꞌdá nĩngá sĩ rî, ãnî lı̣̃fı̣́ õmbâ ãnî rú, âꞌdó kô gãlé dó tã Ôvârí rî nyãányâ drí rĩꞌá âtálâ ãnî drí rî ꞌbá yî ârílí. Gõꞌdá õjílã gólĩyî gã ꞌbá trá dó tã Ôvârí kâ ârízó ꞌẽlé ı̣̃nyạ́kú drı̣̃ı̣̂ nõngá Músạ̃ sĩ rî îcá ĩyî kô ꞌbẽlé lâŋõ ândrê ꞌẽ ꞌbá gólĩyî ûsúlı̣́ rî ꞌásĩ. Âꞌdô bê trá ĩtí lâ ꞌdĩ ró rî, ngã âꞌdô âꞌdóꞌá ángô tí ró ãmâ drí õzõ mã õjâ ũgúlı̣́ trá Ôvârí gólâ rĩ ꞌbá úlı̣́ âtálé ꞌbũû lésĩ Yésũ sĩ rî drí rî yã? Mã îcá kô tã pạ̃tı̣́ı̣̃ ró ꞌbẽlé dı̣̃ lâŋõ Ôvârí kâ rî ꞌásĩ.

Ị́bũrũ 13:7

Nĩ ı̣̂sũ drẽ drı̣̃-ꞌbá ãníkâ gólĩyî tã âtî-âtî tãndí Ôvârí kâ îmbá ꞌbá trá ãnî drí ạ̃kû ró sı̣́sı̣́ rî ꞌbá yî tã lâ. Nĩ ı̣̂sũ tã dódó rĩrĩ gólĩyíkâ mbı̣̂mbı̣̂ kậyı̣̂ ndrĩ drílĩyî rĩzó ãngó nõ ꞌá rî sĩ rî tãsĩ, ãꞌdô ró bê ãnî drí tã lẽzó Ôvârí ꞌá pı̣̃pı̣̂sı̣́lı̣́ ãlô sĩ, õzõ drı̣̃-ꞌbá rî ꞌdĩ ꞌbá yî drí ꞌẽlé rî tí.

Ị́bũrũ 3:11

Tã ꞌdî tãsĩ rî, má drí ngãzó lãtrítrí îtrílí gólĩyî drí õmbã sĩ kĩ, gólĩyî îcá kô fĩlí võ má drí lẽlé trá fẽlé gólĩyî drí rĩzó ạ̃ꞌdı̣́ ró nã ꞌá ãlôlâ.’ ” Lôngó 95.7-11

Ị́bũrũ 4:11

ꞌDõvó mã njû kílíkpâ ró tã gólĩyî ãmâ drí îcáꞌá ꞌẽlâ rî ꞌbá yî rú, ãꞌdô ró bê fĩzó võ ạ̃ꞌdı̣́ Ôvârí kâ ꞌdĩ ꞌálâ, tãlâ tã tã ạ̃ꞌdı̣́ ꞌdĩ kâ õzó ãmâ lậvũû tã lẽlẽ ãkõ ãmákâ drí sĩ kô, õzõ tã tã ạ̃ꞌdı̣́ ꞌdĩ kâ drí ãmâ ạ́ꞌbı̣́yạ́ yî lậvũrı̣̃ kôrô rî kâtí.

Ị́bũrũ 4:9

ꞌDĩî âꞌdâ tã pạ̃tı̣́ı̣̃ ꞌî kĩ, võ ạ̃ꞌdı̣́ pạ̃tı̣́ı̣̃ õjílã Ôvârí kâ drí rî bê ạ̃tı̣́ ꞌálâ.