Tɨwei Pol Kewisɨk Ken Mɨt Ne Rom 14:11 - Hɨm Yaaim Me God

¹¹ Hɨm me God Aisaia kewisɨm mau tɨwei matɨp mar im: “Hi hepu, te hi Mɨtɨk Iuwe God hetpi werek. Mɨt, miyapɨr, tɨpir, hɨr nanɨrp nanerepta nanwen ninɨp nanitehɨr nantɨp nanɨr ik: ‘Ti hɨrekes kerekek ti God.’”

Tɨwei Pol Kewisɨk Ken Mɨt Ne Rom 14:11 Iomraidhean Croise

Matyu 10:32

“Mɨt miyapɨr kerek nerp ninaan me mɨt han nanwepyapɨr hɨr nises hɨm mai, te maain hɨr nanɨrp ninaan me Haai kaiu, hi etpor hɨr yaain nises hɨm mai, hɨr mɨt nai.

Tɨwei Pol Kewisɨk Ken Mɨt Ne Rom 10:9

Haiu matɨp mɨt miyapɨr menmen mar im: “Yi eitɨp eiriuwe hɨm ki yi eitɨp, ‘Jisas hɨrak Mɨtɨk Kaiu Iuwe naanemprai,’ yi han kitet eikre han ki God nepei kɨkɨak Jisas kerek kɨwaai kekre nɨmɨn ke mɨt nepei naa, hɨrak pɨke kekrit kau, te God kaktihis.”

Tɨwei Pol Kewisɨk Ken Mɨt Ne Rom 15:9

Krais kan te mɨt miyapɨr ne weiwɨk ham nanwenɨpi niuk me God me menmen im. God hɨrak hanhan keriuwe haiu mɨt yapɨrwe. Hɨm me God mau tɨwei Sam kerek Devit kewisɨm hɨram matɨp mar im: “Hentar menmen im hi hau nɨmɨn ke mɨt miyapɨr ne weiwɨk ham, hi awenɨpi niuk mit, hi hinut henye.”

1 Jon 4:15

Keimɨn katɨp Jisas hɨrak Nɨkan ke God, hɨrak ketike God tau han kiutɨp.

2 Jon 1:7

Mɨt yapɨrwe epei newep nerer wit nemipɨn mɨt miyapɨr. Hɨr nepakɨn Jisas hɨrak keit yɨnk kar ke haiu mɨt keriyen hɨrak kan tɨ ik. Mɨt nar ik hɨr enun newisesik, hɨr nepan ne Krais.

Revelesen 5:14

Menmen yapɨrwe hɨram matɨp epei au, menmen tekyaait (4) kerek mepu hɨram matɨp mar im: “Menmen im yaaim.” Epei au, mɨt iuwe nar 24 hɨr newen ninɨp nɨwaai tɨ newenɨpi niuk mɨrakɨt.