Hɨm Yaaim Me Jisas Krais Mak Kewisɨm Mau Tɨwei 14:72 - Hɨm Yaaim Me God

⁷² Hɨrak katɨp epei au, hɨrak suware pɨke katɨp. Te Pita hɨrak han kitet menmen Jisas nɨpaa ketpɨwek kar ik: “Maain suware katɨp wik wen au, ti tewen eraupakɨn wikak.” Hɨrak han kitetim te hɨrak kine han enuk kɨkɨt.

Hɨm Yaaim Me Jisas Krais Mak Kewisɨm Mau Tɨwei 14:72 Iomraidhean Croise

Matyu 26:34

Jisas ketpɨwek, “Hi hetput hɨm im werek. Me wɨtaan im em Suware ap matɨp wen au, ti eraupakɨn wikak etɨp mɨt ti epratari hises hɨm mai au.”

Hɨm Yaaim Me Jisas Krais Mak Kewisɨm Mau Tɨwei 14:30

Jisas ketpɨwek kar ik: “Hi hetput werek. Wɨtaan ik ek, suware kaktɨp wik wen au, ti eraupakɨn wikak atɨp mɨt hi epɨtari hɨrak keimɨn.”

Hɨm Yaaim Me Jisas Krais Mak Kewisɨm Mau Tɨwei 14:68

Te Pita kiune hɨm katɨp, “Henmak te ti hitauhi menmen im? Hi hepɨtariyek.” Hɨrak katɨp epei au, hɨrak ken kerp ya weipɨr. Te suware katɨp.

Hɨm Yaaim Me Jisas Krais Mak Kewisɨm Mau Tɨwei 14:71

Pita katɨp hɨm iuwe ketpor kar ik: “Hi epɨtari mɨtɨk hak yi yitauhiyek au. Hi atɨp werek au, te God hɨrak kaknen kakiyep.”

Hɨm Yaaim Me Krais Luk Kewisɨm Mau Tɨwei 22:60

Au, Pita keremirɨwek hɨm katɨp, “Mɨtɨk, hi epɨtari mekam ti etpewem.” Pita wen ketpim, suware kenep enum.

Hɨm Yaaim Me Krais Luk Kewisɨm Mau Tɨwei 22:62

Hɨrak han kitet menmen im te hɨrak ken wit eik kɨkɨt wɨsenum.

2 Korin 7:10

God keit menmen im menipi yi yɨnk enuk hɨrak keiyɨm keweikni han ki te hɨrak kekepi kaktihis kakɨriuwerem. Menmen im hɨram yaaim te haiu ap han enuk meriuwerem au. Menmen menip mɨt miyapɨr ne tɨ hɨr han enuk hɨram ap mekepi nanweikɨn han nanises menmen yaaim au. Hɨram mewetɨr han enuk neriuwe hɨras keriyen. Menmen im ap mamkepi hɨr nanu werek werek au. Hɨram mamnipi maain hɨr nani.