Ị́bũrũ 1:4 - Tã-drı̣̃ Lẽlẽ Óꞌdí Óvârí Kâ

⁴ Ôvârí rî mvá drí rĩrĩ vũdrı̣́ Ôvârí lạ̃gạ́tı̣́ ĩtí ꞌdĩ ꞌá rî, Ôvârí âꞌdâ tã trá kĩ, íyî mvá ãâꞌdô ãmbá ró kôrô ãmbã mãlãyíkã íyíkâ rî ꞌbá yí kâ drı̣̃ı̣̂ sĩ. Gõꞌdá ãrõ Ôvârí yî lãfálé ꞌá íyî mvá bê rî rĩꞌá lậnjı̣̃-lậnjı̣̃ ró kôrô ãrõ gólâkâ mãlãyíkã gólâkâ rî ꞌbá yí bê rî drı̣̃ı̣̂ sĩ.

Ị́bũrũ 1:4 Iomraidhean Croise

Kõlósĩ lé ꞌbá 1:18

Ĩtí rî, gõꞌdá Yésũ Krístõ íyíkâ rĩꞌá nyé õzõ drı̣̃ kâtí, gõꞌdá õjílã gólâkâ rî ꞌbá yî ĩyíkâ rĩꞌá nyé õzõ gólâ rî rúꞌbạ́ kâtí. Gõꞌdá gólâ kpá õjílã drı̣̃-káká lîdrí ꞌbá õdrã ꞌásĩ rî ĩꞌdî. Ĩtí rî, gõꞌdá Yésũ Krístõ rĩꞌá õjílã drı̣̃lı̣́ ndrĩ, ôvârí õjílã gólĩyî ôdrã ꞌbá trá rî ꞌbá yí kâ bê ndrĩ gõꞌdá kpá ngá ndrĩ drı̣̃lı̣́.

Kõlósĩ lé ꞌbá 2:10

Ĩtí rî, gõꞌdá ãnî rĩꞌá ĩzã õrẽ kâ ãkó Ôvârí drı̣́gạ́ sĩ, tãlâ ãnî trá rĩꞌá ngá ãlô ró Yésũ bê, gõꞌdá gólâ ĩꞌdî mbârâkã ndrĩ ãngó ꞌá nõ ꞌbá yî drı̣̃lı̣́, mãlãyíkã tãndí ngãtá líndrí õnjí, ꞌbúlı̣́-ꞌbá yí bê, gõꞌdá kpá ólé yí bê ndrĩ.

2 Tẽsãlõníkã lé ꞌbá 1:7

Gólâ âꞌdô ãmâ ꞌbãꞌá ãní bê lôvólé rû îzã-îzã ꞌásĩ, mã õtírĩ Yésũ rî ndrẽê ânĩrĩ ꞌá ûrú lésĩ rî, cú lạ̃sı̣́ kõkõ lạ̃rũ-lạ̃rũ rî bê kpá mãlãyíkã íyíkâ mbârâkã ãkĩ rî ꞌbá yí bê rî.

Ị́bũrũ 1:9

Gõꞌdá nî rĩꞌá cú tã mbı̣̂mbı̣̂ rî ꞌbá yî lôvó bê ní ꞌá, gõꞌdá nî rĩꞌá cú ĩtí tã ányâ ró rî ꞌbá yî lôvó lâ ãkó ní ꞌá. Tãlâ tã ꞌdî tãsĩ rî, Ôvârí, Kúmú áníkâ ró rî, ꞌbã nî âꞌdólé ãyĩkõ bê ãmbá, tãlâ gólâ njĩ nî nĩ âꞌdólé ãmbã bê lậvũlı̣́ gạ̃rạ̃ ãmbã ánî ãzí-ãzí yí kâ rî drı̣̃ı̣̂ sĩ.” Lôngó 45.6-7

Ị́bũrũ 12:17

Ĩtí rî, mĩ nı̣̃ Ẽsáwõ rî tã trá. Gõꞌdá gólâ drí võ íyíkâ âꞌdózó mvá sı̣́sı̣́ ró rî fẽzó vólé rî vósĩ rî, gólâ lẽ gõꞌdá íyî átá õfẽ ró õrẽ yí drí, gõꞌdá îcá kô âꞌdólé ĩtí. Lạ́tı̣̂ ãzâ yûꞌdạ́wạ́ átá lâ drí tã gólâ rû ꞌẽ ꞌbá trá ꞌdĩ jãzó, õzõ kpálé Ẽsáwõ rî gógó õlôndã lạ́tı̣̂ kpı̣̃ı̣̂ ı̣̃lı̣́ndrı̣̂ sĩ rõô tã íyíkâ jãzó rî.

Ị́bũrũ 2:9

Ngá gólâ ãmâ drí ndrẽlé rî íyíkâ Yésũ ĩꞌdî gólâ tíbê ngá ãngó nõ kâ ndrĩ rî ꞌbá yî ꞌbãlé âꞌdólé yí zẽlé. Gõꞌdá ndrô dã gólâ drí âꞌdózó ı̣̃nyạ́kú drı̣̃ı̣̂ rî sĩ rî, Ôvârí ꞌbã ãmbã gólâkâ rî âꞌdólé ãmbã mãlãyíkã íyíkâ rî ꞌbá yí kâ rî zẽlé. Gõꞌdá ngbãângbânõ rî, ãmbã gólâkâ lậvũ trá gạ̃rạ̃ âꞌdólé rõô. Ôvârí ꞌbã lậnjı̣̃ trá drı̣̃ lâ kúmú ró ĩtí, tãlâ gólâ ûsû lâŋõ trá gõzó kpá drãlé tã õnjí ãmákâ rî ꞌbá yî tãsĩ. Gõꞌdá tãlâ pı̣̃pı̣̂sı̣́lı̣́ tãndĩ Ôvârí kâ ãmâ õjílã drí rî sĩ rî, Yésũ drí drãzó õjílã ndrĩ rî ꞌbá yî võ lâ ꞌá, tãlâ lâŋõ tã õnjí gólĩyíkâ rî kâ njı̣̃lı̣́.

1 Pétẽrõ 3:22

Yésũ Krístõ ngâ trá gõlé ûrú ꞌálâ rĩlí drı̣́-ágó Ôvârí kâ drı̣̃ lésĩ rĩlí kúmú ró Ôvârí bê. Gõꞌdá ngbãângbânõ rî, gólâ rî trá mãlãyíkã drı̣̃lı̣́ ndrĩ gõꞌdá kpá líndrí ãzâ ꞌbá yî âꞌdó ꞌbá cú drı̣́-ãcê bê ûrú ꞌá tólâ nã ꞌbá yî drı̣̃lı̣́ õjílã bê ndrĩ.