Ị́bũrũ 1:8 - Tã-drı̣̃ Lẽlẽ Óꞌdí Óvârí Kâ

⁸ Gõꞌdá íîgĩ trá búkũ Ôvârí kâ ꞌá gólâ rî mvá rî tãsĩ kĩ, “Ãwô Ôvârí, nî Ôvârí ꞌî. Kũmũ áníkâ âꞌdô rĩꞌá zãâ gbạ́dú ní drí ãngó áníkâ nõ rũzó tã mbı̣̂ ꞌẽꞌẽ sĩ.

Ị́bũrũ 1:8 Iomraidhean Croise

Lúkạ̃ 1:75

Gõꞌdá kpá mã rî ró bê tã mbı̣̂ ꞌbá ró yí lı̣̃fı̣́.

Yõwánĩ 10:30

Mĩ ndrê drẽ, ãmâ ámâ átá bê rĩꞌá ngá ãlô ꞌî.”

Yõwánĩ 10:33

Gõꞌdá Pạ̃rúsı̣̃ ꞌdĩ ꞌbá yî drí tã-drı̣̃ lôgõzó Yésũ drí kĩ, “Mã ꞌê ánî fũlı̣́ nõ, âꞌdó kô tã tãndí áníkâ ꞌẽlé ꞌdĩ tãsĩ. Mã ꞌê ánî fũlı̣́ nõ, tãlâ úlı̣́ ꞌdásí áníkâ âꞌbãlé Ôvârí rî gógó rú kĩꞌá nĩ rî, yĩ ãâꞌdô ãlô Ôvârí bê nõ tãsĩ. Nî õjílã mvá tãkó nõ ĩꞌdî, ní âꞌdô áníkâ ánî lômbéꞌá ꞌbãlé ãlô Ôvârí bê ꞌdĩ ángô tí yã?”

Yõwánĩ 20:28

Gõꞌdá nĩngá sĩ, Tómã drí tã-drı̣̃ lôgõzó Yésũ drí kĩ, “Ãwô, Kúmú! Má lẽ tã trá ní ꞌá ngbãângbânõ. Gõꞌdá má nı̣̃ kpá trá kĩ nĩ rî, nî rĩꞌá Kúmú ámákâ ĩꞌdî! Pạ̃tı̣́ı̣̃ ró, nî rĩꞌá Ôvârí ĩꞌdî!”

1 Kõrínĩtõ lé ꞌbá 15:25

Nĩ ndrê drẽ, Yésũ Krístõ âꞌdô rĩꞌá ãngó nõ drı̣̃ı̣̂ kúmú ró, bũúũ gólâ drí íyî ạ̃jú-ꞌbá-ãzí yî pẽzó ndrĩ ꞌbãlé íyî pá zẽlé ꞌá.

1 Tĩmátĩyã 3:16

Nĩ ârî drẽ, tã lậpı̣̂-lậpı̣̂ ró gólâ ãmâ õjílã ꞌbã ꞌbá âꞌdólé ngá ãlô ró Ôvârí bê rî Yésũ ĩꞌdî. Yésũ ĩꞌdî ânĩ ꞌbá ûrú lésĩ tı̣̃lı̣́ ꞌbã ꞌbá õjílã mvá ró ãmâ drı̣̃ tĩ ꞌbá ró rî. Gólâ kpá ĩꞌdî Líndrí Tãndí Ôvârí kâ drí îngálé õdrã ꞌásĩ âꞌdálé ãmâ drı̣̃ tĩ ꞌbá ró rî. Mãlãyíkã âꞌdô kpá trá gólâ bê lı̣̃fı̣́ drı̣̃ ꞌbá ró gólâ drí. Gõꞌdá Ôvârí trõ gólâ trá ûrú ꞌálâ võ kãꞌdâ-kãꞌdâ íyíkâ rî ꞌá. Gõꞌdá gólâ ĩꞌdî ãmâ drí rĩꞌá tã gólâkâ pẽlé ãngó ãmbá nõ ꞌbá yî ꞌásĩ ndrĩ rî. Gõꞌdá gólâ kpá ĩꞌdî õjílã ãzâ ꞌbá yî drí tã lẽlé ꞌá lâ ãngó ꞌásĩ ndrĩ pı̣̃pı̣̂sı̣́lı̣́ ãlô sĩ rî.

2 Pétẽrõ 1:11

Gõꞌdá ꞌdĩî rî, Ôvârí âꞌdô ãnî ꞌbãꞌá rĩlí yí bê võ ûrú ꞌálâ gólâ Yésũ Krístõ ꞌdíyî pã ꞌbá ãmákâ ró rî drí rĩzó ꞌá lâ Kúmú ró rî ꞌálâ.

1 Yõwánĩ 5:20

tãlâ mã nı̣̃ trá kĩ, Yésũ Ôvârí rî mvá âcâ trá. Gõꞌdá gólâ fẽ mbârâkã trá ãmâ drí tã lẽzó Ôvârí gólâ ꞌbã ꞌbá pạ̃tı̣́-pạ̃tı̣̃ ró rî ꞌá ĩꞌdî, gólâ ĩꞌdî Ôvârí tíbê ꞌbã ꞌbá bê ãmbá ûrú ꞌálâ rî. Gõꞌdá óꞌbã ãmâ trá ngá ãlô ró gólâ bê, tãlâ ãmâ trá ngá ãlô ró mvá lâ Yésũ Krístõ bê. Ôvârí pạ̃tı̣́ı̣̃ ãzâ yûꞌdạ́wạ́, gólâ cé ĩꞌdî Ôvârí gólâ ꞌẽ ꞌbá ãmâ ꞌbãlé rĩlí zãâ gbạ́dú ạ̃dũkũ ãkó ûrú ꞌálâ rî.