Hɨm Yaaim Me Krais Luk Kewisɨm Mau Tɨwei 6:12 - Hɨm Yaaim Me God

¹² Me wɨ im, Jisas kɨniu ken mɨniu (o neiyɨp) kitehi God menmen. Wɨtaan ere wanewik hɨrak kitɨwekhi menmen.

Hɨm Yaaim Me Krais Luk Kewisɨm Mau Tɨwei 6:12 Iomraidhean Croise

Matyu 5:1

Jisas kɨr mɨt miyapɨr nisesik, hɨrak kɨniu mɨniu (o neiyɨp) ken kau ke nɨmɨn. Mɨt nɨrak disaipel hɨr nan nau netikerek.

Matyu 6:6

Wɨ kerek yi yitehi God menmen, yi eino haau ke wɨnak iyepet weipɨr eiyitehi God kerek mɨt ap nɨrek, yi eitɨwekhi menmen. Te maain Haai ki God kerek kɨr menmen yi yɨsawɨn yɨrɨakem hɨrak kakweti menmen yaaim mamrerim.

Hɨm Yaaim Me Jisas Krais Mak Kewisɨm Mau Tɨwei 1:35

Hekrit enum eik hɨrak kekrit ketpaan ken yaank weinɨk kitehi God, te hɨrak ketikerek tewepnak.

Hɨm Yaaim Me Jisas Krais Mak Kewisɨm Mau Tɨwei 3:13

Maain Jisas kehis mɨt kerek hɨrak hanhani kenɨnor hɨr nan nisesik netikerek nen nau mɨniu (o neiyɨp) kentɨr ein.

Hɨm Yaaim Me Jisas Krais Mak Kewisɨm Mau Tɨwei 6:46

Hɨrak Jisas keriuweti hɨr nen, te hɨrak ken mɨniu (o neiyɨp) kitehi God, hɨrakɨt tewepnak.

Hɨm Yaaim Me Krais Luk Kewisɨm Mau Tɨwei 5:16

Wɨ yapɨrwe hɨrak kɨpnaaiwɨr mɨt hɨrak ken wit weinɨm mɨt ap newi, hɨrak prea kitehi God menmen.

Hɨm Yaaim Me Krais Luk Kewisɨm Mau Tɨwei 6:11

Jisas kekepik, te mɨt hɨr neperper nine han enuk wɨsenum natɨpan nime nɨpɨnek menmen hɨr nanrɨak Jisas em enum.

Hɨm Yaaim Me Krais Luk Kewisɨm Mau Tɨwei 6:17

Epei au, Jisas ketike mɨt nɨrak nekiuwe mɨniu (o neiyɨp), hɨr nen wit kɨpɨrak netike mɨt yapɨrwe nises hɨm mɨrak. Hɨr netike mɨt yapɨrwe nerer wit wit me provins Judia netike mɨt ne Jerusalem netike mɨt ne wan menep wit iuwe Taia ketike Saidon,

Hɨm Yaaim Me Krais Luk Kewisɨm Mau Tɨwei 9:18

Wɨ ham Jisas hɨrak kitehi God menmen, mɨt nɨrak nau netikerek neit wit weinɨk. Hɨr nau en, hɨrak kitorhi kar ik: “Mɨt natɨp hi keimɨn?”

Hɨm Yaaim Me Krais Luk Kewisɨm Mau Tɨwei 9:28

Maain wɨ hispɨnak wikak (7) epei au, Jisas ken kɨniu mɨniu (o neiyɨp) ken kaktɨp kaktike God. Hɨrak keithis Pita, Jems, Jon tetikerek ten.

Hɨm Yaaim Me Krais Luk Kewisɨm Mau Tɨwei 9:29

Hɨrak wen kitehi God menmen, ninaan mɨrak meweikɨnhis merhɨhe, klos mɨrak merhɨhe mɨre nepni mewenɨn.

Hɨm Yaaim Me Krais Jon Kewisɨm Mau Tɨwei 6:3

Jisas ken kɨniu mɨniu wank ken kau ketike mɨt disaipel nɨrak.

Kolosi 4:2

Hekrit hekrit yi wen eiyitehi God menmen. Yi yɨrɨakem yi han ekitet menmen werek werek yi yaitɨp God hɨrak yaaik.

Hibru 5:7

Nɨpaa wɨ Jisas kau tɨ kɨre mɨtɨk, hɨrak kitehi God keriuwe hɨm iuwe wan tɨpar metpenɨn moke nanamɨr kɨrak. God kemtau menmen hɨrak kitɨwekhiyem, hɨrak kekepik. Hɨrak kaa te God kɨkɨak kekrit kepu kentar hɨrak kewen han kɨrak kises han ke God.