Ị́bũrũ 3:3 - Tã-drı̣̃ Lẽlẽ Óꞌdí Óvârí Kâ

³ Gõꞌdá rĩꞌá îcâ-îcâ ró Yésũ rî ı̣̂njı̣̃lı̣́ rõô gạ̃rạ̃ Músạ̃ drı̣̃ı̣̂ sĩ. Nĩ ndrê drẽ, Músạ̃ rĩꞌá cé õjílã ãlô õjílã Ôvârí kâ lãfálé rî ĩꞌdî. Gõꞌdá Yésũ rĩꞌá gólâ õjílã ꞌbã ꞌbá âꞌdólé õjílã Ôvârí kâ ró rî ĩꞌdî. Tã ꞌdî tãsĩ rî, rĩꞌá mbı̣̂ Yésũ rî ı̣̂njı̣̃lı̣́ gạ̃rạ̃ Músạ̃ drı̣̃ı̣̂ sĩ.

Ị́bũrũ 3:3 Iomraidhean Croise

Mãtáyõ 16:18

Gõꞌdá Yésũ drí tã âtázó Pétẽrõ drí tã ꞌbãꞌbã ró kĩ nĩ rî, “Nî Pétẽrõ, má âtâ tã ní drí, nî rĩꞌá õzõ kúnı̣́ kâtí. Má âꞌdô kạ̃nı̣́sạ̃ ámákâ ꞌdı̣̃ꞌá kúnı̣́ nõ drı̣̃ı̣̂. Gõꞌdá mbârâkã õdrã kâ îcá kô kạ̃nı̣́sạ̃ ꞌdî pẽlé.

1 Kõrínĩtõ lé ꞌbá 3:9

Má âtâ tã ꞌdî ĩtí ꞌdĩ rî, tãlâ ãmâ kpạ̃rạ̃tı̣́ Ãpólõ bê lôsĩ-ꞌẽ-ãzíyã ꞌî, mã rî ꞌdó lôsĩ Ôvârí kâ ꞌẽlé ĩꞌdî kpãkã ãlô gólâ bê. Gõꞌdá ãnî trá õzõ ạ́mvú Ôvârí kâ gólâ ãmâ drí rĩzó lôsĩ ꞌẽlé nĩ ꞌá lâ rî kâtí. Ãnî gõꞌdá kpá trá õzõ jó Ôvârí kâ kâtí.

2 Kõrínĩtõ lé ꞌbá 3:7

Tã ꞌbãꞌbã gólĩyî îgĩlí kúnı̣́ mvá drı̣̃ı̣̂ ꞌdĩ rî âsê õdrã pá trá õjílã drı̣̃ı̣̂. Gbõ lé ĩtí rî, tã ꞌbãꞌbã âfẽlé ꞌdĩ âꞌdâ ãmbã Ôvârí kâ trá õjílã drí, gõꞌdá Músạ̃ rî nı̣̃lı̣́ ꞌbãlé kpá lậgúlı̣́ lậgû. Gõꞌdá õjílã Ĩsĩrãꞌélẽ kâ îcá ĩyî gõꞌdá kô gólâ rî nı̣̃lı̣́ ndrẽlé lậgû-lậgû lâ drí sĩ. Gõꞌdá ĩtí rî, Músạ̃ drí íyî nı̣̃lı̣́ âkózó kpạ̃ạ́kũ ítá sĩ, gbõ lé lậgû-lậgû rî gógó ꞌdĩ îtõ trá rĩꞌá rû ndẽlé rî.

Kõlósĩ lé ꞌbá 1:18

Ĩtí rî, gõꞌdá Yésũ Krístõ íyíkâ rĩꞌá nyé õzõ drı̣̃ kâtí, gõꞌdá õjílã gólâkâ rî ꞌbá yî ĩyíkâ rĩꞌá nyé õzõ gólâ rî rúꞌbạ́ kâtí. Gõꞌdá gólâ kpá õjílã drı̣̃-káká lîdrí ꞌbá õdrã ꞌásĩ rî ĩꞌdî. Ĩtí rî, gõꞌdá Yésũ Krístõ rĩꞌá õjílã drı̣̃lı̣́ ndrĩ, ôvârí õjílã gólĩyî ôdrã ꞌbá trá rî ꞌbá yí kâ bê ndrĩ gõꞌdá kpá ngá ndrĩ drı̣̃lı̣́.

Ị́bũrũ 2:9

Ngá gólâ ãmâ drí ndrẽlé rî íyíkâ Yésũ ĩꞌdî gólâ tíbê ngá ãngó nõ kâ ndrĩ rî ꞌbá yî ꞌbãlé âꞌdólé yí zẽlé. Gõꞌdá ndrô dã gólâ drí âꞌdózó ı̣̃nyạ́kú drı̣̃ı̣̂ rî sĩ rî, Ôvârí ꞌbã ãmbã gólâkâ rî âꞌdólé ãmbã mãlãyíkã íyíkâ rî ꞌbá yí kâ rî zẽlé. Gõꞌdá ngbãângbânõ rî, ãmbã gólâkâ lậvũ trá gạ̃rạ̃ âꞌdólé rõô. Ôvârí ꞌbã lậnjı̣̃ trá drı̣̃ lâ kúmú ró ĩtí, tãlâ gólâ ûsû lâŋõ trá gõzó kpá drãlé tã õnjí ãmákâ rî ꞌbá yî tãsĩ. Gõꞌdá tãlâ pı̣̃pı̣̂sı̣́lı̣́ tãndĩ Ôvârí kâ ãmâ õjílã drí rî sĩ rî, Yésũ drí drãzó õjílã ndrĩ rî ꞌbá yî võ lâ ꞌá, tãlâ lâŋõ tã õnjí gólĩyíkâ rî kâ njı̣̃lı̣́.

Ị́bũrũ 3:4

Nĩ ndrê drẽ, ꞌbạ̃súrú cé tı̣̂tı̣̂ tãsĩ rî, ạ́ꞌbı̣́yạ́ bê rĩꞌá ꞌbạ̃súrú rî ꞌdĩ ꞌbá yî lôfõ ꞌbá ró, gõꞌdá Ôvârí ꞌbã ạ́ꞌbı̣́yạ́ rî ꞌdĩ ꞌbá yî nĩ ndrĩ.

Ị́bũrũ 3:6

Ĩtí rî, Yésũ Krístõ rî íyíkâ tã Ôvârí kâ ꞌẽlé kárá mvá lâ ró, cú drı̣́-ãcê bê õjílã Ôvârí kâ drı̣̃lı̣́ rî ró. Gõꞌdá ãmâ nyãányâ gólĩyî tã lẽ ꞌbá Yésũ ꞌá rî ꞌbá yî rĩꞌá ĩyî õjílã Ôvârí kâ ꞌdĩ ĩꞌdî, õzõ mã ũrû Yésũ gạ́gạ́ kárá gõꞌdá lı̣̃fı̣́ ꞌbãzó drı̣̃ lâ pı̣̃pı̣̂sı̣́lı̣́ ãlô sĩ rî.