Ị́bũrũ 2:1 - Tã-drı̣̃ Lẽlẽ Óꞌdí Óvârí Kâ

¹ Âꞌdô ãmbã Yésũ kâ âꞌdózó gạ̃rạ̃ lậvũlı̣́ kôrô rî tãsĩ rî, ãmâ lı̣̃fı̣́ õmbâ ãmâ rú, tãlâ tã gólĩyî îmbálé trá ãmâ drí rî yî ârízó bê dódó ꞌẽlé. Õzõ mã õꞌê trá ĩtí rî, îcá kô ãmâ âdózó kũlı̣́ mãnísĩ vólé lạ́tı̣̂ pạ̃tı̣́ı̣̃ Ôvârí kâ rî ꞌásĩ.

Ị́bũrũ 2:1 Iomraidhean Croise

Mãtáyõ 16:9

Tã gólâ má drí ngá nyãnyã fẽzó õꞌbí kútũ-njı̣̂ drí nyãlé ãmbãtã njı̣̂ sĩ rî, tã lâ fí ãnî drı̣̃ı̣̂ kô yã? Gõꞌdá ngá nyãnyã ạ̃mbúkũ lâkí ꞌbá ãnî drí ûꞌdúlı̣́ êꞌbélé dũûdû ívõ ꞌásĩ rî tạ̃sı̣̂ yã? Tã ꞌdî âgá ãnî drı̣̃ı̣̂ kô yã?

Márãkõ 8:18

Ãnî rĩꞌá cú lı̣̃fı̣́ bê, ngã nĩ ndré võ kô ãꞌdô tãsĩ yã? Ãnî rĩꞌá cú bı̣́ bê, ngã nĩ ârí tã kô ãꞌdô tãsĩ yã? Ãnî rĩꞌá tã má drí ꞌẽlé trá rî ꞌbá yî ı̣̂sũꞌá yã?

Lúkạ̃ 8:15

Ị̃nyạ́kú gólâ tãndí ró rũꞌbũ-rũꞌbũ ꞌdî rî, íyíkâ õjílã gólĩyî tíbê úlı̣́ Ôvârí kâ ârí ꞌbá rõzó lâ rî ꞌbá yî ĩꞌdî. Gólĩyî rî trá zãâ tã lẽlẽ bê Ôvârí ꞌá ꞌálé ı̣̂dû-ı̣̂dû sĩ rî, gólĩyî rî ĩyíkâ zãâ tã tãndí ꞌẽꞌẽ sĩ Ôvârí drí. Tã tãndí drílĩyî rĩꞌá ꞌẽlâ ꞌdĩ âꞌdô âꞌdóꞌá õzõ ạ̃drúgú gólâ ꞌwã ꞌbá ífí bê cõkpõ-cõkpõ lı̣̃fı̣́ bê kũrũgbũ nâ kâtí.”

Lúkạ̃ 9:44

“Nĩ ârî úlı̣́ má drí ꞌẽꞌá âtálâ ãnî drí nõ tãndí ró, tã má drí ꞌẽꞌá âtálâ ãnî drí rî ĩꞌdî nõ. Mâ gólâ Ôvârí drí âjólé ûrú lésĩ rî, áâꞌdô bí ꞌẽꞌá ámâ drı̣́-bã fẽlé õjílã drí fũlı̣́.”

Yõwánĩ 8:59

Gõꞌdá nĩngá sĩ, Pạ̃rúsı̣̃ yî ârî ĩyî úlı̣́ Yésũ drí âtálé ꞌdĩ bê rî, kôrô drílĩyî ngãzó ạ̃wạ̃ ró, nĩꞌá kúnı̣́ mvá lôndãlé ꞌẽzó Yésũ rî lûvũlı̣́ ĩꞌdî sĩ lâ fũlı̣́, tãlâ gólâ âmã yî trá âꞌdólé Ôvârí ró. Gõꞌdá kôrô Yésũ drí íyîngá ꞌbẽzó dı̣̃ vólé gólĩyî ágálé sĩ ạ̃ꞌdı̣́-drı̣̃ jó ạ́ngı̣́ Ôvârí kâ kâ ꞌdĩ ꞌásĩ.

Ị́bũrũ 12:5

Úlı̣́ gólĩyî Ôvârí kâ âtálé mbârâkã sõlé ãnî ꞌá kậyı̣̂ ódrí ãnî zı̣̃zó ꞌdĩyímvá gólâkâ ró rî ꞌbá yî jâ trá ãnî drı̣̃ı̣̂ sĩ yã? Nõô yî rĩꞌá úlı̣́ gólĩyî Ôvârí drí rĩꞌá âtálâ ãnî drí Sólõmõ tı̣́ rî ꞌbá yî ĩꞌdî. “Ámâ mvá yî, õzõ Ôvârí Yãkóvã õtírĩ ãnî âtí rî, ꞌdõvó nĩ ı̣̂sũ tã mãnísĩ dódó tã tíbê gólâ drí lẽlé îmbálé ãnî drí. Õzõ gólâ ãâtî ãnî rî, tã rî ꞌdĩ õꞌbã ãnî kô âꞌdólé tã ı̣̂sũ ró rõô tã gólâ tã mbı̣̂ ꞌẽzó rî âyélé.

2 Pétẽrõ 1:15

Gõꞌdá má âꞌdô tã gólĩyî má drí îcálé cú ꞌẽlâ rî ꞌbá yî ꞌẽꞌá, tãlâ tã ꞌdî ꞌbá yî õrî ró bê ãnî drı̣̃ı̣̂ zãâ ı̣̃zạ́tú ámâ õdrã vólé sĩ.

2 Pétẽrõ 3:1

Ámâ rû-lẽ-ãzí yî, nõô tã îgĩ ámákâ rı̣̃ lâ ꞌî ãnî drí. Má îgĩ wárãgã nô ꞌbá yî kpạ̃rạ̃tı̣́ ꞌdĩ ãnî drí, óõsõ ró mbârâkã bê ãnî rú, nĩ ı̣̂sũ ró úlı̣́ Ôvârí kâ tíbê ãnî drí ârílí trá nõ tã lâ bê tãndí ró.