Ị́bũrũ 2:3 - Tã-drı̣̃ Lẽlẽ Óꞌdí Óvârí Kâ

³ Bê trá ĩtí rî, lâŋõ âꞌdô kpá ãmâ ûsúꞌá trá lậvũlı̣́ kôrô, õzõ mã õnjâ trá ꞌdíyî pãpã ạ́ngı̣́ Ôvârí drí âfẽlé trá ãmâ drí Yésũ rî õdrã sĩ rî rú rî. Kúmú ãmákâ Yésũ rî gógó âꞌdô nĩ sı̣́sı̣́ tã âtálé ꞌdíyî pãpã rî ꞌdĩ tãsĩ. Gólĩyî tã lâ ârí ꞌbá trá gólâ sı̣́lı̣́ sĩ rî, drí ĩyî tã ꞌdî âꞌdázó ãmâ drí tã pạ̃tı̣́ı̣̃ ró.

Ị́bũrũ 2:3 Iomraidhean Croise

Mãtáyõ 23:33

Ãnî rĩꞌá ı̣̃nı̣̃ cú gĩî bê rî ꞌbá yî ĩꞌdî, nĩ âꞌdô îcáꞌá ãnî pãlé lâŋõ lạ̃sı̣́ kâ Ôvârí drí ꞌẽꞌá fẽlâ ãnî drí rî ꞌásĩ ángô tí ró yã?

Márãkõ 1:14

Yõwánĩ gólâ bãbãtízĩ ꞌẽ ꞌbá rî ômbérẽ gạ̃nı̣́mạ̃ ꞌá rî vólé drı̣̃ lâ ꞌásĩ rî, Yésũ drí ngãzó gõlé Gãlĩláyã ꞌálâ. Tólâ gólâ lậmû võ ꞌásĩ nĩlí nĩꞌá tã âtî-âtî Ôvârí kâ pẽ bê.

Lúkạ̃ 1:69

ꞌDíyî pã ꞌbá nõ rî âꞌdô ꞌẽꞌá ꞌbãlé ãmâ drı̣̃ı̣̂ ndrĩ kúmú ró. Gólâ âꞌdô ꞌbãꞌá nĩ ãmâ lı̣́pı̣̂ ró, õzõ gólâ rî ạ́ꞌbı̣́yạ́ Dạ̃wúdı̣̃ tíbê Ôvârí rõ ꞌbá rî tí.

Lúkạ̃ 24:19

Yésũ drí tã-drı̣̃ jãzó kĩ nĩ rî, “Ãꞌdô tã ꞌê rû nĩ yã?” Gólĩyî kĩ, “Tã gólâ Yésũ Nãzãrétã lé ꞌbá ró rî kâ. Gólâ trá tã ậngũ ꞌbá Ôvârí kâ ꞌî. Drílâ rĩzó tã tãndí âtálé dódó mbârâkã sĩ. Tã ꞌẽꞌẽ gólâkâ ndrĩ ꞌdó tã Ôvârí kâ rî vó ró. Õjílã dũû ı̣̂njı̣̃ ĩyî gólâ trá.

Yõwánĩ 15:27

Ĩtí rî, ãnî drí gõzó úlı̣́ ámákâ âꞌdálé õjílã drí ndrĩ, tãlâ ãnî ĩꞌdî õjílã gólĩyî âꞌdó ꞌbá ámákâ ró kó îtõ võ lésĩ rî, gõꞌdá nĩ nı̣̃ tã îmbâ ámákâ rî ꞌbá yî trá tãndí ró.”

Tã ꞌẼꞌẽ 2:22

“Ãnî õjílã ãmákâ Ĩsĩrãꞌélẽ kâ, nĩ ârî úlı̣́ ámákâ Yésũ gólâ Nãzãrétã lé ꞌbá ró rî tãsĩ nô ꞌbá yî, tã âꞌdâ-âꞌdâ Ôvârí kâ ãnî drí rî kĩ, Yésũ ĩꞌdî gólâ yí drí âjólé ãnî drí ꞌdíyî pã ꞌbá ró, tã lârâkô gólâ yí drí Yésũ rî ꞌbãzó ꞌẽlâ õjílã pãlé rî ꞌbá yî sĩ. Yésũ rî gógó ꞌê tã lârâkô ꞌdĩ ꞌbá yî ãnî lãfálé ꞌá nõngá, gõꞌdá mĩ nı̣̃ tã rî ꞌdĩ ꞌbá yî trá dódó.

Tã ꞌẼꞌẽ 4:12

Ĩtí rî, má lẽ ãnî drí nı̣̃lâ dódó kĩ nĩ rî, gólâ cé ĩꞌdî ãlô gólâ îcá ꞌbá ãmâ õjílã mvá pãlé rû îzã gõꞌdá kpá õdrã ãmákâ rî ꞌbá yî ꞌásĩ tãlâ tã õnjí ãmákâ sĩ, Ôvârí âfẽé drı̣́-ãcê tã ꞌdî ꞌẽzó õjílã ãzãkã drí kó kô.”

Rómã lé ꞌbá 11:14

Gõꞌdá má lẽ kpá tákányĩ Ôvârí drí õjílã ámâ nyãányâ kâ Yúdạ̃ yí kâ pãlé. Nĩngá sĩ, õzõ tã ꞌẽꞌẽ ámákâ ãnî õjílã õrĩ ãzâ ꞌbá yí kâ lãfálé rî õꞌbã õjílã ámákâ Yúdạ̃ yí kâ rî ꞌbá yî âꞌdólé âgílí âgî tãlâ tã tãndí ãníkâ drí sĩ rî, ĩtí rî, má lẽ tã trá rõô tã rî ꞌdĩ drí õjílã dũû õjílã ámákâ ꞌdĩ ꞌbá yî lãfálé sĩ ꞌbãlé kpá rû jãlé tã lẽlé Yésũ ꞌá.

Rómã lé ꞌbá 2:3

Âꞌdô bê trá ĩtí rî, ãnî gólĩyî cé õjílã mvá ró nõ ı̣̂sũ tã kĩ, yĩ ãâꞌdô îcáꞌá tã gólĩyî ãzí-ãzí kâ rî ꞌbá yî kĩlí nĩ rî ãꞌdô tãsĩ yã? Õzõ ãnî nyãányâ õꞌê tã ãlôlâ õnjí ró gólĩyî ãnî drí kĩꞌá nĩ rî Ôvârí ãâꞌdô lâŋõ fẽꞌá ãzí-ãzí drí tã lâ sĩ rî kpá rî, gõꞌdá nĩ ı̣̂sũ ãníkâ bê rî, nĩ âꞌdô îcáꞌá ngá pãlé lâŋõ rî gólâ ãnî drí lẽlé âꞌdélé õjílã ãzí ãzâ ꞌbá yî drı̣̃ı̣̂ ꞌdĩ ꞌásĩ yã?

1 Kõrínĩtõ lé ꞌbá 1:21

Nĩ ndrê drẽ, Ôvârí ꞌbã trá âmbâ-âmbâ ró õjílã ãngó nõ drı̣̃ı̣̂ rî yî drí íyî nı̣̃zó cé tã nı̣̃nı̣̃ gõꞌdá tã ı̣̂sũ-ı̣̂sũ gólĩyíkâ sĩ. Ôvârí lẽ nĩ õjílã pãlé tã lẽlẽ gólĩyíkâ tã âtî-âtî gólâ ãmâ drí rĩꞌá pẽlâ nõ ꞌá rî tãsĩ. Tã âtî-âtî gólâ õjílã ãngó nõ drı̣̃ı̣̂ rî yî drí rĩꞌá ndrẽlâ tã tãkó ró nõ.

1 Tẽsãlõníkã lé ꞌbá 5:3

Kậyı̣̂ rî ꞌdĩ sĩ rî, õjílã âꞌdô rĩꞌá tã âtálé kĩ nĩ rî, “Ãmâ lâŋõ ãkó.” Nĩngá sĩ, kôrô lâŋõ ãmbá rî âꞌdô âꞌdéꞌá gólĩyî drı̣̃ı̣̂, õzõ ngá lâzê-lâzê âfí ꞌbá ꞌwãâ õkó ꞌẽ ꞌbá trá ãnyî mvá tı̣̃lı̣́ rî drí rî kâtí. Gólĩyî pá ngá kô ãlôwálâ tã õnjí ꞌdĩ ꞌásĩ.

1 Tĩmátĩyã 1:15

Ní ndrê drẽ, tã âtâ-âtâ tíbê õjílã drí âꞌdózó mbı̣̂ tã lẽlé ꞌá lâ rî ĩꞌdî nõ, “Yésũ Krístõ rî gógó útı̣̂ ãngó ꞌá nõ tã õnjí ꞌbá pãlé.” Gõꞌdá mâ rî gógó, má ndrê ámâ ífífí bê rî, mâ rĩꞌá tã õnjí ꞌbá ꞌî gạ̃rạ̃ tã õnjí ꞌbá ãzí drı̣̃ı̣̂ sĩ.

Títõ 2:11

Má kĩ, krístõ ꞌbá yî ndrĩ õꞌê tã tãndí ró ĩtí, tãlâ Ôvârí âꞌdâ pı̣̃pı̣̂sı̣́lı̣́ tãndĩ íyíkâ trá ãmâ drí âjô-âjô Yésũ kâ sĩ, ãꞌdô ró bê yí drí õjílã pãzó tã õnjí ĩyíkâ rî ꞌbá yî ꞌásĩ.

Ị́bũrũ 1:1

Ámâ rû-lẽ-ãzí yî, ạ̃kû ró nã ꞌbá yî sĩ rî, Ôvârí âtâ tã ãmâ ạ́ꞌbı̣́yạ́ yî drí tã ậngũ ꞌbá íyíkâ rî ꞌbá yî sı̣́lı̣́. Gólâ âtâ tã trá gólĩyî drí ĩtí ândâlâ dũû lạ́tı̣̂ dũû ngĩíngî ãzâ ꞌbá yî ꞌásĩ.

Ị́bũrũ 1:14

Gõꞌdá mãlãyíkã ndrĩ rĩꞌá ĩyî cé gólĩyî rĩ ꞌbá tã ꞌẽlé Ôvârí drí rî ĩꞌdî. Ôvârí âjô gólĩyî õjílã gólĩyî drílâ ꞌbãꞌá pãlâ ĩyî tã õnjí ĩyíkâ rî ꞌbá yî ꞌásĩ rî ậmúlı̣́.

Ị́bũrũ 1:2

Gõꞌdá ndrô nõ ꞌbá yî sĩ rî, gólâ âꞌdâ tã trá ãmâ drí íyî mvá sĩ. Ĩtí rî, gólâ njĩ íyî mvá trá âꞌdólé ngá-tı̣̂ ndrĩ lı̣́pı̣̂ ró. Mvá lâ sĩ, gólâ ꞌbã ngá-tı̣̂ ndrĩ ãngó nõ ꞌá nõ ꞌbá yî nĩ.

Ị́bũrũ 12:25

Gõꞌdá nĩngá sĩ rî, ãnî lı̣̃fı̣́ õmbâ ãnî rú, âꞌdó kô gãlé dó tã Ôvârí rî nyãányâ drí rĩꞌá âtálâ ãnî drí rî ꞌbá yî ârílí. Gõꞌdá õjílã gólĩyî gã ꞌbá trá dó tã Ôvârí kâ ârízó ꞌẽlé ı̣̃nyạ́kú drı̣̃ı̣̂ nõngá Músạ̃ sĩ rî îcá ĩyî kô ꞌbẽlé lâŋõ ândrê ꞌẽ ꞌbá gólĩyî ûsúlı̣́ rî ꞌásĩ. Âꞌdô bê trá ĩtí lâ ꞌdĩ ró rî, ngã âꞌdô âꞌdóꞌá ángô tí ró ãmâ drí õzõ mã õjâ ũgúlı̣́ trá Ôvârí gólâ rĩ ꞌbá úlı̣́ âtálé ꞌbũû lésĩ Yésũ sĩ rî drí rî yã? Mã îcá kô tã pạ̃tı̣́ı̣̃ ró ꞌbẽlé dı̣̃ lâŋõ Ôvârí kâ rî ꞌásĩ.

Ị́bũrũ 4:1

ꞌDõvó mã nı̣̃ trá kĩ nĩ rî, pạ̃tı̣́ı̣̃ Ôvârí ꞌbã tã trá kĩ, mã âꞌdô fĩꞌá võ gólâ yí drí ꞌẽꞌá fẽlâ ãmâ drí rĩzó ꞌá lâ pı̣̃pı̣̂sı̣́lı̣́ ạ̃ꞌdı̣́ sĩ rî ꞌá. Bê trá ĩtí rî, ꞌdõvó ãmâ lı̣̃fı̣́ õmbâ ãmâ rú tã Ôvârí kâ ꞌẽlé mbı̣̂mbı̣̂, tãlâ tã ãzâ õzó kô âꞌdólé ãmâ êdrẽlé fĩfĩ ãmákâ tã ạ̃ꞌdı̣́ Ôvârí kâ ꞌdĩ ndrẽlé rî ꞌásĩ.

Ị́bũrũ 4:11

ꞌDõvó mã njû kílíkpâ ró tã gólĩyî ãmâ drí îcáꞌá ꞌẽlâ rî ꞌbá yî rú, ãꞌdô ró bê fĩzó võ ạ̃ꞌdı̣́ Ôvârí kâ ꞌdĩ ꞌálâ, tãlâ tã tã ạ̃ꞌdı̣́ ꞌdĩ kâ õzó ãmâ lậvũû tã lẽlẽ ãkõ ãmákâ drí sĩ kô, õzõ tã tã ạ̃ꞌdı̣́ ꞌdĩ kâ drí ãmâ ạ́ꞌbı̣́yạ́ yî lậvũrı̣̃ kôrô rî kâtí.

Ị́bũrũ 5:9

Gólâ îcâ trá lôsĩ tãndí Ôvârí kâ ꞌẽlé dódó ngbá rû îzã tíbê gólâ rî ꞌẽ ꞌbá rî sĩ. Gõꞌdá gólâ ndẽ lôsĩ Ôvârí kâ ꞌdĩ bê rî, gólâ drí îcázó õjílã ndrĩ gólĩyî úlı̣́ gólâkâ ârí ꞌbá ꞌẽlé rî ꞌbá yî pãzó tã õnjí gólĩyíkâ rî ꞌbá yî ꞌásĩ, tãlâ gólĩyî õrî ró Ôvârí bê zãâ gbạ́dú ạ̃dũkũ ãkó.

Ị́bũrũ 9:28

Ĩtí rî, Yésũ fẽ íyî nyãányâ bê drãlé ngá fẽfẽ ró Ôvârí drí cé ândâlâ ãlô rî, ꞌdĩî rĩꞌá îcâ-îcâ ró lâŋõ tã õnjí õjílã dũû kâ rî ꞌbá yí kâ trõlé vólé. Gõꞌdá Yésũ âꞌdô âgõꞌá ãngó nõ ꞌá kpá óꞌdí. ꞌDĩî gólâ rí kô ânĩlí íyî nyãányâ fẽlé kpá óꞌdí tãlâ tã õnjí tãsĩ, gõꞌdá gólâ rî ânĩlí ꞌdĩ õjílã gólĩyî rĩ ꞌbá ĩyî lı̣̃fı̣́ ꞌbãꞌbã sĩ ꞌdíyî pã ꞌbá rî âgõ-âgõ ãngó nõ ꞌá rî drı̣̃ı̣̂ rî ꞌbá yî ꞌbãlé âꞌdólé õzõ yí kâtí.

1 Yõwánĩ 1:1

Tã gólâ ãmâ drí ꞌẽꞌá îgĩlâ ãnî drí nõ rî rĩꞌá tã Yésũ Krístõ kâ ĩꞌdî. Îtõlé drẽ ãkpãkãꞌdã Ôvârí ꞌbãá drẽ ãngó nõ kô rî, gólâ bê, gõꞌdá ngbãângbânõ rî, ãmâ lãjóꞌbá gólâkâ ró rî, mã ndrê gólâ trá cú ãmâ lı̣̃fı̣́ sĩ, mã ârî tã gólâ drí âtálé rî trá cú ãmâ bı̣́-ꞌbálé sĩ, gõꞌdá mã dõ gólâ rî rúꞌbạ́ kpá trá. Gólâ ĩꞌdî tã Ôvârí kâ pạ̃tı̣́ı̣̃ rî âꞌdá ꞌbá ãmâ drí rî. Gólâ ĩꞌdî lédrẽ-lédrẽ ạ̃dũkũ ãkó rî fẽ ꞌbá ꞌî õjílã drí. Ãwô-ꞌdĩ tã pạ̃tı̣́ı̣̃ ró, mã ndrê gólâ trá ãmâ lı̣̃fı̣́ sĩ. Gõꞌdá ngbãângbânõ rî, mã rî nõ gõꞌdá tã pạ̃tı̣́ı̣̃ gólâkâ rî pẽꞌá ãnî drí, gólâ ĩꞌdî lédrẽ-lédrẽ ạ̃dũkũ ãkó rî fẽ ꞌbá lâ ꞌî, gõꞌdá gólâ ĩꞌdî kpá âꞌdó ꞌbá bê kárá ãmâ átá Ôvârí bê rî, gõꞌdá Ôvârí âꞌdâ gólâ trá ãmâ drí.

Yúdıٜ̃ 1:17

Ámâ rû-lẽ-ãzíyã yî tíbê má drí lẽlé rõô nõ ꞌbá yî, nĩ ı̣̂sũ drẽ tã gólâ tíbê lãjóꞌbá Kúmú ãmákâ Yésũ Krístõ kâ ꞌdĩ ꞌbá yî drí âtálé trá sı̣́sı̣́ nã ꞌbá yî sĩ nã.

Tã Âꞌdâ 7:10

Gõꞌdá gólĩyî ndrĩ ꞌdó rĩꞌá lôngó ngõꞌá ĩyî kĩ nĩ rî, “Ôvârí kúmú ãmákâ, mã lûyı̣̂ nî, tãlâ ní pâ ãmâ trá. Kạ́bı̣̃lı̣́kı̣̃ drı̣̃ tĩtĩ kâ ró, mã lûyı̣̂ nî, tãlâ nî rĩꞌá ãmâ pã ꞌbá ꞌî.”