Ị́bũrũ 13:3 - Tã-drı̣̃ Lẽlẽ Óꞌdí Óvârí Kâ

³ ꞌDõvó kpá tã õjílã gólĩyî ômbélé trá gạ̃nı̣́mạ̃ ꞌá rî ꞌbá yí kâ ãâgâ ãnî drı̣̃ı̣̂. Nĩ ậmû gólĩyî õzõ ãnî drí lẽlé õjílã ãzâ ꞌbá yî drí ꞌẽlé ãnî drí rî kâtí, õzõ óõômbê ãnî trá gạ̃nı̣́mạ̃ ꞌá rî. ꞌDõvó nĩ nı̣̃ kpá ĩzã õjílã gólĩyî lâŋõ bê rî ꞌbá yí kâ kpá õzõ õjílã gólĩyî lâŋõ rî ãlôlâ ꞌdĩ bê rî ꞌbá yí kâtí.

Ị́bũrũ 13:3 Iomraidhean Croise

Mãtáyõ 25:36

Gõꞌdá nĩ ndrê mâ bê ítá ĩzã bê rî, nĩ âfẽ ítá trá má drí sõlé. Gõꞌdá má âꞌdô bê ngá lãzé ró rî, nĩ ndrê ámâ vó trá tãndí ró. Gõꞌdá óꞌbã mâ bê gạ̃nı̣́mạ̃ ꞌá rî, nĩ ânĩ trá ámâ lômílí.’

Mãtáyõ 25:43

Gõꞌdá nĩ ndrê mâ bê õjílã lídí ró rî, nĩ lậgú mâ kô ãnî drí ꞌbã ꞌá. Gõꞌdá nĩ ndrê mâ bê ítá ĩzã bê rî, nĩ âfẽé ítá kô má drí sõlé. Gõꞌdá má âꞌdô bê ngá lãzé ró rî, nĩ ndré ámâ vó kô. Gõꞌdá óꞌbã mâ bê gạ̃nı̣́mạ̃ ꞌá rî, nĩ ânĩí kô ámâ ndrẽlé.’

Tã ꞌẼꞌẽ 24:23

Nĩngá sĩ, gólâ drí tã ꞌbãzó drı̣̃-ꞌbá ạ̃jú ꞌbũ ꞌbá kâ ãzâ drí kĩ nĩ rî, “Nĩ ndrê Póõlõ rî vó gạ̃nı̣́mạ̃ ꞌá, gõꞌdá gólâ õrî drı̣̃-bạ́lạ́yı̣̂ ró. Gõꞌdá nĩ âyê õjílã kpá ngá âꞌdó ꞌbá bê rî ꞌbá yî âjílí gólâ drí.”

Tã ꞌẼꞌẽ 27:3

Ĩtí drı̣̃zõ ãzâ rî sĩ, ãmâ drí cãzó jạ̃rı̣́bạ̃ Sĩdónã rî ꞌálâ. Yũlı̣́yạ̃ rĩꞌá õjílã tãndí ꞌî Póõlõ drí. Drẽ ãmâ drí âꞌdózó Sĩdónã ꞌálâ rî, gólâ âyê Póõlõ trá âfõlé kõlóngbõ ꞌdî ꞌásĩ nĩꞌá ãzí-ãzí lâ yî lômílí tólâ, tãlâ gólĩyî õfẽ ró bê ngá gólâ drí lẽlé rî ꞌbá yî gólâ drí.

Rómã lé ꞌbá 12:15

Õzõ tã tãndí õꞌê rû trá ãnî ãzí-ãzí ãzâ ꞌbá yî drí gólĩyî ꞌbãlé âꞌdólé ãyĩkõ ró rî, nĩ âꞌdô kpá ãyĩkõ ró gólĩyí bê tãlâ tã tãndí gólâ rû ꞌẽ ꞌbá trá ꞌdĩ tãsĩ. Õzõ ngãtá ĩzã ꞌî ãnî ãzí-ãzí ãzâ ꞌbá yî ꞌẽꞌá yã rî, nĩ ꞌdê kpá kpãkã ãlô ãwó ngõlé gólĩyí bê ĩzã gólĩyíkâ ꞌdĩ drí sĩ.

1 Kõrínĩtõ lé ꞌbá 12:26

Gõꞌdá õzõ ngá ãlô rúꞌbạ́ ꞌá rî ãꞌdô trá lâzê-lâzê ró rî, ꞌdĩî, rúꞌbạ́ kpá trá ndrĩ lâzê-lâzê ró. Gõꞌdá õzõ ngá ãlô rúꞌbạ́ ꞌá rî ãꞌdô trá ạ̃ꞌdı̣́ ró rî, ꞌdĩî rî rúꞌbạ́ kpá trá ndrĩ ạ̃ꞌdı̣́ ró.

Ẽfésõ lé ꞌbá 4:1

Tã gólâ ámâ ꞌbãzó gạ̃nı̣́mạ̃ ꞌá nõ rĩꞌá tãlâ tã má drí âꞌdózó lãjóꞌbá Yésũ kâ ró rî tãsĩ. Gõꞌdá ĩtí rî, má lẽ tã ãzâ ꞌbãlé ãnî drí. Nĩ ndrê drẽ, Ôvârí njĩ ãnî trá âꞌdólé õjílã gólĩyî íyî nyãányâ kâ rî ꞌbá yî ró. Ĩtí rî, gõꞌdá tã ꞌẽꞌẽ ãníkâ rî ꞌbá yî õrî zãâ âꞌdálâ kĩ, ãnî õjílã gólâkâ rî ꞌbá yî ĩꞌdî.

Kõlósĩ lé ꞌbá 4:18

Gõꞌdá mâ rî gógó Póõlõ, má fẽ nî-bê-yã ãnî drí, mâ rî gógó nyãányâ lâ mâ trá ámâ rú îgĩꞌá nõ. Ámâ tã ũvı̣̃ ãnî drı̣̃ı̣̂ sĩ gạ̃nı̣́mạ̃ ꞌá nõlé kô, nĩ ꞌê rãtáã bê ámâ tãsĩ. Ôvârí ãâꞌdô ãní bê ndrĩ. Ĩꞌdî ꞌdĩ.

Ị́bũrũ 10:34

Gõꞌdá kpá kậyı̣̂ ãzâ ꞌbá yî sĩ rî, nĩ nı̣̃ ĩzã krístõ ꞌbá gólĩyî ômbélé trá gạ̃nı̣́mạ̃ ꞌá rî ꞌbá yí kâ trá, gõꞌdá ĩtí rî, ĩzã lâ yî drí kpá gãzó ãnî lı̣̃fı̣́. Gõꞌdá õjílã ôpâ ngá ãníkâ bê ndrĩ ãnî drı̣́gạ́ sĩ tã ányâ ró rî sĩ rî, nĩ rî trá ãyĩkõ sĩ, tãlâ nĩ nı̣̃ trá kĩ, Ôvârí fẽ tã tãndí gólĩyî rĩ ꞌbá ãníkâ ró zãâ gbạ́dú rî ꞌbá yî trá ãnî drí.

Ị́bũrũ 11:37

Nĩngá sĩ rî, úûfû õjílã Ôvârí kâ ũrûkậ ꞌbá yî lûvũ-lûvũ lâ yî kúnı̣́ mvá sĩ rî sĩ. Ãzâ ꞌbá yî óômvã ꞌâ lâ ĩyî mõsérẽ sĩ tú tú, gõꞌdá úûfû ãzâ ꞌbá yî ĩyíkâ lı̣́gú ạ́ngı̣́ mbẽlẽsó-mbélésô rî ꞌbá yî sĩ. Õjílã Ôvârí kâ ãzâ ꞌbá yî bê rĩꞌá ngá ãkó lé ꞌbá ró, gólĩyî rî lậmú bê cé kạ́bı̣̃lı̣́kı̣̃ ínyíríkó ngãtá ı̣̃ndrı̣̂ ínyíríkó sõsõ ítá ró rî sĩ. Ĩtí rî, õjílã ꞌê tã ãnyĩ kâ trá gólĩyî drí gõꞌdá kpá gólĩyî lârâkô ꞌẽꞌẽ bê.

1 Pétẽrõ 3:8

Ạ̃dũkũ lâ ró rî, nĩ rî zãâ rĩlí pı̣̃pı̣̂sı̣́lı̣́ ạ̃ꞌdı̣́ sĩ ãnî lãfálé ꞌásĩ. Nĩ rî ngá ãlô ró. Nĩ ndrê ĩzã ãnî ãzí-ãzí yí kâ bê, nĩ lẽ ãnî ãzí-ãzí yî, nĩ âꞌdô ạ̃ꞌdı̣́ ró ãnî ãzí-ãzí yî drí. Nĩ ꞌbã ãnî nyãányâ kô âꞌdólé gạ̃rạ̃ ãnî ãzí-ãzí yî drı̣̃ı̣̂ sĩ.