Matyu 15:16 - Hɨm Yaaim Me God

^16-17 Jisas katɨp, “Yi ap han kewi au a? Yi yɨre mɨt han en a? Yi ap yertei menmen kerek mɨtɨk hɨrak kewisim mekre hɨm hɨram men mekre nɨnpɨ tɨwaak te maain hɨrak kakno kaknerem mamɨkre hei?

Matyu 15:16 Iomraidhean Croise

Matyu 13:51

Te Jisas kitorhi, “Yi yertei hɨm yapɨrwe hi epei hetpiyem?” Hɨr newenhi natɨp Jisas, “Kai Iuwe, haiu merteiyem.”

Matyu 15:10

Jisas ketpor epei au, hɨrak kenɨne mɨt miyapɨr nan nɨrek, hɨrak ketpor, “Yi eiyɨrteiyem han ekitetim werek werek!

Matyu 15:15

Pita kewenhi katɨp Jisas, “Ti ewepyapɨr hɨm me tok piksa, te haiu emɨmtewem.”

Matyu 16:11

Yenmak te yi ap yertei hi ap hetpi menmen me bret. Yi naanmamre hɨras me hɨm me mɨt ne Farisi netike mɨt ne Sadyusi.”

Matyu 16:9

Yi ap yertei menmen werek wen au a? Te yi ap han ekitet bret mar hispɨnak (5) mɨt nar 5,000 hɨr naam, te wapnake mar hiswiyen wik (12) yi yemi mekrerem?

Hɨm Yaaim Me Jisas Krais Mak Kewisɨm Mau Tɨwei 6:52

Hɨr ap han kitet menmen me bret kerek hɨrak kɨrɨakem kewet mɨt em hɨram meteiknor hɨrak Mɨtɨk Iuwe. Au, han kɨr wen toenuk. Mar im te hɨr nepɨrpɨr.

Hɨm Yaaim Me Jisas Krais Mak Kewisɨm Mau Tɨwei 7:18

Hɨrak kenemyor naan ketpor kar ik: “Yi wen yepɨtariyem yar ke mɨt ein a? Yi yepɨtari menmen hɨram mamno hɨm ke mɨt hɨram menip God hɨrak kaktɨp mɨt hɨr enun taauye!

Hɨm Yaaim Me Jisas Krais Mak Kewisɨm Mau Tɨwei 9:32

Hɨr han kitet hɨm mɨrak hɨr nepɨtariyem. Te hɨr nɨnaain nanitɨwekhi me menmen hɨrak ketporem.

Hɨm Yaaim Me Krais Luk Kewisɨm Mau Tɨwei 18:34

Mɨt disaipel ap nertei menmen werek werek au. Te menmen kerek hɨrak ketpim au mɨsawɨn ap meke yaain au. Te hɨr ap nertei menmen werek werek Jisas ketpim au.

Hɨm Yaaim Me Krais Luk Kewisɨm Mau Tɨwei 24:45

Epei au, hɨrak kerekyor han kɨr kewep te hɨr nanɨrtei hɨm me God mau tɨwei werek werek.

Hɨm Yaaim Me Krais Luk Kewisɨm Mau Tɨwei 9:45

Te hɨr ap nertei werek menmen hɨrak ketporem nentar hɨrak ap kekepi werek te hɨr nerteiyem. Hɨr nɨnaain pɨke nanitɨwekhiyem.

Hibru 5:12

In ek hɨram wɨ me yi mɨt yi yepu yɨre tisa me hɨm me God yentar nɨpaa enum eik yi yemtau hɨm me God yisesim. Te yi ap eire tisa au. Yi ap yertei werek hɨm nɨpaa yi yemtewem te mɨtɨk hak pɨke eknen ekteikniyem te yi eiyɨrteiyem werek werek. Yi yɨre mɨt iuwe yaam nɨnpɨn heriyai heriyai au. Yi yɨre nɨkerek kike yaam nɨm, yi ap te yises hɨm me God werek werek wen au.