Hɨm Yaaim Me Krais Jon Kewisɨm Mau Tɨwei 6:5 - Hɨm Yaaim Me God

⁵ Jisas kerenaan kɨr mɨt miyapɨr yapɨrwe nan nɨrek. Te hɨrak katɨp Filip, “Haiu mamɨt niu o bret mamɨt nein te haiu mamwet mɨt miyapɨr em hɨr nanɨm?”

Hɨm Yaaim Me Krais Jon Kewisɨm Mau Tɨwei 6:5 Iomraidhean Croise

Matyu 15:33

Te hɨr mɨt disaipel natɨp Jisas, “In en ap mɨt nei newi. Te haiu mamɨt menmen mamoke nein te mamwet mɨt yapɨrwe rem te hɨr nanɨm?”

Hɨm Yaaim Me Jisas Krais Mak Kewisɨm Mau Tɨwei 6:32

Hɨr hɨras nau bot nepno wit weinɨk.

Hɨm Yaaim Me Krais Luk Kewisɨm Mau Tɨwei 9:10

Maain mɨt nɨrak aposel nɨpaa keriuweti nen, hɨr epei nan netpɨwek menmen hɨr nɨrɨakem. Te hɨrak kɨnaaiwɨr mɨt yapɨrwe hɨrak keithis mɨt nɨrak hiswiyen wik (12) ketikeri keriyen hɨr nen wit Betsaida.

Hɨm Yaaim Me Krais Jon Kewisɨm Mau Tɨwei 1:43

Wɨ ham Jisas kekrit kakno provins Galili. Hɨrak han kitet kakno en te hɨrak kɨnapɨn mɨtɨk Filip ketpɨwek kar ik: “Ti enen eisɨsa!”

Hɨm Yaaim Me Krais Jon Kewisɨm Mau Tɨwei 1:44

Filip hɨrak ke wit Betsaida, wit ke Endru ketike Pita.

Hɨm Yaaim Me Krais Jon Kewisɨm Mau Tɨwei 1:45

Te Filip kɨnapɨn Nataniel hɨrak ketpɨwek, “Haiu epei mɨnapɨn mɨtɨk kerek nɨpaa Moses kewisɨm mau tɨwei mɨrak, hɨrak ketike mɨt profet newisɨm mau tɨwei. Haiu epei mɨnapɨnek, hɨrak Jisas, nɨkan ke Josep ke Nasaret.”

Hɨm Yaaim Me Krais Jon Kewisɨm Mau Tɨwei 1:46

Nataniel ketpɨwek, “Menmen mei miutɨp yaaim ap te mamɨke Nasaret mamnen auye!” Filip kewenhi ketpɨwek kar ik: “Ti eno ehɨrek.”

Hɨm Yaaim Me Krais Jon Kewisɨm Mau Tɨwei 1:48

Nataniel ketpɨwek, “Ti harkeik te ti herteiya?” Jisas ketpɨwek, “Filip kenɨnut wen au, hi hɨrit kerek ti hau hɨnɨk nu fik ek.”

Hɨm Yaaim Me Krais Jon Kewisɨm Mau Tɨwei 4:35

Yi mɨt yatɨp yar ik: “Wenke tekyaait (4) ere wɨ mamnen te haiu mamket menmen mau ni. Hi hetpi. Yi eiwaainaan heriyai heriyai eiyɨr ni werek werek. Teket epei me yaaim te yi eiketim mamnen.